محمدخلیل

پاگل ہے اپنی ہی کالونی کو مبارک دے رہا ہے۔۔۔

محمدخلیل

پاگل ہے اپنی ہی کالونی کو مبارک دے رہا ہے۔۔۔

سحر

آج ایک نئی بات معلوم ہوئی کہ پاکستان جمہوریت کے لیے بنا ہے ۔

Fawad

امريکہ اور پاکستان کے مابين تعلقات میں دفاعی وسائل ميں اشتراک اور تعاون ايک اہم جزو ہے ليکن ان تعلقات کی وسعت اس سے کہيں زيادہ ہے۔ دونوں ممالک کے درميان باہمی تعلقات کو مضبوط بنيادوں پر استوار کرنے کے لیے يکساں عزم اور ارادہ موجود ہے اور باہمی احترام اور اعتماد کی بنيادوں پر اشتراک سازی کے اس عمل کو مزيد آگے بڑھايا جا رہا ہے۔

اب جبکہ پاکستان جمہوری اداروں کے استحکام کے لیے کوشاں ہے، امريکہ پاکستان کی مکمل حمايت اور سپورٹ کر رہا ہے تا کہ مزيد معاشی ترقی، نۓ مواقعوں کے امکانات، پانی اور بجلی کے مسائل سے نبرد آزما ہونے کے لیے کی جانی والی کوششوں اور دہشت گرد گروہوں کی شکست کو يقينی بنايا جا سکے جو نا صرف پاکستان کی سيکورٹی کے لیے خطرہ ہيں بلکہ خطے کے استحکام اور امريکہ کی قومی سلامتی کے لیے بھی تشويش کا باعث ہيں۔

امريکہ حکومت پاکستان اور افواج پاکستان کے ساتھ مل کر ان جاری کوششوں کے ضمن ميں ہر ممکن مدد فراہم کر رہا ہے جن کا مقصد اس عفريت اور خطرے کا خاتمہ ہے جو ملک بھر میں سينکڑوں بے گناہ افراد کی موت کا سبب ہے۔ امريکی تعاون محض مالی امداد تک محدود نہيں ہے۔ فوجی سازوسامان، ٹريننگ اور لاجسٹک سپورٹ بھی دونوں ممالک کے مابين اسٹرٹيجک تعاون کا حصہ ہے۔

حاليہ برسوں میں پاکستانی فوج کی جانب سے کی جانے والی درخواست اور اس کے جواب ميں امريکی فوج کی جانب سے مہيا کيا جانے والے فوجی سازوسامان کے ضمن ميں ايک مثال

مارچ 17 2010 - پاکستان نے امريکہ سے اپنے ہيلی کاپٹروں کے بيڑے کے لیے فالتو پرزوں کے طور پر استعمال ہونے والے 13 اے ايچ – ون ايف کوبرا ہيلی کاپٹرز حاصل کيے ہيں۔ يہ ہيلی کاپٹرز امسال الابامہ ميں امريکی مرکز سے روانہ کيے جائيں گے۔ يہ 13 ہيلی کاپٹرز 2007 کے ايک بڑے سودے کا حصہ ہيں جس کے تحت پاکستان نے اپنے بيڑے کے لیے 12 اے ايچ ون ايف کوبرا ہيلی کاپٹر خريدے تھے اور انھيں ضروری سازوسامان سے آراستہ کيا تھا۔

گزشتہ تين برسوں کے دوران پاکستان کو ملنے والی کل سويلين اور فوجی امريکی امداد کی ماليت 340 ارب روپے (چار ارب ڈالر) سے زيادہ ہو چکی ہے۔ فراہم کی جانے والی اس اعانت ميں طبی امداد، اسکولوں کی تزين و آرائش، پلوں اور کنوؤں کی تعمير نو، خوراک کی تقسيم اور زرعی وتعليمی منصوبے شامل ہيں۔ امريکہ نے 370 سے زيادہ پاکستانی فوجی افسران کو انسداد دہشت گردی، انٹيلی جينس، نقل وحمل، ميڈيکل، دوران پرواز حفاظت اور فوجی قوانين ايسے موضوعات کے بارے ميں قائدانہ صلاحيتوں کو ابھارنے کے پروگراموں کے لیے مالی امداد اور تربيت فراہم کی ہے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

