راشد احمد

ہم نے قیام پاکستان کے بعد بہت سے نام تبدیل کئے ہیں۔
جیسے فورٹ سینڈیمن کا نام ژوب رکھا ہے
کیمبل پور کا نام اٹک رکھا گیا۔
اسی طرح ہم منٹگمری کا پرانا نام ساہیوال بحال کیا ہے حالانکہ رابرٹ منٹگمری نے پنجاب میں بے شمار ترقیاتی کام کرائے ہیں۔ ساہیوال کی بنجر زمینوں کو زرخیز کرنے میں رابرٹ منٹگمری کا اہم کردار رہا ہے۔ ساہیوال میں میرا بچپن گزرا ہے۔ منٹگمری فیکٹری کسی زمانے میں ساہیوال کی سب سے بڑی فیکٹری تھی۔ میرے بچپن میں منٹگمری کے نام سے دکانوں پر بسکٹ، ٹافیاں بکتے تھے۔

اسی طرح لائل پور کا نام فیصل آباد گیا تو فیصل آباد کے لوگوں نے شدید احتجاج کیا گیا تھا لیکن حکومت پر کوئی اثر نہ ہوا حالانکہ شاہ فیصل سے پاکستانی خصوصی عقیدت رکھتے تھے مگر سرجیمز لائل نے فیصل آباد کو بسانے میں اہم کردار ادا کیا تھا۔

جیکب آباد، ایبٹ آباد، مانسہرہ، ہری پور کا نام تبدیل ہونا چاہئے تھا یہ سب کے سب جرنیل تھے۔
مانسہرہ جنرل مان سنگھ کے نام سے رکھا گیا جس نے سید احمد شہید بریلی کو شہید کیا تھا اورہری پور جنرل ہری سنگھ کے نام سے رکھا گیا جس نے شاہ اسماعیل کوشہید کیا گیا۔ مانسہرہ کا نام سیدپوریا سید احمد شہید رکھنا چاہئے اور ہری پور کا نام شاہ اسماعیل یا اسماعیل پور رکھنا چاہئے۔

لیکن انگریزوں کے نام سے بہت سی سڑکیں، ہسپتال، تعلیمی ادارے اور آبادیاں موجود ہیں لاہور میں ڈیوس روڈ، ایبٹ روڈ، لارنس روڈ اور آبادیاں قلعہ گجر سنگھ، کرشن نگر، دھرمپورہ، جین مندر وغیرہ آج بھی موجود ہیں۔ سرگنگارام ہسپتال، گلاب دیوی کے نام تو تبدیل نہیں ہونے چاہئے کیونکہ یہ دونوں ہسپتال سرگنگارام کا ایک عظیم کارنامہ ہے۔ سرگنگارام لاہور کا ایک معیاری ہسپتال شمار ہوتا ہے جبکہ گلاب دیوی ٹی بی اور چیسٹ کی بیماریوں کے لئے مخصوص ہسپتال ہے۔ اسی طرح ایچی سن کالج، کنئیرڈ کالج، ہیلی کالج، کوئین میری کالج، لیڈی ویلنگٹن ہسپتال، جانکی دیوی ہسپتال، لیڈی ایچی سن ہسپتال، کنگ ایڈورڈ میڈیکل کالج تو انگریزوں کے بنے ہوئے ہیں ان کے نام تبدیل کرنا مشکل ہیں۔

سکھوں کے نام سے پنجاب میں ایک شہر ٹوبہ ٹیک سنگھ بھی موجود ہے۔ جس کا نام دارالاسلام رکھنے کی کافی عرصے سے کوشش کی جارہی ہے۔ اس شہر میں ایک تالاب تھا جس کا مالک ٹیک سنگھ تھا یہ شخص سکھ زائرین کو اس تالاب سے پانی پلاتا تھا تو رنجیت سنگھ نے اس تالاب کو مقدس قرار دیتے ہوئے اس شہر کا نام ٹوبہ ٹیک سنگھ رکھ دیا گیا۔

اس کے علاوہ ایک ضلع ننکانہ صاحب موجود ہے لیکن اس کا نام تبدیل اس لئے تبدیل نہیں‌ہوسکتا کیونکہ ننکانہ صاحب سکھوں کا مقدس مقام ہے اور سکھ کمیونٹی یہاں بے شمار ترقیاتی کام کرارہی ہے۔ یہاں ایک گورونانک یونیورسٹی ڈھائی ہزار ایکڑ اراضی پر بن رہی ہے۔ جہاں بھارت سے سکھ اور پاکستانی طالب علم یہاں تعلیم حاصل کریں گے۔ اس لئے اس علاقے کا نام تبدیل کرنا ناممکن ہے۔

لیکن اس کے مقابلے میں بھارت نے تو نام تھوک کے حساب سے تبدیل کئے ہیں۔ اب بھارت پلاننگ کررہا ہے کہ مسلمانوں کے نام سے شہروں کے نام بھی تبدیل کردئیے جائیں۔

__________________
حکمران کے محبوب ہونے اور فرعون بننے میں رویے کا فرق ہے۔