)صدر جنرل پرویز مشرف کی جانب سے ملک میں ایمرجنسی نافذ کرنے کا اصولی فیصلہ کرلیا گیا ہے باضابطہ اعلان وفاقی کابینہ کی منظوری کے بعد کیا جائے گا جبکہ ملک بھرمیں نجی ٹی وی و بین الاقوامی نیوز چینلزکی نشریات معطل کردی گئی ہیں اور انٹرنیٹ پر تمام نیوز ویب سائٹس پر پابندی عائد کر دی گئی ہے۔ اسلام آباد میں شاہراہ دستور اور ججز کالونی ،ریڈیو پاکستان اور پی ٹی وی اور حساس عمارتوں کے باہر سیکیورٹی اہلکاروں مسلحدستے تعینا ت کردیئے گئے ہیں ۔ذرائع کا کہنا ہے کہ صدر جنرل پرویز مشرف آج شام کسی بھی وقت قوم سے خطاب کریں گے ۔ ذرائع کے مطابق وفاقی کابینہ کا ہنگامی اجلاس بھی طلب کرلیا گیا ہے ۔کراچی میں ریڈیو پاکستان کی عمارت کے باہر فوج تعینات کردی گئی ہے ۔ دوسری جانب صدر جنرل پرویز مشرف کی زیر صدارت اہم اجلاس بھی ہوا جس میں صدر مشرف کے قریبی رفقاء ،قانونی مشیر اور اہم وفاقی وزراء نے شرکت کی جس میں فیصلہ کیا گیا کہ قبائلی علاقوں میں بگڑتی ہوئی صورتحال کی بنیاد پر ملک میں غیر معمولی اقدامات کرنے کا فیصلہ کیا گیا۔ اس سے پہلے وزیر اعظم شوکت عزیز کی زیر صدارت اہم اجلاس میں پیمرا کے حکام نے شرکت کی جس میں ایمرجنسی کی نفاذ کی صورت پر ذرائع ابلاغپر کنٹرول کے حوالے سے تبادلہ خیا ل کیا گیا۔اُردو پوائنٹ کو ملنے والی اطلاعات کے مطابق میڈیا کے اہم لوگ اور اہم سیاستدانوں سمیت متعدد افراد کی گرفتاریوں کے احکامات کچھ دیر میں جاری کئے جا سکتے ہیں۔

ایک اور عزیزو ہموطنوں‌ ہونے جا رہا ہے۔