منتظمین

جس ملک میں سکول درکار ہوں وہاں تزین اور آرائش پر پیسہ لگانا جرم ہوتا ہے۔
بھائی چند کنووں اور پلوں کے نام بتا دیں جو امریکی امداد سے بنے ہوں۔ میری عمر 35 سال ہو گئی ہے اج تک ایک بھی منصوبہ ایسا نہیں دیکھا جو کہ امریکی امداد سے عوام کے لیے بناہو۔ باقی امریکہ بہادر کی مرضی ہے جتنے چاہے گھوڑے اپنے مفادات کے لیے خرید لے ہم عوام اس سے بری الذمہ ہیں۔

والسلام

__________________
تم سپاہی نہیں ہو پیشہ ور قاتلو!

ھارون اعظم

اس کے علاوہ یہ جمہوریت کی حمایت والی بات مجھے کچھ سمجھ نہیں‌ آئی۔ جب تک امریکہ کی ضرورت تھی، مشرف کی حمایت کرنے میں‌ اسے کوئی قباحت نظر نہیں‌ آئی۔ اس کے علاوہ ایوب خان، ضیاء الحق وغیرہ کو اپنے مقاصد کے لئے استعمال کرنے کے بعد جمہوریت کی مالا جپنا کچھ مناسب نہیں۔

__________________


http:// haroonazam.wordpress.com

ھارون اعظم کا بلاگ۔

Fawad

آپ کی يہ بات کسی حد تک درست ہے کہ پاکستان ميں امريکہ کی جانب سے ترقياتی منصوبوں کے ضمن ميں کی جانے والی کوششوں کے حوالے سے زيادہ آگہی نہيں پائ جاتی۔ ليکن موجودہ امريکی انتظاميہ پرعزم ہے کہ پاکستان کے ساتھ طويل المدت بنيادوں پر ايسے تعلقات کے فروغ کو يقینی بنايا جاۓ گا جس کی بنياد عوامی سطح پر رابطے کے ذريعے رکھی جاۓ گی۔ اس ضمن ميں گزشتہ چند ماہ کے دوران ايسے کئ اہم اقدامات اٹھاۓ گۓ ہيں جن کا دائرہ کار محض حکومتی سطح پر اہم عہديداروں تک محدود نہيں ہے۔ امريکہ کی وزير خارجہ ہيلری کلنٹن کا دورہ پاکستان اس کی واضح مثال ہے جس ميں انھوں نے تمام تر سيکورٹی خدشات کے باوجود عوامی سطح پر رابطے کو يقينی بنانے کے ليے ہر ممکن کوشش کی۔ انھوں نے مختلف ٹاؤن ہالز ميں ميٹينگز بھی کيں اور کالج اور يونيورسٹی کی سطح پر طالب علموں سے رابطے بھی کيے۔ اس کے علاوہ انھوں نے راۓ عامہ کے حوالے سے پاکستان کے قريب تمام اہم ٹی وی اينکرز کے ساتھ بات چيت بھی کی۔ ان اقدامات اور کوششوں کا مقصد يہی سوچ تھی کہ پاکستان کے عوام ميں امريکہ کی جانب سے آئندہ برسوں ميں پاکستان کے ساتھ تعلقات اور امريکی مقاصد اور سوچ کے حوالے سے شعور پيدا کيا جا سکے۔

چونکہ آپ نے پاکستان ميں امريکی ترقياتی کاموں کی حقيقت کے بارے سوال اٹھايا ہے تو اس حوالے سے فاٹا ميں حاليہ امريکی کاوش کی معلومات آپ کے ساتھ شير کرنا چاہوں گا۔

مارچ 24 2010 – امريکی قونصل جرنل ای کينڈيس پٹنم اور گورنر سرحد اويس غنی نے ايک تقريب ميں وفاق کے زير انتظام قبائلی علاقوں (فاٹا) کی باجوڑ اور مہمند ايجينسيوں ميں سنگ مرمر کے کان کنوں کو جديد مشينری فراہم کرنے کے ايک معاہدہ کا اعلان کيا جس کی ماليت 6۔187 ملين روپے (23۔2 ملين ڈالر) ہے۔

