راجہ اکرام

السلام علیکم دوستو
راجہ اکرام کی تیسری کاوش “یہ ارض وطن آباد رہے” آپ کی بصارتوں کی نذر پہلے کی جا چکی ہے،
یہ میری دوسری کاوش تھی جو اب پیش خدمت ہے۔ پڑھئے اور رہنمائی کیجئے۔۔

__________________
محتاج اصلاح و دعا

خرم شہزاد خرم

بہت خوب راجا بھائی ایسا نہیں لگتا کہ یہ آپ کی دوسری یا تیسری نظم ہے بہت اچھی لکھی ہے سب سے بڑی بات آپ سمجھ کر لکھ رہے ہیں مجھے بہت خوشی ہوئی آپ کی طرف سے
ایک درخواست یہ آزاد نظم ہے اس لیے اس کو اردو کی طرف سے ہی شروع کیا کریں کیونکہ اس کا مزہ اس کے مصرعوں میں ہیں جب درمین میں لکھیں گے تو دلکشی ختم ہو جاتی ہے یہ میری ذاتی سوچ ہے


مجھے تم سے
یہی اک بات کہنی ہے
کہ جس پل
جب بھی تم مجھ سے
ذرا سا دور ہوتے ہو
یا اپنی ہی کسی دھن میں
کہیں مشغول ہوتے ہو
اداسی اور ویرانی
کسی آسیب کی مانند
مجھے آ کر دبوچ لیتی ہے
میرے وہم و گماں تک سے
خوشی کے سارے امکاں نوچ لیتی ہے
یقین و انبساط و کیف سے دامن تہی کر کے
مجھے بیم و رجا میں ڈگمگاتی سوچ دیتی ہے

پھر اس کے بعد اے ہمدم
میں کچھ بھی کر نہیں سکتا
تیرے بن جینا مشکل ہے
میں تجھ بن مر نہیں سکتا

اگر ممکن ہو اے جاناں
تو میری التجا
یہ مان جاؤ تم
جو چاہے تم سزا دے لو
مگر نہ دور جاؤ تم

__________________

راجہ اکرام

السلام علیکم
خرم بھائی پسندیدگی اور حوصلہ افزائی پر شکر گزار ہوں اس سے مزید کا حوصلہ ملتا ہے۔
اور آپ کی رائے مجھے بھی درست لگی، اب ان شاء اللہ ایسا ہی کرنے کی کوشش کروں گا۔
آپ کی طرف سے رہنمائی اور دعاؤں کی ضرورت رہے گی۔ کیوں کہ ہم ابھی نو وارد ہیں اس دشت میں، مناسب رہنمائی میسر نہ آئی تو بھٹک بھی سکتے ہیں۔

ام طلحہ

کمال ہے راجہ بھائی!! آپ تو کمال کا لکھ رہے ہیں۔جاری رکھئے انشاللہ جلد صاحب دیوان ہو جائیں گے۔ دل سے کہہ رہی ہوں۔
یہ پرانے جراثیم ہیں یا خرم بھائی کی صحبت کا اثر؟؟ جو بھی ہے بہترین ہے۔
خوش رہیں۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

امید

ارے واہ آپ تو پوئٹ بھی ہو ۔ بہت اچھی پوئٹری ہے

راجہ اکرام

السلام علیکم ام طلحہ بہن
کیسی ہیں آپ
پسندیدگی اور حوصلہ افزائی کا بہت بہت شکریہ۔
صاحب دیوان بننے میں وقت لگے گا کیوں کہ مہینے بھر میں ایک یا کبھی ایک بھی نہیں لکھ سکتا۔
اور یہ جراثیم پرانے نہیں ہیں ۔۔ بس کچھ ہی وقت ہوا ہے ، اس بقرہ عید سے کچھ دن پہلے پہلی بار کچھ لکھا تھا۔

اور خرم بھائی کی صحبت ۔۔۔۔۔ کاش کہ نصیب ہو جائے
لیکن وہ تو چونکہ اس راہ کے پرانے راہی ہیں، لہذا ان سے کسب فیض کی پوری کوشش کروں گا، لیکن وہ پکڑائی نہیں دیتے


پیاری بہن آپ دعا کیا کریں ۔
اللہ آپ کو خوش رکھے اور ہر پریشانی سے محفوظ رکھے ۔۔ آمین

راجہ اکرام

پسند کرنے کا بہت بہت شکریہ امید جی
شاعر ہوں نہیں بس کوشش کر رہا ہوں کہ شاعروں جیسا بن جاؤں
آپ دعا کیا کریں

ARHAM

بہت خوب اکرام بھائی ۔۔
آپ تو مکمل شاعر بن گئے ہیں ۔۔۔ ام طلحہ نے ٹھیک کہا ہے جلد سے صاحب دیوان ہونے کی تیاری کریں
تاکہ نئے شاعروں کے لیے ایک مثال تو بن جائیں آپ کہ شاعری اسے کہتے ہیں
ویسے بقر عید سے پہلے کس بات نے آپ کو مجبور کیا شاعری پر ؟

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

راجہ اکرام

السلام علیکم
محترمہ ارحم بہن
حوصلہ افزائی اور پسندیدگی کا بہت بہت شکریہ
آپ کی خصوصی دعاؤں کی شدید ضرورت ہے۔

لیکن نئے شاعروں کے لئے مثال ۔۔۔۔۔۔ بہت بڑی بات کی ہے آپ نے بہن جی
یہ مقام تو برسوں کی محنت کے بعد بھی نہیں ملتا
میں تو ویسے ہی شغل میں یہ لکھ دیتا ہوں اور شاعری بن جاتی ہے۔
آپ دعا کیا کریں

اور بقرہ عید سے پہلے کیا ہوا تھا
سر محفل ایسے سوالات
ہر نام سرے عام پکارا نہیں جاتا

اتنا بتا دینا کافی ہو گا کہ اچانک اپنی کسی قریبی شخصیت سے چند دن کی جدائی یا دوری اختیار کرنی پڑے تو جذبات پر اختیار نہیں رہتا۔ میرے ساتھ بھی ایسا ہوا، بہت ہی ایمر جنسی میں جانا ۔ آغاز سفر میں کسی کا خیال آیا اور سدت سے آیا تو چند اشعار بن گئے

ان میں سے ایک شعر آپ کی بصارتوں کی نذر

مزید تفصیلات کے لئے اخبارات

دعا کیا کریں بہن میری ہدایت کے لئے

حیدر Rehan

بہت خوب ۔ ۔ ۔ ۔اچھی نظم ہے ۔ ۔ ۔
لگے رہو۔ ۔ ۔منا بھائی

راجہ اکرام

شکریہ ریحان بھائی
دعا کریں کہ لگے رہیں

خرم شہزاد خرم

ارے نہیں جی یہ کن چکروں میں ڈال رہی ہیں آپ ہمارے راجہ بھائی کو

نہیں کاکا آپ نے ابھی لکھنا ہے بس دیوان کا کبھی سوچنا بھی نہیں دیوان کا سوچو گے تو دیوانے ہو جاو گے

عدنان دانی

بہت اچھا لکھتے ہے آپ راجہ بھائی
بہت خوب

راجہ اکرام

جی خرم بھائی
دیوان کا نہیں سوچا
اور وہ اگلے کئی سال نہیں آنے والا کیوں کہ وہ شاعروں کا ہوتا ہے
ہم تو بس ۔۔۔۔۔۔۔۔۔۔۔۔۔۔۔۔۔۔۔۔۔۔

سحر

اگر ممکن ہو اے جاناں
تو میری التجا
یہ مان جاؤ تم
جو چاہے تم سزا دے لو
مگر نہ دور جاؤ تم

راجہ بھائی
میرے پاس الفاظ نہیں ہیں کہ میں کچھ کہوں ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے