[Seen Lasht women came on roads | GroundReport
چترال میں کئی جھگڑے ایسے چل رہے ہیں جن میں ٤١ سال پہلے ختم ہونے والی چترال کی ریاستی نظام کے خاتمے کے وقت کے نہ ہوئے فیصلے ہونا باقی ہیں۔ ایسے گاؤں کے گاؤں ہیں جن کو چترال کے بادشاہ نے اپنے پسندیدہ لوگوں کے نام کر دئے تھے اور انکو سند جاری کی ہوئی ہے۔ ان میں ایسے اسناد بھی ہیں جو حقیقت میں جعلی ہیں اور پُرانی ریاستی اداروں کے اثر کے تحت بنائ گئی ہیں۔ چونکہ ہمارے موجودہ ملک میں سرمایہ دارانہ نظام ہے اسوجہ سے اگر چترال میں کسی اور خاندان کا فرد بھی حکومتی صوبائی یا مرکزی شورٰی میں بیٹھتا ہو تب بھی انکی نہیں‌ چلتی اور چترال کی سابقہ ریاست کے نام نہاد شہزادوں کا پاکستانی حکومتی اداروں میں بڑا عمل دخل رہتا ہے۔ اس قسم کے جھگڑوں میں حکومتی ادارے ان نام نہاد شہزادوں کی پوری پُشت پناہی کرتے ہیں جبکہ باقی عوام کی شکایت پر کوئی کان نہیں دھرا جاتا۔ یہاں تک ہوتا رہا ہے کہ گاؤں کے لوگوں پر بغیر پُوچھے مقدمات درج کئے گئے ہیں اور ان کی قانونی شکایت پر بھی کان نہیں دھرا جاتا رہا ہے۔ اس معاملے میں امنییّتی اداروں کا بھی کوئی قصور نہیں ہے کیونکہ وہ وہی کرتے ہیں جن کی بالائی حکّام کی طرف سے ھدایت ہوتی ہے۔ اس تمام گڑ بڑ میں حکومتی اداروں کے ناقص نظام اور بدعنوانی کا بڑا ہاتھ ہے اور ہمارے حکمران ہاتھی کے کان میں آرام فرما ہیں۔ مثلا“ ایک شخص کے گھر میں صدر مشرّف سربراہ ہوتے جا کر چائے پی کر آرام فرمائے اور اس شخص کے رابطے میں کُچھ سالار اور سیاسی سرکردہ افراد ہوں تو مقامی تھانے کا داروغہ اس کے خلاف کسی شکایت کا کیا پرچہ کاٹے گا۔
یہ تصاویر چترال کے گاؤں سین لشٹ کے لوگوں کی ہے جن کے ١٠١ خاندانوں پر مشتمل لوگوں کو یہاں رہنے کو جگہ دی گئی تھی اور پھر ان پر ایک مقامی شہزادے نے مقدّمہ چلایا کہ وہ جگہ خالی کر دیں۔ یوں حکومتی اداروں کے ذریعے انکے گھروں کو عدالت سے شہزادے کے حق میں فیصلے کے ساتھ خالی کرایا جا رہا ہے۔ جن لوگوں کو نکالا جا رہے ہے یہ اسماعیلی فرقے کے سادہ لوح لوگ ہیں۔ ایسے دوسرے کئی گاؤں بھی ہیں جن پر مزید بے دخلی کی کاروائی ہونی ہے۔ یاد رہے کہ چترال کے لوگ وفادار اور پُرامن لوگ ہیں اور ایسی ایک اور کاروائی لوگوں کی ملک کے خلاف نفرت پیدا کرانے کی ایک پُر خلوص کوشش ہوگی۔