رضی

آدم





طلسم بود و عدم، جس کا نام ہے آدم
خدا کا راز ہے، قادر نہيں ہے جس پہ سخن

زمانہ صبح ازل سے رہا ہے محو سفر
مگر يہ اس کي تگ و دو سے ہو سکا نہ کہن

اگر نہ ہو تجھے الجھن تو کھول کر کہہ دوں،
'وجود حضرت انساں نہ روح ہے نہ بدن

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

رضی

مکہ اور جنيوا


اس دور ميں اقوام کي صحبت بھي ہوئي عام
پوشيدہ نگاہوں سے رہي وحدت آدم
تفريق ملل حکمت افرنگ کا مقصود
اسلام کا مقصود فقط ملت آدم

مکے نے ديا خاک جنيوا کو يہ پيغام
جمعيت اقوام کہ جمعيت آدم

رضی

اے پير حرم


اے پير حرم! رسم و رہ خانقہي چھوڑ
مقصود سمجھ ميري نوائے سحري کا
اللہ رکھے تيرے جوانوں کو سلامت
دے ان کو سبق خود شکني ، خود نگري کا
تو ان کو سکھا خارا شگافي کے طريقے
مغرب نے سکھايا انھيں فن شيشہ گري کا
دل توڑ گئي ان کا دو صديوں کي غلامي
دارو کوئي سوچ ان کي پريشاں نظري کا

کہہ جاتا ہوں ميں زور جنوں ميں ترے اسرار
مجھ کو بھي صلہ دے مري آشفتہ سری کا

رضی

مہدي


قوموں کي حيات ان کے تخيل پہ ہے موقوف
يہ ذوق سکھاتا ہے ادب مرغ چمن کو
مجذوب فرنگي نے بہ انداز فرنگي
مہدي کے تخيل سے کيا زندہ وطن کو
اے وہ کہ تو مہدي کے تخيل سے ہے بيزار
نوميد نہ کر آہوئے مشکيں سے ختن کو

ہو زندہ کفن پوش تو ميت اسے سمجھيں
يا چاک کريں مردک ناداں کے کفن کو؟

رضی

مرد مسلمان


ہرلحظہ ہے مومن کي نئي شان، نئي آن
گفتار ميں، کردار ميں، اللہ کي برہان

قہاري و غفاري و قدوسي و جبروت
يہ چار عناصر ہوں تو بنتا ہے مسلمان

ہمسايہء جبريل اميں بندئہ خاکي
ہے اس کا نشيمن نہ بخارا نہ بدخشان

يہ راز کسي کو نہيں معلوم کہ مومن
قاري نظر آتا ہے ، حقيقت ميں ہے قرآن

قدرت کے مقاصد کا عيار اس کے ارادے
دنيا ميں بھي ميزان، قيامت ميں بھي ميزان

جس سے جگر لالہ ميں ٹھنڈک ہو، وہ شبنم
درياؤں کے دل جس سے دہل جائيں، وہ طوفان

فطرت کا سرود ازلي اس کے شب و روز
آہنگ ميں يکتا صفت سورئہ رحمن

بنتے ہيں مري کارگہ فکر ميں انجم
لے اپنے مقدر کے ستارے کو تو پہچا

رضی

پنجابي مسلمان


مذہب ميں بہت تازہ پسند اس کي طبيعت
کر لے کہيں منزل تو گزرتا ہے بہت جلد

تحقيق کي بازي ہو تو شرکت نہيں کرتا
ہو کھيل مريدي کا تو ہرتا ہے بہت جلد

تاويل کا پھندا کوئي صياد لگا دے
يہ شاخ نشيمن سے اترتا ہے بہت جلد

رضی

آزادی


ہے کس کي يہ جرات کہ مسلمان کو ٹوکے
حريت افکار کي نعمت ہے خدا داد

چاہے تو کرے کعبے کو آتش کدہ پارس
چاہے تو کرے اس ميں فرنگي صنم آباد

قرآن کو بازيچہ تاويل بنا کر
چاہے تو خود اک تازہ شريعت کرے ايجاد

ہے مملکت ہند ميں اک طرفہ تماشا
اسلام ہے محبوس ، مسلمان ہے آزاد

رضی

اشاعت اسلام فرنگستان ميں


ضمير اس مدنيت کا ديں سے ہے خالي
فرنگيوں ميں اخوت کا ہے نسب پہ قيام
بلند تر نہيں انگريز کي نگاہوں ميں
قبول دين مسيحي سے برہمن کا مقام

اگر قبول کرے، دين مصطفي ، انگريز
سياہ روز مسلماں رہے گا پھر بھي غلام

رضی

لاوالا


فضائے نور ميں کرتا نہ شاخ و برگ و بر پيدا
سفر خاکي شبستاں سے نہ کر سکتا اگر دانہ

نہاد زندگي ميں ابتدا 'لا' ، انتہا 'الا'
پيام موت ہے جب 'لا ہوا الا' سے بيگانہ

وہ ملت روح جس کي 'لا 'سے آگے بڑھ نہيں سکتي
يقيں جانو، ہوا لبريز اس ملت کا پيمانہ

رضی

مرائے عرب سے


کرے يہ کافر ہندي بھي جرات گفتار
اگر نہ ہو امرائے عرب کي بے ادبي!

يہ نکتہ پہلے سکھايا گيا کس امت کو؟
وصال مصطفوي ، افتراق بولہبي

نہيں وجود حدود و ثغور سے اس کا
محمد عربي سے ہے عالم عربي
------------------------


بھوپال شيش محل ميں لکھے گئے

رضی

احکام الہي


پابندي تقدير کہ پابندي احکام
يہ مسئلہ مشکل نہيں اے مرد خرد مند

اک آن ميں سو بار بدل جاتي ہے تقدير
ہے اس کا مقلد ابھي ناخوش ، ابھي خورسند

تقدير کے پابند نباتات و جمادات
مومن فقط احکام الہي کا ہے پابند

رضی

موت


لحد ميں بھي يہي غيب و حضور رہتا ہے
اگر ہو زندہ تو دل ناصبور رہتا ہے

مہ و ستارہ ، مثال شرارہ يک دو نفس
مے خودي کا ابد تک سرور رہتا ہے

فرشتہ موت کا چھوتا ہے گو بدن تيرا
ترے وجود کے مرکز سے دور رہتا ہے

رضی

قم باذن اللہ


جہاں اگرچہ دگر گوں ہے ، قم باذن اللہ
وہي زميں ، وہي گردوں ہے ، قم باذن اللہ

کيا نوائے 'اناالحق' کو آتشيں جس نے
تري رگوں ميں وہي خوں ہے ، قم باذن اللہ

غميں نہ ہو کہ پراگندہ ہے شعور ترا
فرنگيوں کا يہ افسوں ہے ، قم باذن اللہ

رضی

اقبال ڈے کے حوالے سے دوبارہ منظر عام پر لا رہا ہوں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔

رضی

پنجابي مسلمان


مذہب ميں بہت تازہ پسند اس کي طبيعت
کر لے کہيں منزل تو گزرتا ہے بہت جلد

تحقيق کي بازي ہو تو شرکت نہيں کرتا
ہو کھيل مريدي کا تو ہرتا ہے بہت جلد

تاويل کا پھندا کوئي صياد لگا دے
يہ شاخ نشيمن سے اترتا ہے بہت جلد