ویسے تو ہمارے ملک میں آجکل خزاں کا موسم ہے لیکن میدان سیاست میں بہار کا سماں ہے۔ وہ سیا ستدان جو پانچ سال اسمبلیوں میں رہے یا حکومت میں، اُن کے چہروں پر خزاں کا موسم ہی رہا۔ جب حکومت اور اسمبلیوں سے باہر ہو گئے تو دنیا جہان کی خوبصورتیاں اور رعنائیاں اُن کے چہروں پر لوٹ آئی ہیں ۔ باہیں پھیل گئی ہیں ۔ ہونٹوں پر خوبصورت مُسکراہٹیں بکھری ہوئی ہیں۔ پاکستانی سفید شلورا قمیض اور کالی جیکٹ زیب تن ہو گئی ہے۔ پچھلے پانچ سالوں میں جن سیاسی کارکنوں کے عزیز و اقارب اس جہانِ فانی سے کوچ کر گئے تھے اُن کے گھروں میں جا کر تعزیت کی جا رہی ہے۔ غریب، بے بس اور بے حِس عوام کا درد دلوں میں طلا طم خیز طوفان بن کر دن کا چین اور راتوں کی نیندیں حرام کرتا جا رہا ہے۔ سیا ستدان جو گذشتہ پانچ سالوں میں اپنے ووٹروں کو پہچان ہی نہیں پاتے تھے بلکہ کسی دوسری دنیا کی مخلوق سمجھتے تھے اب یکلخت اُن کو پہچاننے بھی لگے ہیں اور باہیں پھیلا کر گلے بھی مل رہے ہیں ۔۔ الیکشن کے آخری ہفتے میں یہ موسم بہاراں اپنے مکمل جوبن پر ہو گا اور الیکشن کے فورآ بعد خزاں کا موسم شروع ہو جائے گا جو شاید اگلے پانچ سالوں تک پاکستانی عوام پر مسلسل چھایا رہے گا۔

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.