زندگی میں کچھ کر گزرنے کا حوصلہ انسان کو ترکی اور کامیابی کی شاہراہ کا یقینی راستہ فراہم کرتا ہے۔ وہ قومیں جن میں جوش بھی ہے اور حوصلہ بھی ہمیشہ سے سرزمین خدا پر سربلندی اور بالادستی کے ساتھ جیتی ہے۔ اور اللہ تعالی نے اس میں کوئ شرط بھی نہیں رکھی۔ آللہ تعالی قران مجید میں فرماتا ہے۔ "بےشک انسان کو وہی کچھ ملتاہے جس کی وہ سعی اور کوشش کرتا ہے"۔یاد رہے کہ اللہ تعالی نے یہاں پر انسان کا لفظ استعمال کیا ہے۔خواہ وہ کسی بھی مذہب کا ہو اور کوئ بھی ہو۔اللہ تعالی اس کی محنت کا پھل اسے ضرور دےگا۔
ہم مسلمان ہے اور حوصلہ بمعہ جوش ہمارےایمان کامل کا لازمی جز ہے۔ لیکن کیا ہم میں یہ خوبیاں بدرجہ اتم موجود ہیں۔ہم ایسے مسلمان ہے جن پر مسلمانی کی ہرسوال کا جواب ہمیشہ نفی میں ملتا ہے۔ پھر بھی ہم ہرجگہ بڑےشوق سے ڈھنڈورہ پیٹتے ہیں کہ ہم مسلمان ہے۔ لیکن کیاکہنے سے کوئ مسلمان بن جاتا ہے۔
کہنے سے یاد آیاہم پاکستانی قوم کو کہنے کی بڑی پرانی عادت ہے۔ ہرجگہ کہتے ہی رہتے ہیں اب یہ الگ بات ہے کہ کوئ سنے یانہ سنےاور اکثرکوئ سنتا بھی نہیں؛ہم ویسے ہی بانسری بجا رہے ہوتے ہیں۔
سننے کی بات ہوئ ہے تو ایک اور بات میرے ذہن کے دروازوں پر دستک دے رہی ہے کہ ہمارے خکمرانوں نےاپنےعوام کی کبھی نہیں سنی۔ عوام بیچاری بولتی رہتی ہے،چیختی رہتی ہے، لیکن خکمران!!! کاش کبھی مجبور عوام کی پرزورالتجائیں ان کے نازک کانوں تک پہنچ سکیں۔ لیکن یہ آوازیں ان تک تب پہنچتی ہے جب الیکشن کے دن ہوتے ہیں۔اور عوام اور ان کے درمیان مسندشاہی،پارلیمنٹ لاجزکی دیواریں اور پولیس والوں کے ڈنڈے نہیں ہوتے۔
پارلیمنٹ لاجز کے بارے میں سنا ہے کہ بہت خوبصورت علاقہ ہے۔صفائ کا عالہ انتظام ہے۔پانی ہروقت یعنی 24گھنٹے موجود رہتا ہے۔ بڑی بڑی گاڑیاں وہاں گھومتی رہتی ہے۔ اور سب سے حیران کن بات کہ وہاں لوڈشیڈنگ بالکل نہیں ہوتی۔ ہے نہ حیرت کی بات۔
لوڈشیڈنگ سے یاد آیا،پچھلے دنوں واپڈا نے لوڈشیڈنگ میں کمی کا اعلان کیا،ہم بہت خوش ہوئے، جگہ جگہ ڈھنڈورہ بھی پیٹا، اگلے دن دیکھا واپڈاوالوں نے واقعی وعدے پر عمل بھی کیا،پہلے 24گھنٹوں میں 20گھنٹے ہوتی تھی اب 19گھنٹے 59منٹ کی ہوتی ہے، چلو پیپلزپارٹی کی حکومت میں کسی کو تو اپنے وعدے کاخیال آیا وگرنہ زرداری کی طرح واپڈا والے بھی کہہ دہتے کہ وعدہ ہی تو ہے،کوئی قران کے الفاظ تو نہیں ہیں نہ۔
بات،بات میں ہم کہاں سے کہاں نکل گئے، بات ہو رہی تھی جوش اور حوصلے کی، ہم مسلمان ہیں،حوصلہ تو خیر ہم میں بالکل ختم ہو چکا ہے البتہ جوش ابھی بھی بدرجہ اتم موجود ہے، کیونکہ قوم کے مینڈیٹ یافتہ رہنماؤں کوجب سربازار رسؤا کرکے نااہل عدلیہ کے ذریعے نااہل قرار دیا جاتا ہے، تو دوچار ٹائر ہم بھی جلادیتے ہیں،تھوڑی توڑپھوڑ کرکے اپنی زمہ داری پوری کرلیتے ہیں،یعنی "اپنی چھری تے اپنا گلہ" لیکن ان سب باتوں سے قطع نظرحوصلہ ہم میں بالکل نہیں۔اوربعض باتیں ایسی ہوتی ہیں جن میں جوش کی نہیں، ہوش اور حوصلے کی ضرورت ہوتی ہے۔ سوچنے والی بات ہے کہ آخر ہم اس منزل تک کیسے پہنچے کہ آج وہی قوم جسکے ہزاروں کے لشکر کے سامنےطارق بن زیاد 18ساتھیوں کے ہمراہ کشتیاں جلاکرکھڑا ہوتا ہے اور انکو شکست سے دوچارکرتاہے، وہی قوم آج ہمارے ساتھ وہی کچھ کررہی ہے،کبھی فلسطین،کبھی اعراق،کبھی افعانستان اورکبھی شمالی وزیرستان(ڈرون حملے) آخر کیوں؟؟؟؟ وجہ صرف ایک ہی ہے،ہماری چاہت ہماری غیرت سب کچھ بدل گیا، پہلے ہمارانصب العین اسلام کی سربلندی تھا۔اب ہمارانصب العین پیسہ پیسہ اور صرف پیسہ ہے۔ پہلے ہماری چاہت بھائی چارہ اور محبت تھی اب ہمارامقصدنفرت اور خودغرضی ہے۔ سب کچھ بھلادیا ہم نے، کیا زندہ قوموں کا یہی شعار ہوتا ہے۔ کیایہی تعلیم دیتاہےہمارامذہب؟؟؟
اب ضرورت صرف ایک امر کی ہے، اسلامی اصولوں کی اپنی زندگی میں فرمانروائی، اور پھر ان پر جوش کے ساتھ عمل کرنے کا حوصلہ، وگرنہ آج اعراق اور افعانستان میں جوواقعات پیش آ رہے ہیں آللہ نہ کرے میرے منہ میں خاک کہیں کل کو کہیں ہمارے گھروں کے دروازوں کے باہر نہ پیش آ جائے۔
"نہ سمجھوگے تو مٹ جاؤگے تم اے پاکستان والو"