میں شاید پہلے بھی اسی فورم پر دہشت گردی سے نبٹنے کا ایک تیر بہدف نسخہ لے کر حاضر ہوا تھا۔ اور رحمان ملک صاحب کو عرض کی تھی کہ اس کو فی الفور لاگر کر کے عوام الناس کی زندگیاں بچائیں۔ مگر نا معلوم وجوہات کی بنا پر میری وہ تجویز کھُو کھاتے چلی گئی یا پھر چونکہ میں نے کسی قسم کا کمیشن نہیں دیا تھا اس لیے در خؤر اعتنا نہیں کی گئی۔
یاد دہانی کے لیے وہ تجویز دوبارہ دوہرائے دیتا ہوں۔ میں نے تجویز پیش کی تھی کہ چونکہ خؤد کش حملہ آور جسم پر بارودی جیکٹ باندھ کر تباہی پھیلاتا ہے اس لیے ایک حکم نامہ جاری کر دیا جائے کہ آئیندہ سے ہر بندہ محض نیکر پہن کر باہر آیا کرے۔ اگر کسی نے دفتر بھی جانا ہے تو بھی نیکر میں ، کسی نے خریداری کرنے جانا ہے تو بھی نیکر میں۔ اس تجویز کو اگر لاگر کر دیا جاتا تو آج اس ملک سے خؤد کش بمباروں کا کلچر ختم ہو چُکا ہوتا اور راوی چین ہی چین لکھ رہا ہوتا۔ اس تجویز کے دیگر فائدوں میں کپڑے نہ دھونے سے پانی کی بچت، پانی کی بچت، ڈٹرجنٹ پوڈر کی بچت، وقت کی بچت وغیرہ وغیرہ کے دیگر فوائد بھی حاصٌ ہونا تھے۔ لیکن اس پر کسی کی نظر کرم ہی نہیں پڑی۔

اب چونکہ اب خود کش حملہ آور اپنی حُوروں ۔ ۔ ۔ یعنی عورتوں کو بھی میدان میں لے آئے ہیں اس لیے ایک اور تجویز لے کر حاضر ہوا ہوں کہ اب کی بار یہی پابندی عورتوں پر بھی لگا دی جائے ۔ ۔ ۔ار۔ر۔ر۔ر۔ میری بات سن لیں ۔ انکے لیے لازم ہو کہ کہ وہ نیکر اور بلاوز میں باہر آیا کریں ۔ باپردہ عورت کو کسی صورت برداشت نہ کیا جائے۔ اور فی الفور گولی مار دی جائے۔ یقین مانیں اس تجویز کے نتیجے میں قوم کا بہت فائدہ ہے۔ اہوہ ۔ ۔ ۔ غلط مطلب نہیں لینا۔ میرا مطلب ہے کہ ایک تو دہشت گرد ی کا خطرہ ٹل جائے گا اور دوسرا یہ کہ ملک کا امیج باہر کے ممالک میں بہتر ہوگا۔ ہم کو مزید امداد ملے گی، ہماری واہ واہ ہوگی، ہمارے اوپر سے بنیاد پرسی کا لیبل اتر جائے گا، ہم لوگ ماڈرن مسلم کہلائیں گے۔ کیا ہی بات ہوگی۔ دیگر فوائد میں یہ کہ شادیوں میں جو دیر ہو جاتی ہے وہ بھی نہیں ہوگی اور شوہر حضرات کو انتظار کی کوفت سے چھٹکارا ملے گا، نت نئے ڈیزائن کے کپڑوں سے جان چھوٹ جائے گی جس کے نتیجے میں مہنگائی سے چھٹکارا ہوگا۔سبحآن اللہ

امید ہے کہ آپ ان سب فوائد کو مد نظر رکھتے ہوئے نئے قوانین کا اجرا جلد سے جلد کریں گے۔

(اسلام آباد سے یہ خبر سننے پر کہ ایک گرلز کالج میں نقاب، برقع اور چادر پر پابندی لگا دی گئی ہے کہ دہشت گردی کا خطرہ ہے، متاثر ہو کر لکھا گیا)