رضی

لا الہ الا اللہ


خودي کا سر نہاں لا الہ الا اللہ
خودي ہے تيغ، فساں لا الہ الا اللہ

يہ دور اپنے براہيم کي تلاش ميں ہے
صنم کدہ ہے جہاں، لا الہ الا اللہ

کيا ہے تو نے متاع غرور کا سودا
فريب سود و زياں ، لا الہ الا اللہ

يہ مال و دولت دنيا، يہ رشتہ و پيوند
بتان وہم و گماں، لا الہ الا اللہ

خرد ہوئي ہے زمان و مکاں کي زناري
نہ ہے زماں نہ مکاں، لا الہ الا اللہ

يہ نغمہ فصل گل و لالہ کا نہيں پابند
بہار ہو کہ خزاں، لا الہ الا اللہ

اگرچہ بت ہيں جماعت کي آستينوں ميں
مجھے ہے حکم اذاں، لا الہ الا الل

رضی

صبح


يہ سحر جو کبھي فردا ہے کبھي ہے امروز
نہيں معلوم کہ ہوتي ہے کہاں سے پيدا
وہ سحر جس سے لرزتا ہے شبستان وجود
ہوتي ہے بندہ مومن کي اذاں سے پيدا

رضی

تن بہ تقدير


اسي قرآں ميں ہے اب ترک جہاں کي تعليم
جس نے مومن کو بنايا مہ و پرويں کا امير

'تن بہ تقدير' ہے آج ان کے عمل کا انداز
تھي نہاں جن کے ارادوں ميں خدا کي تقدير

تھا جو 'ناخوب، بتدريج وہي ' خوب' ہوا
کہ غلامي ميں بدل جاتا ہے قوموں کا ضمير

رضی

معراج


دے ولولہ شوق جسے لذت پرواز
کر سکتا ہے وہ ذرہ مہ و مہر کو تاراج

مشکل نہيں ياران چمن ! معرکہ باز
پر سوز اگر ہو نفس سينہ دراج

ناوک ہے مسلماں ، ہدف اس کا ہے ثريا
ہے سر سرا پردہ جاں نکتہ معراج

تو معني و النجم ، نہ سمجھا تو عجب کيا
ہے تيرا مد و جزر ابھي چاند کا محتاج

رضی

ايک فلسفہ زدہ سيد زادے کے نام


تو اپني خودي اگر نہ کھوتا
زناري برگساں نہ ہوتا
ہيگل کا صدف گہر سے خالي
ہے اس کا طلسم سب خيالي
محکم کيسے ہو زندگاني
کس طرح خودي ہو لازماني
آدم کو ثبات کي طلب ہے
دستور حيات کي طلب ہے
دنيا کي عشا ہو جس سے اشراق
مومن کي اذاں ندائے آفاق
ميں اصل کا خاص سومناتي
آبا مرے لاتي و مناتي
تو سيد ہاشمي کي اولاد
ميري کف خاک برہمن زاد
ہے فلسفہ ميرے آب و گل ميں
پوشيدہ ہے ريشہ ہائے دل ميں
اقبال اگرچہ بے ہنر ہے
اس کي رگ رگ سے باخبر ہے
شعلہ ہے ترے جنوں کا بے سوز
سن مجھ سے يہ نکتہ دل افروز
انجام خرد ہے بے حضوري
ہے فلسفہ زندگي سے دوري
افکار کے نغمہ ہائے بے صوت
ہيں ذوق عمل کے واسطے موت
ديں مسلک زندگي کي تقويم
ديں سر محمد و براہيم

''دل در سخن محمدي بند
اے پور علي ز بو علي چند

چوں ديدہ راہ بيں نداري
قايد قرشي بہ از بخاري ''
-------------

فارسي اشعار حکيم خاقاني کي 'تحفہ العراقين' سے ہيں

رضی

زمين و آسماں


ممکن ہے کہ تو جس کو سمجھتا ہے بہاراں
اوروں کي نگاہوں ميں وہ موسم ہو خزاں کا

ہے سلسلہ احوال کا ہر لحظہ دگرگوں
اے سالک رہ! فکر نہ کر سود و زياں کا

شايد کہ زميں ہے يہ کسي اور جہاں کي
تو جس کو سمجھتا ہے فلک اپنے جہاں کا

رضی

مسلمان کا زوال


اگرچہ زر بھي جہاں ميں ہے قاضي الحاجات
جو فقر سے ہے ميسر، تو نگري سے نہيں
اگر جواں ہوں مري قوم کے جسور و غيور
قلندري مري کچھ کم سکندري سے نہيں
سبب کچھ اور ہے، تو جس کو خود سمجھتا ہے
زوال بندہ مومن کا بے زري سے نہيں