ايک تخمينہ کے مطابق تين ارب ميٹرک ٹن کے وسيع ذخائر کے باوجود سنگ مرمر نکالنے کے ليے دھماکوں جيسے فرسودہ طريقوں کو بروۓ کار لانے سے 70 فيصد پتھر ضائع ہو جاتا ہے، ماحول کو نقصان الگ پہنچتا ہے اور علاقہ ميں پانچ سو سے زيادہ کانوں کو خطرہ لاحق رہتا ہے۔ باجوڑ اور مہمند ايجينسيوں سے سنگ مرمر کی سالانہ پيداوار کا تخمينہ 7۔1 ملين ميٹرک ٹن ہے۔ نۓ آلات کی مدد سے کانکن سالانہ 9۔4 ملين ميٹرک ٹن سنگ مرمر نکال سکيں گے جس سے 80 ارب روپے سے زائد کی سالانہ آمدن حاصل ہوگی۔

کينڈيس پٹنم نے اس موقع پر اظہار خيال کرتے ہوۓ کہا کہ اس مشينری کی مدد سے کانکن چوکور شکل کے سنگ مرمر کی سليں نکال سکيں گے جو تجارتی منڈی ميں 150 فيصد زيادہ قيمتی تصور ہوتی ہیں۔ اضافی قدروقیمت سے قدرتی طور پر زيادہ منافع حاصل ہو گا، اس صنعت ميں روز گار کے مواقع بڑھيں گے اور مجموعی طور پر خطہ کی معيشت ميں بہتری آۓ گی۔

فاٹا سيکريٹريٹ پاکستان اسٹون ڈيويلپمنٹ کارپوريشن کی فنی مشاورت سے مشينری کی خريداری اور انتظام و انصرام کرے گا۔ اور اس پول کے ذريعہ يہ مشينری کم کرايہ پر دی جا سکے گی جس سے اس صنعت ميں چھوٹے سرمايہ داروں کو کان کنی کی جديد طريقے استعمال کرنے ميں مدد ملے گی۔

گورنر سرحد اويس غنی نے کہا کہ اس پروگرام سے فاٹا ميں سنگ مرمر کی صنعت پائيدار ترقی کرے گی۔ اس سے نہ صرف معيشت ميں ويليو ايڈڈ پيداوار بہتر ہو گی بلکہ سنگ مرمر کی کان کن فرموں کو آئندہ چل کر مہارت حاصل کرنے ميں بھی مدد ملے گی۔

اس مشينری کی فراہمی فاٹا ميں امريکی امداد سے چلنے والے ان متعدد پروگراموں ميں سے ايک ہے جن ميں فرنيچر، قيمتی پتھروں، چمڑے اور ہارٹيکلچر کی صنعتوں کو تربيت اور گرانٹس کے ذريعہ کاروبار اور صنعت کو مستحکم کيا جا رہا ہے اور يہ منصوبہ فاٹا کے لوگوں کی امريکی اعانت کے اس مجموعی پروگرام کا حصہ ہے جس ميں روزگار، بنيادی ڈھانچہ، صحت عامہ اور تعليم کے منصوبے بھی شامل ہيں۔

03-24-2010_Photo_Marble_Machinery_Pool_Signing.jpg - ImageHost.org

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

منتظمین

ہو گا، یہ کس نے دیکھا ہے؟ ماضی میں بھی بہت کچھ ایسا ہی کہا گیا۔ کوئی تکمیل شدہ منصوبہ / ہاپسٹل، سکول، عوام کے بہبود کا منصوبہ جو تکمیل ہو چکا ہو اور عوام اس سے مستفید ہو رہے ہوں

فیصل ناصر

امریکہ کا پرانا شیوہ ہے وقت آنے پر گدھے کو بھی باپ بنالینا
اور وقت نکل جانے پر طوطے کی طرح آنکھیں پھیر لینا

