مزمل فاروق

جعلی ویڈیو دیکھ کر جن کے پیٹ میں‌ مڑور اٹھی تھی ان کے جوابات کا انتظار ہے -

راشد احمد

ڈاکٹر عامر لیاقت کی تحریر حقیقت پر مبنی ہے۔
مجھے افسوس ہوتا ہے کہ جو نام نہاد صحافی، تنظیمیں سوات والے واقعے پر شور شرابا کررہی تھیں انہوں نے بعد میں پیش آنیوالے واقعات پر کوئی رولا نہیں‌ڈالا۔

__________________
حکمران کے محبوب ہونے اور فرعون بننے میں رویے کا فرق ہے۔

منتظمین

بہت ہی شرم نام واقع ہے۔۔۔ اگر کوئی صآحب اس کو یونیکوڈ میں‌ لائے تو سرورق پر لگا دیا جائے گا۔

والسلام

__________________
تم سپاہی نہیں ہو پیشہ ور قاتلو!

راشد احمد

آمنہ کی چیخوں نے کسی کا دل نہیں دہلایا، موت سے لڑتے ہوئے اُس کی کوششوں کی کسی ”ثمر من اللہ “ نے ویڈیو نہیں بنائی، اُس کی موت تو ایک عوامی ردعمل کے بطن سے جنم لینے والا”ناگہانی حادثہ “ہے اور ایسے واقعات پر انگریزی میں رونے والے اپنے آنسو اِس لیے ضائع نہیں کرتے کہ کسی بھی بوند پر ایڈ ملنے کا امکان نہیں غیرملکی سفیروں اور ملکی وزیروں کی نگاہ میں آمنہ توایک اچھی خاصی مجرمہ تھی کیونکہ وہ گیارہ بچوں کی ماں تھی…مسلسل بچے جننے والی اِس ”قانون شکن“کو جلنے سے بچانا یقینا ایک بدترین جرم ٹھہرتا کیونکہ ہر دو کے بعد اِ س ملک کا تیسرا بچہ قرضہ دینے والوں کو ”خود کش حملہ آور“ نظر آتا ہے۔ وہ جھڈو سے کراچی اپنے دیور کی شادی میں شرکت کے لیے آئی تھی ، سسرال کی یہ ذمے داری نبھانے کے بعد جب اُس کا آنچل مانوس ہوا کے جھونکوں سے لہرایا تو اُسے اپنا بھیا یاد آیا…اُس نے سوچا کہ اُس بھائی کو بھی ایک نظر دیکھ لے جس کو دیکھے بنا کراچی کی رونقیں من کوبھاتی ہی نہیں…اور بس یہی آرزو لے کر وہ موت کی شاہراہ پر گامزن اُس بس میں جا بیٹھی جس کے کنڈکٹر نے قسمت کے کہنے پر یہ جھوٹ بولا تھا کہ ”بس شاہ فیصل کالونی تک جارہی ہے “…وہ بھولی اتنی معصوم تھی کہ یہ بھی نہ پوچھا کہ ہڑتال کے دوران اِس شہر میں بس کیسے چل رہی ہے وہ جھڈو سے کراچی آئی تھی، سوات سے نہیں، اِس لیے مطمئن تھی کہ ”ہڑتال اُس کے خلاف نہیں“… ویسے بھی اُسے اِس سے فرق نہیں پڑتا تھا کہ ملک کا کون سا شہری کہاں سے اورکیوں آرہا ہے ؟ بے وقوف سمجھتی تھی کہ پورا پاکستان پاکستانیوں کا ہے …نادان کو کیا خبر تھی کہ کچیلے حالات کی سلیٹ پر نئے اور پرانے پاکستانیوں کی اصطلاح اِن جیسے جذباتی حب الوطنوں کی اصلاح کے لیے اب لہو سے لکھی جاتی ہے سیدھی اتنی تھی کہ یہ سیدھی سادی بات تک نہ سمجھ سکی کہ ہڑتالوں کی میابی کا ایندھن اُس جیسے بے زبان ہی بنتے ہیں جو احتجاج کیے بنا موت کی آغوش میں چلے جاتے ہیں…مرنے کے لیے ایسے پاکستانی نہ ہوں تو جلاؤ گھیراو کو رونق کیسے ملے ؟…وہ تو یہ بھی نہیں جانتی تھی کہ ٹھیکے دار صرف مذہب کے نہیں ہوتے بلکہ ایک عرصے سے قومیتوں نے ’قوم کا ٹھیکا“ اٹھا رکھا ہے جبکہ قوم کے قائدین نے قوم ہی کو ٹھیکے پر اٹھا رکھا ہے …کوئی جل کر مرے یا گولی سے ، ڈرون کا شکار ہو یا طالبان کا،کسی نا کسی طرح اِن ڈھیر سارے پاکستانیوں کو مرنا چاہیے…

حوالہ روزنامہ جنگ

راشد احمد

اگر کوئی بھائی یا بہن روزنامہ جنگ کے کالمز اردو یونیکوڈ میں شئیر کرنا چاہے تو اس لنک پر جاکر تحریریں لے سکتا ہے

منتظمین

سرورق پر پیش کریں ۔

مزمل فاروق

اور لوگوں کے تبصروں کا انتظارہے

سام

عجیب بات ہے کہ طالبان کےزیراثرعلاقوں میں ہونے والے مظالم سبکو نظرآتےہیں جبکہ کراچی میں 12مئی جیسے واقعات پرچپ سادھ لی جاتی ہے سچ کہا "کاش کہ سوختہ آمنہ سوات کی چاندبی بی ہوتی توابتک زرداری بمباری کاحکم دے چکےہوتےاورقائدتحریک الطاف حسین سبc tvchannelsپردعائےمغفرت کراچکےہوتے

رضی

سوات کی چاند بی بی ہو یا کراچی کی آمنہ، بات تو اس کی ہی اچھالی جائے گی نا جس سے کوئی فائدہ ہو ، امریکہ خوش ھو، انسانی حقوق کے علمبرداروں کو کچھ ثابت کرنے کا موقع ملے ۔اور کیا ہے جو ایک آمنہ جل گئی احتجاج تو ہمارا پر امن تھا نا۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