ٹائمز آف انڈیا نے اپنی حالیہ اشاعت میں اس بات کا انکشاف کیا ہے کہ پاکستان نے اپنی جارحانہ اور تدبرانہ حکمت عملی کے باعث بھارت کو سفارتی محاذ پر تنہا کر دیا ہے اور اسکو کم از کم تین جگہوں پر برے طریقے سے شکست کا سامنا کرنا پڑا ہے۔
1۔ پاکستان نے ممبئی حملوں کے بھارت کے شور شرابے کے جواب میں نہ صرف صبر وتحمل کا مظاہرہ کر کے داد و تحسین پائی بلکہ حالیہ شرم الشیخ سربراہ کانفرنس میں بھارت کو بلوچستان کی صرت حال میں ملوث کر کے سفارتی برابری حاصل کر لی اور دنیا کو باور کروا دیا کہ بلوچستان میں گڑ بڑ کا بھارت ذمہ دار ہے اور بھارت کو عالمی بدنامی ورسوائی کا سامنا کرنا پڑا۔
2پاکستان نے اپنے موثر اقدامات اور پالیسیوں سے افغانستان میں نہ صرف بھارتی پالیسیوں کو کاونٹر کیا بلکہ اپنے جوابی اقدامات سے بھارتی پالیسیوں کو مات دے دی۔ اور اب امریکہ اور مغرب پاکستان کی حمایت کرتا ہے۔اسی وجہ سے امریکہ نے بھارت سے کہا کہ وہ افغانستان میں اپنے نصف درجن سے زائد قونصل خانے بند کر دے۔
3۔ پاکستان نے سوات میں کامیاب ملٹری آپریشن کر کے وہاں موجود دہشت گردوں کا صفایا کر دیا ہے جن کے بارے میں کہا جاتا ہے کہ انکو اسلحہ اور پیسہ بھارت سے ملتا تھا۔ اس کامیاب آپریشن سے پاکستانی انٹیلیجنس اداروں بالخصوص ISIکا امیج بہتر ہوا جس پر امریکہ نے طالبان کی اعانت کے الزامات عائد کیے تھے۔

ٹائمز آف انڈیا کے مطابق یہ پاکستان کی کامیابی اور بھارتی خآرجہ پالیسی کی ناکامی کا خلاصہ ہے۔لیکن اگر دیکھا جائے تو یہ بھارت کی پالیسیوں کی شکست تھی۔
اخبار کی رپورٹر کے مطابق افغآنستان میں ناکامی کے باعث بھارتی وزارت خآرجہ شدید دباؤ میں آ گئی اور اس کے تابوت میں آخری کیل اس وقت ٹھونک دیا گیا جب مشتبہ بھارت نواز پاکستانی طالبان لیڈربیت اللہ محسود کو امریکی میزائل حملے میں ہلاک کر دیا گیا۔

رپورٹر کے مطابق شرم الشیخ کی سربراہ کانفرنس میں پاکستان بھارت سے نہ صرف کئی بڑی رعایتیں حاصٌل کر گیا بلکہ پاکستان نےبھارتی وذیر اعظم سے بلوچستان میں بھارتی مداخلت کا بھی اعتراف کروا لیا۔ رپورٹس کا کہنا ہے کہ پاکستانی انتہائی چالاکی اور ہوشیاری سے اپنے مقاصد حاصل کر گئے ۔رپورٹر کا یہ بھی کہنا ہے کہ پاکستانی پلان انتہائی مضبوط ، جامع اور شاندار تھا ۔پاکستان نے اسے بڑی احتایظ سے تیار کیا تھا اور کھیلا بھی بڑی مہارت سے۔۔جبکہ بھارتی اس پاکستان پلان کا توڑ کرنے میں بری طرح ناکام رہے اور مات کھا گئے

بشکریہ امت نیوز