کیری لوگر بل پہ پاک فوج کے تحفظات، اوبامہ نے بل پر دستخط موخر کر دئیے ، قومی اسمبلی میں بحث شروع

**کنعان** · 08-10-09, 08:21 PM

کیری لوگر بل پہ پاک فوج کے تحفظات،
اوبامہ نے بل پر دستخط موخر کر دئیے ،
قومی اسمبلی میں بحث شروع

اسلام آباد ، نیویارک ( محسن ظہیر، خصوصی رپورٹس )امریکہ کی جانب سے پاکستان کو غیر فوجی شعبے میں ڈیڑھ ارب ڈالرز سالانہ امداد کا کیری لوگر برمن بل انتہائی متنازعہ شکل اختیار کر گیا ہے اور پاکستان میں اہم سیاسی جماعتوں کے بعد کور کمانڈرز کانفرنس میں بھی اس بل پہ شدید تحفظات کا اظہار کیا گیا ہے جس کے بعد بل کے ساتھ مشروط امریکی شرائط کی منظوری کا معاملہ سنگین نوعیت اختیار کر گیا ہے۔ حکومت کی جانب سے مسلسل یہ موقف سامنے آرہا ہے کہ بل ملک و قوم کے مفاد میں ہے تاہم وزیر اطلاعات قمر الزمان کائرہ کے مطابق فوج کی جانب سے بل پہ دی جانیوالی تجاویز کا حکومت جائزہ لے گی ۔ اس تمام صورتحال کو پیش نظر رکھتے ہوئے امریکی صدر اوبامہ جن کی میز پہ یہ بل دستخط کے لئے پہنچ گیا ہے ، نے بل پہ دستخط موخر کر دئیے ہیں ۔

پاک فوج کے سربراہ جنرل اشفاق پرویز کیانی نے کہا ہے کہ پارلیمنٹ کو حق حاصل ہے کہ وہ عوامی خواہشات کے مطابق فیصلہ کرے۔انہوں نے جی ایچ کیو میں کور کمانڈرز کانفرنس سے خطاب کرتے ہوئے کہا کہ پاکستان عالمی اور علاقائی امن کو یقینی بنانے کے لیے پرعزم ہے،پاکستان قومی مفادات کے مطابق خطرات جانچنے کی صلاحیت رکھتا ہے۔ادھر آئی ایس پی آر کے مطابق کورکمانڈرز کانفرنس میں کیری لوگر بل پر شدید تحفظات کا اظہار کیا گیا ہے۔امریکی صدر بارک اوباما نے کیری لوگر بل پر دستخط موخر کردیئے۔

اطلاعات کے مطابق پاکستان میں کیری لوگربل سے متعلق تحفظات کے بعد امریکی صدر نے اس بل پر ستخط موخر کردیئے ہیں۔واضح رہے کہ کیری لوگر بل کو آج قومی اسمبلی میں بحث کے لیے پیش کیا جارہا ہے۔ اس بل پر بحث کیلئے مسلم لیگ ن کی جانب سے گذشتہ روز تحریک التوائ پیش کی گئی تھی۔ اس بل کے حوالے سے مختلف سیاسی جماعتوں کی جانب سے مختلف موقف سامنے آرہے ہیں۔ کچھ کا کہنا ہے کہ اس کے ذریعے ملک کی سلامتی کو گروی رکھ دیا گیا ہے تو کچھ کو اعتراض اس بات پر ہے کہ کیری لوگر بل پر انہیں اعتماد میں نہیں لیا گیا۔ اس بل کے تحت پاکستان کو 2014 تک سالانہ ڈیڑھ ارب ڈالرز غیر فوجی امداد کی مد میں دیے جائیں گے۔امریکی سینیٹ پہلے ہی کیری لوگربل کی منظوری دے چکی ہے۔ اسلام آباد: حکومت کو اگر فوج اور کسی اور ادارے کی طرف سے کیری لوگر بل کی طرف سے خدشات یا سفارشات دی گئیں تو ان کو مکمل طور پر سنا جائے گا۔ وزیراطلاعات قمرالزمان کائرہ نے کابینہ کی بریفنگ کے دوران کیری لوگر بل پر کہا کہ اگر فوج کو اس مسئلے پر اعتراض ہے تو اسکو حل کرنے کے لئے حکومت اس کو مکمل طور سنے گی اور کسی بریفنگ کی ضرورت پڑی تو بھی کی جائے گی۔