اگر جہاں ميں مرا جوہر آشکار ہوا
قلندري سے ہوا ہے، تو نگري سے نہي

رضی

علم و عشق


علم نے مجھ سے کہا عشق ہے ديوانہ پن
عشق نے مجھ سے کہا علم ہے تخمين و ظن
بندہ تخمين و ظن! کرم کتابي نہ بن

عشق سراپا حضور، علم سراپا حجاب

عشق کي گرمي سے ہے معرکہء کائنات
علم مقام صفات، عشق تماشائے ذات
عشق سکون و ثبات، عشق حيات و ممات

علم ہے پيدا سوال، عشق ہے پنہاں جواب

عشق کے ہيں معجزات سلطنت و فقر و ديں
عشق کے ادني غلام صاحب تاج و نگيں
عشق مکان و مکيں، عشق زمان و زميں

عشق سراپا يقيں، اور يقيں فتح باب

شرع محبت ميں ہے عشرت منزل حرام
شورش طوفاں حلال، لذت ساحل حرام
عشق پہ بجلي حلال، عشق پہ حاصل حرام

علم ہے ابن الکتاب، عشق ہے ام الکتاب


دیسے اس نظم پر تو الگ سے ایک تھریڈ ھونا چاہیے، جو بھی شروع کرے گا مجھے بتائے اس کے لئے میری طرف سے انعام ھو گا

رضی

اجتہاد


ہند ميں حکمت ديں کوئي کہاں سے سيکھے
نہ کہيں لذت کردار، نہ افکار عميق
حلقہ شوق ميں وہ جرات انديشہ کہاں
آہ محکومي و تقليد و زوال تحقيق
خود بدلتے نہيں، قرآں کو بدل ديتے ہيں
ہوئے کس درجہ فقيہان حرم بے توفيق

ان غلاموں کا يہ مسلک ہے کہ ناقص ہے کتاب
کہ سکھاتي نہيں مومن کو غلامي کے طري

رضی

Iqbal the great : ۔

رضی

ذکر و فکر


يہ ہيں سب ايک ہي سالک کي جستجو کے مقام
وہ جس کي شان ميں آيا ہے 'علم الاسما'

مقام ذکر، کمالات رومي و عطار
مقام فکر، مقالات بوعليسينا

مقام فکر ہے پيمائش زمان و مکاں
مقام ذکر ہے سبحان ربي الاعلي

رضی

شکر و شکايت

ميں بندہ ناداں ہوں، مگر شکر ہے تيرا
رکھتا ہوں نہاں خانہ لاہوت سے پيوند

اک ولولہ تازہ ديا ميں نے دلوں کو
لاہور سے تا خاک بخارا و سمرقند

تاثير ہے يہ ميرے نفس کي کہ خزاں ميں
مرغان سحر خواں مري صحبت ميں ہيں خورسند

ليکن مجھے پيدا کيا اس ديس ميں تو نے
دجس ديس کے بندے ہيں غلامي پہ رضا من

رضی

ملائے حرم


عجب نہيں کہ خدا تک تري رسائي ہو
تري نگہ سے ہے پوشيدہ آدمي کا مقام

تري نماز ميں باقي جلال ہے، نہ جمال
تري اذاں ميں نہيں ہے مري سحر کا پيام

رضی

تقدير


نااہل کو حاصل ہے کبھي قوت و جبروت
ہے خوار زمانے ميں کبھي جوہر ذاتي

شايد کوئي منطق ہو نہاں اس کے عمل ميں
تقدير نہيں تابع منطق نظر آتي

ہاں، ايک حقيقت ہے کہ معلوم ہے سب کو
تاريخ امم جس کو نہيں ہم سے چھپاتي

'ہر لحظہ ہے قوموں کے عمل پر نظر اس کي
براں صفت تيغ دو پيکر نظر اس کي'

رضی

توحيد


زندہ قوت تھي جہاں ميں يہي توحيد کبھي
آج کيا ہے، فقط اک مسئلہء علم کلام

روشن اس ضو سے اگر ظلمت کردار نہ ہو
خود مسلماں سے ہے پوشيدہ مسلماں کا مقام

ميں نے اے مير سپہ! تيري سپہ ديکھي ہے
'قل ھو اللہ، کي شمشير سے خالي ہيں نيام

آہ! اس راز سے واقف ہے نہ ملا، نہ فقيہ
وحدت افکار کي بے وحدت کردار ہے خام

قوم کيا چيز ہے، قوموں کي امامت کيا ہے
اس کو کيا سمجھيں يہ بيچارے دو رکعت کے امام