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عبداللہ آدم

اور اب ایک اور لولی پاپ یا مونگ پھلی۔۔۔۔۔۔۔۔۔۔۔125 ملین ڈالر کے نام سے شاہ محمود قریشی اینڈ کو لے کا آ رہے ہیں۔۔۔۔۔۔۔۔۔۔۔۔۔۔۔۔بلکہ یہ بھی (((((((((ہو گا )))))))))))کی فہرست میں شامل ہے ہنوز۔۔۔۔۔۔۔۔۔۔۔۔۔۔۔۔

خدا ہی ملا نہ وصال صنم
ادہر کے رہے نہ ادہر کےرہے

ARHAM

جس طرح مسلمانوں نے برطانوی سامراج اور ہندو بیئے سے آزادی حاصل کی ۔۔
اسی طرح آج امریکی غلامی سے نکلنے کی ضرورت ہے تا کہ خود مختار ریاست بن سکیں
میں تو رچرڈ ہالبروک کے بیان کا خیر مقدم کروں گی جس میں کہا گیا کہ

"پاکستان کے لیے امداد 3 گنا کرنے کے باوجود پاکستانی عوام کے ردعمل نے مایوس کیا"۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

Fawad

ترقياتی منصوبوں اور امدادی پيکج کے حوالے سے فيصلہ سازی کے عمل میں دونوں ممالک کے متعلقہ محکموں کے اہم عہدیداروں کی باہمی رضامندی شامل ہوتی ہے۔ امريکی حکومت زبردستی پاکستانی حکومت کے اہلکاروں پر اپنی مرضی کے منصوبے مسلط نہيں کر سکتی۔

ايسے بے شمار سرکاری اور غير سرکاری ادارے، تنظيميں اور ان سے منسلک افراد اور ماہرين ہيں جو ايسے درجنوں منصوبوں پر مسلسل کام کر رہے ہيں جو دونوں ممالک کے مابين تعلقات کی مضبوطی کا سبب بن رہے ہيں۔ ميں نے امريکی امداد کی فراہمی کے حوالے سے جو بے شمار اعداد وشمار اس فورم پر پوسٹ کيے ہيں، ان کا مطلب يہ ہرگز نہيں ہے کہ يہ رقم براہراست کچھ افراد کے ذاتی اکاؤنٹس ميں منتقل کی جاتی ہے۔ يہ رقم دراصل جاری منصوبوں پر لگاۓ جانے والے تخمينے کی عکاسی کرتی ہے۔

اس وقت مخصوص حالات کے تناظر میں دونوں ممالک کی حکومتوں کے لیے مالاکنڈ، فاٹا، سوات اور پاکستانی کے قبائلی علاقوں میں متاثرہ افراد کی فوری بحالی اور اس عمل سے متعلق معاملات اہم ترين ترجيح ہيں اس کا منطقی نتيجہ يہی ہے کہ اس وقت تمام تر کاوشوں اور دستياب وسائل کا زيادہ تر استعمال انھی علاقوں کے افراد کی فلاح وبہبود پر صرف کيا جا رہا ہے۔

اس ضمن ميں کچھ روز قبل امريکی ڈپٹی سيکرٹری آف اسٹيٹ جيکب جے ليو اور پاکستان کے فائننس سيکرٹری سلمان صديقی نے مالاکنڈ ميں سڑکوں کی تعمير کے منصوبے کے حوالے سے امداد کے ايک معاہدے پر بھی دستخط کيے۔

اس منصوبے ميں 40 ملين ڈالرز کی امريکی امداد کے ذريعے دو اہم سڑکوں کی بحالی اور بہتری کے عمل کو مکمل کيا جاۓ گا جن ميں سے ايک صوبہ سرحد ميں کانجو سے مدين سوات تک ہے اور دوسری پشاور رنگ روڈ۔

دونوں ممالک اس کوشش ميں ہیں کہ ان ايشوز پر فوری توجہ مرکوز کی جاۓ جو پاکستانی عوام کے ليے فوری اہميت کے حامل ہیں، جيسے کہ معيشت کا فروغ اور سيکورٹی جيسے معاملات۔

يہ منصوبے سرحد حکومت کے ذريعے تشکيل پائيں گے اور اس ضمن ميں پاکستانی کمپنيوں کو طے شدہ ضوابط اور برابری کے اصولوں کے تحت کنٹريکٹ ديے جائيں گے۔

