پاکستان پیپلزپارٹی نے بڑی خاموشی سے اپنی ویب سائٹ پر سے بد عنوانی کے وہ ریفرنسز ختم کر دیئے ہیں جو اس نے وزیر اعظم شوکت عزیز اور ان کی کابینہ کے ارکان کے خلاف گزشہ اٹھ برسوں کے دوران جمع کرائے تھے۔مجموعی طور پر یہ 18 ریفرنسز تھے اور ان میں متعدد وفاقی وزراء پر اپنے عہدوں کا استعمال کرتے ہوئے بد عنوانی کے ارتکاب کا الزام تھا۔یہ ریفرنسز زیادہ تر ان تحقیقی اسٹوریز پر مشتمل تھیں جو کہ نیب کے آغاز سے لیکر گزشتہ آٹھ برسوں کے دوران پاکستانی اور غیر ملکی میڈیا پر آئی تھیں۔پیپلزپارٹی نے یہ ریفرنسز اس وقت جمع کرائے تھے جب بینظیر، آصف زرداری ، یوسف رضا گیلانی اور جہانگیر بدر کیخلاف نیب نے ریفرنسز پر کارروائی کرتے ہوئے انہیں عدالتوں میں گھسیٹا۔یوسف رضا گیلانی کو پاکستانی بیروزگار نوجوانوں کو روزگار دینے کی پاداش میں 5 برس تک کی سزا بھگتنا پڑی۔اسی طرح آصف زرداری بھی نیب کا نشانہ بنے رہے اور وہ لاہور ،کراچی اور راولپنڈی میں احتساب عدالتوں میں پیش ہوئے۔ بینظیر خود بھی نیب کی فہرست میں تھیں اور ملک میں اور ملک سے باہر ان کے خلاف کیسز چلائے گئے۔

__________________