M A Ansari

پرانے زمانے کی بات ہے جب شاگرد بھی استاد ہوا کرتے تھے علم و ادب کا دور تھا ایسےہی دور کا یہ واقعہ ہے کہ ایک کالج میں ریاضی کے نئے استاد کا تقرر ہوا ریاضی ہی کا پیریڈ تھا استاد ابھی کلاس میں نہیں آئے تھے کہ بچوں کو نہ جانے کیا شرارت سوجھی ان میں سے ایک بچہ اٹھا اور اس نے کہا کہ آج میں نے ایک ایسا شعر کہا ہے کہ استاد کے پاس اس کا کوئی جواب نہیں ہوگا اور ان کے علم کا بھی پتہ لگ جائے گا پھر کیا کیا جائے سب لڑ کوں نے کہا میرے پاس ایک آئیڈیا ہے مگر ایک شرط ہے کہ کوئی بتائے گا نہیں کہ یہ شرارت کس نےکی ہے باہم مشاورت سے یہ طے پایا کہ کوئی کسی کے بارے میں زبان نہیں کھولے گا چاہے کہ ہی ہوجائے بعد ازاں بچے نے چاک اٹھائی اور بلیک بورڈ پر ایک شعر لکھا جو کچھ یوں تھا

دعویٰ بہت ہے علمِ ریاضی میں آپ کو
طولِ شبِ فراق زرہ ناپ دیجئے

تھوڑی دیر میں استاد کلاس میں داخل ہوئے سب بچے گھٹی گھٹی ہنسی ہنس رہے تھے لیکن استاد ان تمام باتوں سے لا علم جب بلیک بورڈ کی طرف آئے تو اس شعر کو دیکھ کر چونکے اور تھوڑے سے حیران بھی ہوئے اور تھوڑے سے خوش بھی ہوئے کیوں کہ شعر پائے کا تھا انہوں نے مسکرا کر بچوں کی طرف دیکھا اب بچے بڑے بھرم میں بیٹھے تھے کہ اب استاد ہم سے پوچھیں گے کہ یہ کس نے لکھا ہے اور یہ بد تمیزی کس نے کی ہے لیکن اس وقت ان سب کے ارمانوں پہ اوس پڑ گئی جب استاد نے چاک اٹھائی اور اس کے نیچے ایک مصرع لکھ کر شعر کو مکمل کر دیا اور بچوں کا منہ حیرت سے کھلا کا کھلا رہ گیا ہو مصرع کچھ یوں تھا

طولِ شبِ فراق جو ناپا گیا غریب
لیلا کی زلف سے رہا دو چار ہاتھ کم

محمدعدنان

استاد تو استاد ہی ہوتے ہیں ۔ اس لئے ان کا امتحان نہیں‌لینا چاہئیے

shafresha

بہت خوب منصور بھائی بہت خوب!!!!!!!

اُس اُستاد کی دانائی اور لطافت کو ہزار سلام

ہائے افسوس ایسے طلباء اور ایسے اساتذہ اب کہاں‌ رہے

__________________
میں‌تمھارے اس حق کے لیئے کہ تم مجھ سے "اختلاف" کرسکو، آخری وقت تک لڑوں‌گا!

راجہ اکرام

ہر سیر کے لئے ایک سوا سیر ہوتا ہے
خوب انصاری بھائی

زارا

الســلام ُ علیــکم

بہت اچھی تحریر ہے انصاری بھائی۔

M A Ansari

شکریہ دوستوں لیکن جب میں اس طرح کی کوئی تحریری پڑھتا ہوں تو اکثر اداس ہو جاتا ہوں کیوں کہ اب وہ ذوق و شوق اور وہ دور کہاں جب ایسے استاد اور ایسے شاگرد ہواکرتے تھے بلکہ اب تو سرے سے کچھ بچا ہی نہیں ہے ہر چیز کمرشل ہے چاہے وہ استاد ہو یا تعلیم ۔۔ہائے میرے اتالیق کو کس کی نظر کھا گئی

حیدر

ہائے ! ہم کو کس کی نظر کھا گئی۔
مجھ پر جب وہ ذہنی کیفیت کا دور آتا ہے کہ جب میں زیادہ پیسا کمانے کے لالچ سے آزاد ہو جاتا ہوں تب مجھے ہر چیز اتنی خوبصورت لگتی ہے اور میں اس قدر "انجوائے" کرتا ہوں کہ بیان سے باہر ہے۔تاہم کمرشلائزیشن پھر سے مجھ پر قابو پا لیتی ہے اور میں پھر سے پیسے کے پیچھے ڈھینچوں ڈھینچوں کرتے بھاگ پڑتا ہوں

M A Ansari

حیدر بھائی آپ نے بالکل بجا کے ارشاد فرمایا ایسا ہی ہوتا ہے
صحابہ کرام رضی اللہ عنہ نےبھی حضور صلی اللہ علیہ وسلم سے یہی ارشاد فرمایا تھا کہ یا رسول اللہ صلی اللہ علیہ وسلم جب ہم آپ کی محفل میں ہوتے ہیں تو ہماری کیفیت کچھ اور ہوتی ہے اور جب ہم یہاں سے جاتے ہیں تو ہماری وہ کیفیت نہیں رہتی آپ صلی اللہ علیہ وسلم نے ارشاد فرمایاجس کا مفہوم ہے کہ اگر تمہاری وہی حالت رہے تو فرشتے تم سے مصافحہ کریں اور فرشتے تمہارے ہم رکاب رہیں تو بھائی اس کے لئے اللہ سے دعا ہی کی جاسکتی ہے