رضی

افرنگ زدہ


(1)


ترا وجود سراپا تجلي افرنگ
کہ تو وہاں کے عمارت گروں کي ہے تعمير
مگر يہ پيکر خاکي خودي سے ہے خالي
فقط نيام ہے تو، زرنگار و بے شمشير


(2)


تري نگاہ ميں ثابت نہيں خدا کا وجود
مري نگاہ ميں ثابت نہيں وجود ترا
وجود کيا ہے، فقط جوہر خودي کي نمود
کر اپني فکر کہ جوہر ہے بے نمود ترا

ام غزل

بہت خوب ۔

فیصل ناصر

ام غزل

ماں تیرے بعد بتا کون لبوں سے اپنے۔۔۔۔۔۔
وقتٍ رخصت میرے ماتھے پہ دعا لکھے گا

رضی

تصوف


يہ حکمت ملکوتي، يہ علم لاہوتي
حرم کے درد کا درماں نہيں تو کچھ بھي نہيں
يہ ذکر نيم شبي ، يہ مراقبے ، يہ سرور
تري خودي کے نگہباں نہيں تو کچھ بھي نہيں
يہ عقل، جو مہ و پرويں کا کھيلتي ہے شکار
شريک شورش پنہاں نہيں تو کچھ بھي نہيں
خرد نے کہہ بھي ديا 'لاالہ' تو کيا حاصل
دل و نگاہ مسلماں نہيں تو کچھ بھي نہيں

عجب نہيں کہ پريشاں ہے گفتگو ميري
فروغ صبح پريشاں نہيں تو کچھ بھي نہيں

رضی

ہندي اسلام


ہے زندہ فقط وحدت افکار سے ملت
وحدت ہو فنا جس سے وہ الہام بھي الحاد
وحدت کي حفاظت نہيں بے قوت بازو
آتي نہيں کچھ کام يہاں عقل خدا داد
اے مرد خدا! تجھ کو وہ قوت نہيں حاصل
جا بيٹھ کسي غار ميں اللہ کو کر ياد
مسکيني و محکومي و نوميدي جاويد
جس کا يہ تصوف ہو وہ اسلام کر ايجاد

ملا کو جو ہے ہند ميں سجدے کي اجازت
ناداں يہ سمجھتا ہے کہ اسلام ہے آزاد

رضی

غزل


دل مردہ دل نہيں ہے،اسے زندہ کر دوبارہ
کہ يہي ہے امتوں کے مرض کہن کا چارہ
ترا بحر پر سکوں ہے، يہ سکوں ہے يا فسوں ہے؟
نہ نہنگ ہے، نہ طوفاں، نہ خرابي کنارہ!
تو ضمير آسماں سے ابھي آشنا نہيں ہے
نہيں بے قرار کرتا تجھے غمزہ ستارہ
ترے نيستاں ميں ڈالا مرے نغمہ سحر نے
مري خاک پے سپر ميں جو نہاں تھا اک شرارہ

نظر آئے گا اسي کو يہ جہان دوش و فردا
جسے آگئي ميسر مري شوخي نظارہ

رضی

دنيا


مجھ کو بھي نظر آتي ہے يہ بوقلموني
وہ چاند، يہ تارا ہے، وہ پتھر، يہ نگيں ہے

ديتي ہے مري چشم بصيرت بھي يہ فتوي
وہ کوہ ، يہ دريا ہے ، وہ گردوں ، يہ زميں ہے

حق بات کو ليکن ميں چھپا کر نہيں رکھتا
تو ہے، تجھے جو کچھ نظر آتا ہے، نہيں ہے

رضی

وحي


عقل بے مايہ امامت کي سزاوار نہيں
راہبر ہو ظن و تخميں تو زبوں کار حيات

فکر بے نور ترا، جذب عمل بے بنياد
سخت مشکل ہے کہ روشن ہو شب تار حيات

خوب و ناخوب عمل کي ہو گرہ وا کيونکر
گر حيات آپ نہ ہو شارح اسرار حيات

رضی

شکست


مجاہدانہ حرارت رہي نہ صوفي ميں
بہانہ بے عملي کا بني شراب الست
فقيہ شہر بھي رہبانيت پہ ہے مجبور
کہ معرکے ہيں شريعت کے جنگ دست بدست

گريز کشمکش زندگي سے، مردوں کي
اگر شکست نہيں ہے تو اور کيا ہے شکس

رضی

مستي کردار


صوفي کي طريقت ميں فقط مستي احوال
ملا کي شريعت ميں فقط مستي گفتار
شاعر کي نوا مردہ و افسردہ و بے ذوق
افکار ميں سرمست، نہ خوابيدہ نہ بيدار

وہ مرد مجاہد نظر آتا نہيں مجھ کو
ہو جس کے رگ و پے ميں فقط مستي کردا

رضی

قلندر کي پہچان


کہتا ہے زمانے سے يہ درويش جواں مرد
جاتا ہے جدھر بندئہ حق، تو بھي ادھر جا

ہنگامے ہيں ميرے تري طاقت سے زيادہ
بچتا ہوا بنگاہ قلندر سے گزر جا

ميں کشتي و ملاح کا محتاج نہ ہوں گا
چڑھتا ہوا دريا ہے اگر تو تو اتر جا

توڑا نہيں جادو مري تکبير نے تيرا؟
ہے تجھ ميں مکر جانے کي جرات تو مکر جا

مہر و مہ و انجم کا محاسب ہے قلندر
ايام کا مرکب نہيں، راکب ہے قلندر

رضی

فلسفہ


افکار جوانوں کے خفي ہوں کہ جلي ہوں
پوشيدہ نہيں مرد قلندر کي نظر سے
معلوم ہيں مجھ کو ترے احوال کہ ميں بھي
مدت ہوئي گزرا تھا اسي راہ گزر سے
الفاظ کے پيچوں ميں الجھتے نہيں دانا
غواص کو مطلب ہے صدف سے کہ گہر سے
پيدا ہے فقط حلقہ ارباب جنوں ميں
وہ عقل کہ پا جاتي ہے شعلے کو شرر سے
جس معني پيچيدہ کي تصديق کرے دل
قيمت ميں بہت بڑھ کے ہے تابندہ گہر سے

يا مردہ ہے يا نزع کي حالت ميں گرفتار
جو فلسفہ لکھا نہ گيا خون جگر سے

رضی

مردان خدا


وہي ہے بندئہ حر جس کي ضرب ہے کاري
نہ وہ کہ حرب ہے جس کي تمام عياري
ازل سے فطرت احرار ميں ہيں دوش بدوش
قلندري و قبا پوشي و کلہ داري
زمانہ لے کے جسے آفتاب کرتا ہے
انھي کي خاک ميں پوشيدہ ہے وہ چنگاري

وجود انھي کا طواف بتاں سے ہے آزاد
يہ تيرے مومن و کافر ، تمام زناري

رضی

کافر و مومن


کل ساحل دريا پہ کہا مجھ سے خضر نے
تو ڈھونڈ رہا ہے سم افرنگ کا ترياق؟
اک نکتہ مرے پاس ہے شمشير کي مانند
برندہ و صيقل زدہ و روشن و براق

کافر کي يہ پہچان کہ آفاق ميں گم ہے
مومن کي يہ پہچان کہ گم اس ميں ہيں آفا