انہوں نے کہا کہ جب کوئی بھی حکومت امداد دیتی ہے تو اسکے ساتھ کڑی شرائط بھی ہوتی ہیں جیسے آئی ایم ایف یا ورلڈ بنک کے قرضے بھی شرائط کے بغیر نہیں ہوتے اسی طرح امریکی امداد بھی شرائط کے ساتھ ہے جن پر پارلیمنٹ میں بھی بحث جاری ہے۔ وزیر اطلاعات نے کہا کہ اس بل پر بے جا تنقید نا کی جائے بلکہ اس کو بحث سے طے کیا جائے۔ اس امداد سے صوبہ سرحد میں سالانہ ستر سے اسی ارب روپے کے ترقیاتی اخراجات کئے جائیں گے جس سے اس علاقے کے جنگ سے متاثرہ عوام کو کافی فائدہ ہو گا۔ قومی اسمبلی کے اجلاس میں قائد حزب اختلاف چوہدری نثار علی خان نے کیری لوگر بل پر بحث کا آغاز کر دیا۔ قومی اسمبلی کا اجلاس اسپیکر ڈاکٹر فہمیدہ مرزا کی صدارت میں جاری ہے۔ کیری لوگر بل پر بحث کا آغاز کرتے ہوئے چوہدری نثار علی خان نے کہا کہ ایم کیو ایم سیاسی قوت ہے آج تاریخی موقع پر کردار ادا کرے۔ انہوں نے کہا کہ فوجی آمر کو بھاگنے پرمجبور کرنا صرف زرداری کا کارنامہ نہیں۔

گزشتہ روز قومی اسمبلی کے اجلاس کے دوران ن لیگ کی جانب سے کیری لوگر بل پر بحث کے لئے تحریک التوا پیش کی گئی تھی جس پر وفاقی وزیر پارلیمانی امور ڈاکٹر بابر اعوان نے اعتراض کیا کہ اس تحریک کو رول دوسوانسٹھ کے تحت پیش کیا جائے۔ اس پر ن لیگ نے تحریک التوا کو رول دوسوانسٹھ کے تحت پیش کیا جسے بحث کیلئے منظور کر لیا تھا۔

دریں اثنا جیو نیوز کے کامران خان کی رپورٹ کے مطابق ملک میں جہاں کیری لوگر بل کی ہتک وتوہین آمیز زبان اور پاکستان کی مسلح افواج اور انٹیلی جنس ایجنسیوں کے بارے میں مشاہدات کے خلاف غم وغصہ بڑھ رہا ہے، وہیں پاک فوج نے بھی اس پر سخت احتجاج کیا ہے، یہ احتجاج جنرل اشفاق پرویز کیانی نے منگل کو ملاقات کیلئے آنے والے افغانستان میں امریکی جنرل اسٹینلے میکرسٹل سے ملاقات کے موقع پر کیا، ان حکام کا کہنا ہے کہ جنرل کیانی نے جنرل میکرسٹل کو بتایا کہ دیگر پاکستانیوں کی طرح مسلح افواج اور اسکی انٹیلی جنس سروسز بھی کیری لوگر بل میں پاکستان کی سیکورٹی اسٹیبلشمنٹ کے حوالے سے بیان کئے گئے مشاہدات اور امریکی رہنماوں کے بیانات پر غضبناک ہیں۔روز نامہ جنگ کی رپورٹ میں مزید کہا گیا ہے کہ جنرل میکرسٹل حال ہی میں جی ایچ کیو سے ایک غیر مبہم پیغام لیکر واپس لوٹے ہیں اور وہ پیغام یہ ہے کہ پاکستان کے قومی سیکورٹی مفادات کے حوالے سے کیری لوگر بل کی شرائط توہین آمیز ہیں اور اپنی موجودہ صورت میں ناقابل قبول ہیں، ملاقات کی تفصیلات سے آگاہ ایک عہدیدار نے بتایا ہے کہ کیری لوگر بل پر پاک فوج کا سخت ردّعمل وزیر اعظم سے آرمی چیف کی ملاقات میں بھی شےئر کیا گیا تھا۔

