رضی

يہ غازي ، يہ تيرے پر اسرار بندے
جنھيں تو نے بخشا ہے ذوق خدائي
دو نيم ان کي ٹھوکر سے صحرا و دريا
سمٹ کر پہاڑ ان کي ہيبت سے رائي
دو عالم سے کرتي ہے بيگانہ دل کو
عجب چيز ہے لذت آشنائي
شہادت ہے مطلوب و مقصود مومن
نہ مال غنيمت نہ کشور کشائي
خياباں ميں ہے منتظر لالہ کب سے
قبا چاہيے اس کو خون عرب سے
کيا تو نے صحرا نشينوں کو يکتا
خبر ميں ، نظر ميں ، اذان سحر ميں
طلب جس کي صديوں سے تھي زندگي کو
وہ سوز اس نے پايا انھي کے جگر ميں
کشاد در دل سمجھتے ہيں اس کو
ہلاکت نہيں موت ان کي نظر ميں
دل مرد مومن ميں پھر زندہ کر دے
وہ بجلي کہ تھي نعرہ لاتذر ، ميں
عزائم کو سينوں ميں بيدار کردے
نگاہ مسلماں کو تلوار کردے

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

شمشاد احمد

شہادت ہے‌مطلوب و مقصود مؤمن

اس مصرعے‌پر ايك اعتراض كيا جاتا ہے‌كہ
وہ يہ كہ يہ مصرع درست نہيں ہے۔۔۔‌كيوں كہ شہادت مومن كا مطلوب و مقصود نہيں ہے۔۔۔‌بلكہ اللہ كے‌دين كي سر بلندي مطلوب و مقصود ہے۔۔۔ ہاں اس مقصد كے‌حصول ميں‌اگر جان تك ديني پڑ جائے‌تو مؤمن دريغ نہيں‌كرتا۔۔۔
ميري زندگي كا مقصد تيرے‌دين كي سرفرازي
ميں اسي ليے مسلمان ميں اسي ليے‌نمازي



كيا كہتے ہيں ارباب علم و دانش اس بارے ميں؟؟؟؟

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

مرزا عامر

حیدر Rehan

اگرچہ پوچھا تو اپ نے ارباب علم و دانش سے ہی ہے لیکن اگر اپ اجازت دیں تو میں کچھ کہوں؟
چونکہ اپ نے لفظ شہادت پر اعتراض کیا ہے اس لیے پہلے یہ بھی سمجھ لیں کہ
ارباب جمع ہے جس کی واحد ہے ’رب‘ ۔۔۔۔۔۔۔اور ہم میں یعنی پاک ڈاٹ نیٹ پر کوئی ربِ علم و دانش کسی طور پر موجود نہی ہو سکتا چاجائکہ اپ ایک رب نہی بلکہ کئی رب یعنی ارباب ڈھونڈ رہے ہیں۔۔۔ جو لوگ اس لفظ کو جانتے ہیں وہ ہی اس کا استعمال کرتے ہیں اور اس کی تمام احتیاط بھی کرتے ہونگے ورنہ استعمال ہی نہی کریں گئے۔
عجیب بات ہے کہ انسانی زہن کے کمال کی انتہا یہاں تک پہچ گئی کہ ہر کس و ناکس کو رب سمجھنے لگا ہے وہ بھی علم جیسی خلق کا یہی لفظ اگر میں کہیں استعال کروں تو ایک قیامت مچ جائے ۔ ