عائشہ

خرم شہزاد خرم

__________________

Zullu230

بات ایک ہی کیسے ہوگی جی! آپ دونوں حلیف ہیں یا حریف؟

عائشہ

اپنی جولاں گاہ زیرِ آسماں سمجھا تھا میں
آب و گل کے کھیل کو اپنا جہاں سمجھا تھا میں

بے حجابی سے تری ٹوٹا نگاہوں کا طلسم!
اک روائے نیلگوں کو آسماں سمجھا تھا میں

کارواں تھک کر فضا کے پیچ و خم میں رہ گیا
مہر و ماہ مشتری کو ہم عناں سمجھا تھا میں

عشق کی اک جست نے طے کر دیا قصہ تمام
اس زمین و آسماں کو بیکراں سمجھا تھا میں

کہہ گئیں رازِ محبت پردہ دار یہائے شوق
تھی فغاں وہ بھی جسے ضبطِ فغاں سمجھا تھا میں

تھی کسی درماندہ رہرو کی صدائے درد ناک
جس کو آواز رحیل کارواں سمجھا تھا میں

عائشہ

مکتبوں میں کہیں رعنائی افکار بھی ہے؟
خانقاہوں میں کہیں لذتِ اَسرار بھی ہے؟
منزل رہرواں دور بھی ہے، دشوار بھی ہے!
کوئی اس قافلہ میں قافلہ سالار بھی ہے
بڑھ کے خیبر سے ہے یہ معرکہء دین وطن
اس زمانے میں کوئی حیدر کرار بھی ہے
علم کی حد سے پرے بندہء مومن کے ہے
لذتِ شوق بھی ہے، نعمتِ دیدار بھی ہے!
پیرِ میخانہ یہ کہتا ہے کہ ایوانِ فرنگ
سُست بنیاد بھی ہے آئینہ دیوار بھی ہے

عائشہ

مژگان

سختیاں کرتا ہوں خود پہ ' غیر سے غافل ہوں میں
ہائے کیا اچھی کہی ظالم ہوں میں' جاہل ہوں میں!
ہے مِری ذلت ہی کچھ مِری شرافت کی دلیل۔ ۔ !!!
جس کی غفلت کو مُلک روتے ہیں وہ غافِل ہوں میں
بزمِ ہستی! اپنی آرائش پہ تو نازاں نہ ہو۔ ۔ ۔ ۔ !!!!!!
تُو تو اک تصویر ہے محفل کی اور محفل ہوں میں۔!!
ڈھونڈتا پھرتا ہوں اے اِقبال اپنے آپ کو۔ ۔ ۔ !!!!!!!!!!
آپ ہی گویا مُسافر' آپ ہی منزل ہوں میں۔ ۔ ۔ !!!!!!

champion_pakistani

ترے عشق کي انتہا چاہتا ہوں
مري سادگي ديکھ کيا چاہتا ہوں

تجھے ياد کيا نہيں ہے مرے دل کا وہ زمانہ
وہ ادب گہ محبت ، وہ نگہ کا تازيانہ

يہ بتان عصر حاضر کہ بنے ہيں مدرسے ميں
نہ ادائے کافرانہ نہ تراش آرزانہ

نہيں اس کھلي فضا ميں کوئي گوشہ فراغت
يہ جہاں عجب جہاں ہے نہ قفس نہ آشيانہ

رگ تاک منتظر ہے تري بارش کرم کي
کہ عجم کے مے کدوں ميں نے نہ وہي مے مغانہ

مرے ہم صفير اسے بھي اثر ہار سمجھے
انہيں کيا خبر کہ کيا ہے يہ نوائے عاشقانہ

مرے خاک وخوں سے تو نے يہ جہاں کيا ہے پيدا
صلہ شہيد کيا ہے تب و تاب جاودانہ

تري بندہ پروري سے مرے دن گزر رہے ہيں
نہ گلہ ہے دوستوں کا نہ شکايت زمانہ

خرم شہزاد خرم

آپ سے گزاریش ہے آپ دوسرے مقابلوں میں بھی حصہ لے شکریہ

عائشہ

عائشہ

عائشہ

انسان

قدرت کا عجیب یہ ستم ہے
انسان کو راز جو بنایا!
راز اس کی نگاہ سے چھپایا
بیتاب ہے ذوق آگہی کا
کھلتا نہیں بھید زندگی کا
حیرت آغاز و انتہا ہے
آئینے کے گھر میں اور کیا ہے؟
ہے گرمِ خرام موجِ دریا
دریا سوئے بحر جادہ پیما
بادل کو ہوا اڑا رہی ہے
شانوں پہ اٹھائے لارہی ہے
تارے مستِ شرابِ تقدیر
زندانِ فلک میں پا بہ زنجیر
خورشید، وہ عابدِ سِحر خیز
لانے والا پیامِ " بر خیز"
مغرب کی پہاڑیوں میں چھپ کر
پیتا ہے مئے شفق کا ساغر
لذت گیرِ و جود ہر شے
سر مستِ مئے نمود ہر شے
کوئی نہیں غمگسارِ انساں!
کیا تلخ ہے روزِ انساں!

عائشہ

حقیقتِ حُسن

خدا سے حُسن نے اک روز یہ سوال کیا
جہاں میں کیوں نہ مجھے تو نے لازوال کیا
ملا جواب کہ تصویر خانہ ہے دنیا
شبِ دراز عدم کا فسانہ ہے دنیا
ہوئی ہے رنگِ تغیرّ سے جب نمود اسکی
کہیں قریب تھا، یہ گفتگو قمر نے سُنی
فلک پہ عام ہوئی، اختر سحر نے سُنی
سحر نے تارے سے سُن کر سُنائی شبنم کو
فلک کی بات بتادی زمیں کے محرم کو
بھر آئے پھول کے آنسو پیامِ شبنم سے
کلی کا ننھاّ سا دل خون ہو گیا غم سے
چمن سے روتا ہوا موسمِ بہار گیا
شباب سیر کو آیا تھا، سوگوار گیا

خرم شہزاد خرم

مقابلہ کی تاریخ ختم ہو گی ہیں جلد ہی فیصلہ بھی سنا دیا جائے گا شکریہ