منگل کوہونے والی ایک اور پیشرفت یہ ہوئی کہ وزیر اعظم نے وزیر خارجہ شاہ محمود قریشی کو کیری لوگر بل کے مختلف عناصرپر اپنے تحفظات سے امریکی وزیر خارجہ ہلیری کلنٹن ، پاکستان و افغانستان کیلئے امریکا کے خصوصی نمائندے اور اہم ارکان کانگریس کو آگاہ کرنے کیلئے امریکا روانہ کیا ہے۔

**فاروق سرورخان** · 08-10-09, 09:32 PM

امداد اگر غیر فوجی ہے تو پھر دفاعی معاملات کو "کوئی تذکرہ نہیں" بہت ضروری ہے۔ غیر فوجی بل میں‌نیوکلئیر سے تعلق رکھنے والی شرائط کا کیا کام؟

**حیدر** · 08-10-09, 10:47 PM

اقتباس:

اصل مراسلہ منجانب : فاروق سرورخان

امداد اگر غیر فوجی ہے تو پھر دفاعی معاملات کو "کوئی تذکرہ نہیں" بہت ضروری ہے۔ غیر فوجی بل میں‌نیوکلئیر سے تعلق رکھنے والی شرائط کا کیا کام؟

گُڈ پوائینٹ ۔ فواد ڈیجیٹل بھائی سے پوچھنی چاہیے یہ بات۔

**محمدعدنان** · 08-10-09, 10:49 PM

اقتباس:

اصل مراسلہ منجانب : بدرالزمان

گُڈ پوائینٹ ۔ فواد ڈیجیٹل بھائی سے پوچھنی چاہیے یہ بات۔

بھائی کوئی فائدہ نہیں ان سے پوچھنے کا

**حیدر** · 08-10-09, 11:36 PM

اقتباس:

اصل مراسلہ منجانب : عدنان

بھائی کوئی فائدہ نہیں ان سے پوچھنے کا

گُڈ پوائینٹ۔ واقعی ان سے پوچھنے کا کوئی فائدہ نہیں ۔

08-10-09, 09:32 PM	#2
فاروق سرورخان Senior Member تاریخ شمولیت: Mar 2008 مقام: US مراسلات: 3,642 کمائي: 28,537 شکریہ: 7,148 2,972 مراسلہ میں 8,778 بارشکریہ ادا کیا گیا	امداد اگر غیر فوجی ہے تو پھر دفاعی معاملات کو "کوئی تذکرہ نہیں" بہت ضروری ہے۔ غیر فوجی بل میں‌نیوکلئیر سے تعلق رکھنے والی شرائط کا کیا کام؟ Share Share this post on Digg Del.icio.us Technorati Twitter Facebook! __________________ فاروق سرور خان ترے ضمیر پہ جب تک نہ ہو نزول کتاب گرہ کشـا ہے نـہ رازی نـہ صـا حب کشـاف

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
خیبرپختونخوا، شمالی بلوچستان میں بارش زیارت، گلیات، چترال اور مختلف علاقوں میں برفباری کا امکان	گلاب خان	خبریں	0	19-02-11 03:44 AM
فکسنگ الزامات، سب سے گرم موضوع	کنعان	گپ شپ	12	01-09-10 01:14 AM
بھارت، من موہن نے تیل کی قیمت میں اضافے کا مطالبہ مسترد کردیا	ابن ضیاء	خبریں	8	01-02-10 09:42 PM
بھارت، آسام کے پانچ اضلاع میں پاکستانی پرچم لہرا دیئے گئے	وجدان	خبریں	3	06-10-08 09:57 PM
فی الحال عدالت سے رجوع نہیں کررہے عمران فرحت، توفیق عمر	خرم شہزاد خرم	کرکٹ	0	05-01-08 09:52 AM

Currently Active Users Viewing This Thread: 1 (0 members and 1 guests)