shafresha

اچھی تحریر ہے!

شئیرنگ کا شکریہ!

حیدر

اگر تو یہ چرسی کی بکواس ہے تو پھر اللہ ہم سب کو ایسا چرسی بنائے

فیصل ناصر

ایسا بھیانک طنز کوئی چرسی ہی کرسکتا ہے

skjatala

دیمے چرسی کی بکواس
وسعت اللہ خان


دیمے ( ندیم) کے چار بنیادی شوق ہیں۔ ہر پانچ چھ مہینے بعد ابا کی چھوڑی زمین کا ایکڑ بیچ دینا۔اخبار چاٹنا۔ چرس پینا اور نان سٹاپ بکواس کرتے کرتے دوستوں کی موجودگی میں سو جانا۔ سوائے دیمے کے سب دوست متفق ہیں کہ اسکی محفل میں لوہے کے کان فٹ کئے بغیر بیٹھنا محال ہے۔ دیما حالاتِ حاضرہ پر یکطرفہ بحث کا بادشاہ ہے۔ خود ہی سوال اٹھاتا ہے خود ہی جواب دیتا ہے۔ دوست صرف واہ جی واہ جی کرنے پر مامور رہتے ہیں۔
’یار یہ اپنا رحمان ملک چمڑے کی پٹاس پر بار بار استرا تیز کرنے سے کب باز آئے گا ۔ کہتا ہے بلوچستان والے پیار کی زبان نہیں سمجھیں گے تو ہم انہیں ڈنڈے سے سمجھائیں گے۔کوئی مجھے بتائے کہ بلوچوں کے سر سے ڈنڈا ہٹا کب تھا۔ رحمان ملک کیا سمجھتا ہے؟ ڈنڈے پر آغازِ حقوقِ بلوچستان کا تیل مل لینے سے چوٹ کم لگتی ہے کیا؟ پانچ ہزار ملازمتوں کی ہڈی دیکھ کر کیا بلوچ ناچنا شروع کردیں؟
اور یہ اس نے کیا اطلاع دی ہے کہ پانچ علیحدگی پسند بلوچ تنظیموں کو کالعدم قرار دے کر انکے اکاؤنٹس منجمد کردیئے گئے ہیں۔ کیا یہ تنظیمیں الیکشن کمیشن یا وزارتِ داخلہ میں رجسٹرڈ تھیں کہ انکے لائسنس منسوخ کردئیے گئے ہیں۔ کیا انہوں نے نیشنل بینک میں سیونگ اور کرنٹ اکاؤنٹس کھلوائے ہوئے ہیں جو انکے اکاؤنٹس منجمد ہوگئے ہیں۔ مجھے تو یاد پڑتا ہے کہ ان تنظیموں کو تو پہلے بھی ایک دفعہ کالعدم قرار دیا جاچکا ہے۔ ایک دفعہ جس تنظیم پر پابندی لگ جائے اس پر دوسری دفعہ کیسے پابندی لگ سکتی ہے۔
یہ تو وہی حساب ہوا کہ ایک چرسی نے دوسرے کا کندھا ہلاتے ہوئے کہا اوئے ککو ! اپنا پیجا نہیں سی۔۔۔او مرگیا اے۔۔۔دوسرے چرسی نے اطلاع دینے والے کو غور سے دیکھا اور کش لگانے لگا۔ پہلا چرسی سمجھا کہ شائید ککو نے بات دھیان سے نہیں سنی۔اس نے پھر ککو کا کندھا ہلایا۔۔۔اوئے اپنا پیجا مرگیا اے۔۔۔ککو نے اطلاع دینے والے کو پھر غور سے دیکھا اور بولا ’اوئے اک منٹ پہلے تے پیجا مریا سی۔ہن فیر مر گیا ؟؟‘
او یار یاد آیا کہ کل عید ہے۔۔ پر اس دفعہ بھی پتہ نہیں پڑ رہا کہ دو نمبر عید کس کی ہے۔ پشاور والوں کی یا اسلام آباد والوں کی۔ لگتا ہے دونوں میں سے کسی ایک نے ضرور چائنا کا چاند خریدا ہوا ہے۔ مگر یہ عید بھی سادگی سے منانی پڑے گی۔ کبھی کسی نے سنا ہے کہ دیوالی سادگی سے منائی گئی۔ کرسمس سادگی سے منایا گیا۔نوروز پر نئے کپڑے نہیں پہنے گئے۔ میں نے تو جب بھی سنا ہے یہی سنا ہے۔ زلزلہ آگیا ہے عید سادگی سے منائیں۔ سیلاب آگیا ہے عید سادگی سے منائیں۔جنگ ہوگئی ہے عید سادگی سے منائیں۔ فلسطینوں پر ظلم ہورہا ہے عید سادگی سے منائیں۔ کشمیریوں سے یکجہتی میں عید سادگی سے منائیں۔
بھٹو کو پھانسی ہوگئی ہے سادگی سے منائیں۔ بے نظیر قتل ہوگئی ہیں سادگی اختیار کریں۔خودکش حملوں میں ہزاروں لوگ مرگئے ہیں سادگی کو مت بھولیں۔کرکٹ ٹیم نے رسوا کردیا ہے۔ سادگی کو یاد رکھیں۔عید کی خریداری میں سادگی اختیار کریں۔سادہ مہندی لگائیں۔ سادہ زیور پہنیں۔ سادہ میک اپ کریں۔ سادہ گھڑی اور جوتے خریدیں۔سادے تحائف دیں۔ سادے زردے ، پلاؤ اور شیر خرمے اڑائیں۔سادی سگریٹ پئیں ۔۔۔
یار وہ دن کب آئے گا جب ہم عید سادگی سے نہیں منائیں گے۔کب آئے گا وہ دن۔۔۔مجھے تو نہیں لگتا ہے کہ آئے گا۔۔۔تمہیں لگتا ہے کیا۔۔۔مجھے نہیں لگتا ہے کہ تمہیں بھی لگتا ہے۔۔۔کسی کو بھی نہیں لگتا تو پھر کسے لگتا ہے۔۔۔بتاؤ نا لگتا ہے کسی کو؟؟؟
یہ تکرار کرتے کرتے دیما وہیں صوفے پر بکل مار کر سوگیا۔ میں نے ادھ جلی سگریٹ اسکی انگلیوں سے علیحدہ کرکے ایش ٹرے میں بجھادی۔ لائٹ آف کردی اور کمرہ آہستہ آہستہ خالی ہونےلگا۔ کل پھر یہی دربار ہوگا۔۔یہی دیما اور اس کی وہی بکواس۔۔۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

منتظمین

سرورق کے لیے اپلائی کریں

حیدر

بڑی مزے کی بکواس تھی دیمے کی ۔ خاص کرڈنڈے پر حقوق کا تیل اور نوکریوں کی ہڈی پر ناچنا

wajee

کیا زبردست بکواس کی ہے پر حقیقت ہے یہ بکواس

سیفی خان

کوئی بکواس ایسی بھی ہوتی ہے کہ جسے سن کر بے ساختہ لبوں پہ آجاتا ہے

واہ یار کیا بکواس کی ہے

__________________

میرا بلاگ۔ صدائےقلندرhttp://saifikhan011.blogspot.com/

آبی ٹوکول

کیا بکواس بواس لگا رکھی ہے سب نے اب اتنی بھی بکواس نہیں تھی جو اسے یوں بکواس بکواس ہی کہیں اب مجھے نہ کہنا بکواس نہ کر بکواسیہ کہیں کا

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

سیفی خان

بھئی میں تو کسی کو بھی بکواسیہ نہیں کہتا بھلے وہ جتنی مرضی بکواس کرے تو آپ کو کیوں کہوں گا ۔ ۔ ۔ ۔ ہیں جی

آبی ٹوکول

بہت خوب کر بھی گئے اور کی بھی نہیں ۔۔۔۔۔۔ بکواس للوز

مرزا عامر

ایسا لگتا ہے یہ بکواس پہلے بھی پڑھی ہے ۔ میرا مطلب ہے یہ مراسلہ شاید پہلے بھی فورم پر لگایا جا چکا ہے ۔

__________________

میں اک دن لَوٹ کے آوں گا

سیپ

السلام علیکم ورحمتہ اللہ وبرکاتہ
پیوستہ رہ شجر سے ۔ ۔ ۔ ۔ ۔ ۔

آبی ٹوکول

مصرعہ مکمل کرنا تھا ڈئیر سسٹر کہ۔
کہ پیوستہ رہ شجر سے امید بکواس رکھ للوز