پاکستان کے کسی بھی آرمی چیف کے سر پر پورے کی پوری ’تاج کمپنی‘ رکھ کر پوچھا جائے کہ کیا وہ ملک پر کبھی مارشل لا نہیں نافذ نہیں کرے گا، کبھی منتخبحکومت کا تختہ نہیں الٹے گا اور اگر اس کا جواب اثبات میں بھی ہو تو یہی فرضکیا جانا چاہیے کہ وہ سچ نہیں جھوٹ بول رہا ہے۔

ذوالفقار علی بھٹو کی حکومت کے آخریدنوں میں جب ان کے خلاف قومی اتحاد کی پرتشدد تحریک زورں پر تھی توپاکستانی مسلح افواج کے سربراہوں نے ضیاالحق سمیت حلفیہ بیاندیا تھا کہ فوج منتخب حکومت اور اپنے سپریم کمانڈر اور وزیراعظم کے ساتھوفادار رہے گي اور ہر حالت میں آئین کی حفاظت کرے گی لیکن اس کے الٹ ہوا۔یعنی: عزیز ہم وطنو! اسلام علیکم۔

اگر آپ مجھ سے پوچھیں توپاکستان میں پانچ جولائي کبھی ختم نہیں ہوا۔ حکومتیں فوجی ہوں، نیم فوجی ہوں کہ سویلین، کون کہتا ہے کہ مارشل لا کبھی پاکستانسے ختم ہوا ہے؟ ضیا اس دنیا سے رخصت ہو گیا ہے؟ فیقا کے کارٹون اب بھی اس ڈکٹیٹر سےلڑ رہے ہیں۔

ایسا لگتا ہے کہ پانچ جولائی ایک دھڑکے کے ساتھ دل سےچپک کر رہ گئی ہے۔ کان ہیں کہ شاہراہ دستور اور ٹرپل ون برگیڈ کے درمیاںبھاری بھر کم بوٹوں کی دھمک پر لگے ہوتے ہیں۔ شاہراہ دستور پر ٹرپل ونبرگیڈ کو آتے کتنی دیر لگتی ہے! لیکن ملک خدا حافظ سے اللہ حافظ میں بدلتےایسا لگتا ہے کہ صدیوں پیچھے چلاگیا ہے۔ پانچ جولائي کی شب یہی ہوا تھا۔

جنرلضیا نے ایک بار ذوالفقار علی بھٹو کو ان کے ملٹری سکریٹری کے دفتر میںاچانک آتے دیکھ کر اپنی سلگتی سگریٹ کوٹ کی جیب میں ڈال لی تھی اور جببھٹو ان کے ساتھ بات کرتے ہوئے چلنے لگے اور ان کے کوٹ سے دھواں اٹھنے لگا تھا تووہ بوکھلا گئے۔ بعد میں ذوالفقار علی بھٹو نے اپنے ملازم سے کہا تھاکہ ’ایسا بزدل جنرل محاذ پر کیا کرے گا؟‘ لیکن اسی جنرل نے پورے ملک کو ایک محاذ اورمیدان جنگ میں بدل دیا جو اس کے بعد آج تک کھنڈر بنا ہوا ہے۔ وہ ملک کے لوگوں کو پھرسے پاکستانی اور مسلمان بنانے آ گیا تھا‘۔

گلی محلوں میں صلوٰۃ کمیٹیاں اور سیاسی سیل تک، اسلامی نظریاتی کونسل سے رویت ہلال کمیٹی تک ملک کو نئي فسطائیت کے جال میں جکڑ لیا گیا۔

مصنفو محقق احمد سلیم نے کہیں لکھا ہے ضیاالحق جب دیالسنگھ کالج کے دورے پر آئے تو لائبریری میں ہندی اور گورمکھی کی کتابیں دیکھ کر انہوں نے ان تمام کتابوں کو کفر سمجھ کر تلفکرنے کا حکم دیا اور پھر ضیاالحق ہی کے حکم پر سینکڑوں ہندی اور گرمکھی کیکتابیں دیال سنگھ کالج کے قریبی گندے نالے میں پھینک دی گئی تھیں۔ ضیا نےواقعی ملک پاکستان میں، بقول فیض’گھٹا ٹوپ بے انت راتوں کے سائے‘ بانٹ دیےجن کا فیض اب بھی جاری ہے۔

ضیاالحق کا دور اگر پاکستان میں ایک بلیکاینڈ وائٹ ہارر فلم تھا تو پرویز مشرف رنگین شرطیہ نئي کاپی۔ ان کیلڑائي جمالیات سے لے کر فن تک اور سیاسیات سے لے کر سائنس تک ہر چیز سے تھی۔وہ صحیح معنوں میں سماج دشمن عنصر تھا۔ اس نے پاکستان کا جس قدر بے انتحلیہ بگاڑا اور جس نوع کا جبر مسلط کیا اس کی تاریخ محمد حنیف نے بڑی جادوئی حقیقت نگاری سے فکشن کی صورت اپنے ناول ’اے کیس آفایکسپلوڈنگ مینگوز‘ میں بیان کی ہے۔

بھٹو کو پھانسی دینے والے ججضرور پنجابی تھے لیکن اس کے دور میں اندھی لڑکی کو کوڑوں کی سزا دینے والاجج سندھی تھا۔ یا وہ اے ایس آئي پولیس جو زبردست چرسی کے طور پر معروف اور اپنے کام کام کااتنا ماہر تھا کہ ملٹری کورٹ کے کرنل کو اس کی منہ مانگي رشوت نہ دینے پر،حیدرآباد میں آٹے کے تاجر کالے خان پر بلیک مارکیٹنگ کا کیس بنانے کے لیےبلایا گیا تھا اور پھر کالے خان کو ہزاروں ’تماشائيوں‘ سے بھرے نیازاسٹیڈیم میں کوڑے مارے گئے اور اس دوران لاؤڈ اسپیکر کا مائیکروفون ان کے منہ کے قریب رکھا گیا تھا اور ہر کوڑےپر ذبح ہوتے جانور جیسی چیخ پر ’تماشائی‘ ’اللہ اکبر‘ کا نعرہلگاتے۔ یہ الگ بات کہ بعد میں شہر کے چرسیوں نے چرس کا خفیہ نام ’کالے خان‘ رکھ دیا تھا۔

ہی ضیا الحق جو بینظیر بھٹو کے ساتھ مجوزہمنگنی کی اجازت کے لیے لکھا گیا ایک سی ایس ایس افسر کا خط کابینہ کے اجلاس میں لے گیا تھا۔ ان دنوں میںبینظیر کے ساتھ شادی واقعی موت کو دعوت دینے کے مترادف تھا مجھے شک ہے کہبینظیر کی شادی کوئي واقعی ضیا اور اس کی ایجینسوں کی مرضی کے بغیر ہوئيہوگی! لوگوں نے بنیظیر سے منگنی کے بعد آصف علی زرداری کو دیکھ کر کہا تھاکہ ان کی مونچھیں ضیا الحق کی مونچھوں سے مماثلتت رکھتی ہیں‘۔

ان کیموت پر بینظیربھٹو نے کہا تھا کہ ’ہم میں سے نہ جانے کتنوں کے سروں پر سےموت ٹل گئی‘۔ لیکن بینظیر غلط تھی۔ وہ دیگ جو ضیا الجق نے چڑھائي تھی اس کاڈھکنا مشرف نے آ کر کھولا۔

ماخذ : بی بی سی

__________________
تم سپاہی نہیں ہو پیشہ ور قاتلو!