اس منصوبے کے ذريعے صوبہ سرحد ميں سوات کے مقام پر کانجو مدين روڈ پر 43 کلوميٹر طويل سڑک کی تعمير کی جاۓ گی۔ اسٹريجک نقطہ نظر سے اس اہم ترين سڑک کی تعمير سے سيکورٹی فورسز کی نقل وحرکت، عام عوام کی سيکورٹی اور فوجی کاروائيوں کے بعد تعمير نو کے عمل ميں آسانی پيدا ہو گی۔

پشاور رنگ روڈ کے منصوبے کے ذريعے رنگ روڈ کی ازسر نو تعمير کی جاۓ گی جس ميں ٹرک کے ليے مخصوص ايک اضافی لين کا اضافہ کيا جاۓ گا جو ديہی علاقوں سے گزرے گی۔ اس کے علاوہ چار کلوميٹر طويل حيات آباد کی رہائشی آبادی سے ايک بائ پاس کی تعمير اور متانی بائ پاس تک سڑک کی تعمير کے منصوبے بھی امريکی امداد کے ذريعے مکمل کيے جا رہے ہيں۔ اس سڑک کی ابتدائ تعمير 90 کی دہائ کے اواخر ميں ہوئ تھی ليکن اب افغانستان تک تورخم پاس کے ذريعے ہيوی ٹرکس اور ٹرالر کے لیے يہ ايک اہم روٹ کی حیثيت اختيار کر گيا ہے۔ ہيوی ٹرکس پر مبنی ٹريفک کی وجہ سے يہ سڑک بری طرح متاثر ہوئ ہے اور جگہ جگہ سے ٹوٹ پھوٹ کا شکار ہے جس کی وجہ سے يہاں پر ٹريفک اکثر سست روی کا شکار رہتی ہے جس سے اس روٹ پر مجرمانہ کاروائيوں میں بھی اضافہ ہوا ہے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

حیدر

اگر آپ کراچی سے لاہور کی طرف روانہ ہوں تو سکھر سے اگر آپ ڈیرہ غاذی خان کی طرف جائیں تو بنگلہ ہدایت کا ایک چھوٹا سا چوک آتا ہے جس سے کوئی ڈیڑھ کلومیٹر پیچھے USAIDکا بورڈ لگا ہوا جو کہ پانی کی فراہمی کے سلسلے میں ہے۔اب اس بیابان میں کن کو پانی فراہم کیا جاتا ہے یہ مجھے معلوم نہیں۔ اگر آپکو اس ترقیاتی امداد کے منصوبے پر اعتبار نہیں تو میں تصویر کھینچ پر بھیجنے کو تیار ہوں۔

علاوہ ازیں راجن پور کی تحصیل میں اکثر سکولوں میں بچوں کو تعلیم کی طرف راغب کرنے کے لیے اشیا خورد و نوش کا لالچ دیا جاتا ہے۔مثلاً گھی، وغیرہ۔ پہلے اس منصوبے میں کھانا اور دودھ وغیرہ بھی شامل تھا۔ اگر اس پر بھی یقین نہیں تو میں آپکو امریکی گھی کے ڈبے کی تصویر کھینچ کر بھیجنے کو تیار ہوں۔۔ (یہ اور بات ہے کہ اس گھی کو کھا کھا کر افسران ہی موٹے سے موٹے ہوتے جا رہے ہیں ۔عوام الناس تو اب بھی غذائی کمی کا شکار ہیں)

حیدر

باقی رہ گئی سنگ مر مر کی امداد والی بات۔ ۔ ۔ تو میں حیران ہوں کہ ہم مفت کی ملی چیز کو کیسے انکار کرتے ہیں اور جو چیز شرائط کے ساتھ نتھی ہو کر ملتی ہیں اس کے پیچھے لپکتے ہیں۔ مجھے یاد پڑتا ہے کہ شاید اٹلی نے ہم کو اسی بابت امداد کی پیشکش کی تھی۔جو ہم نے قومی غیرت کی وجہ سے ٹھکرا دی تھی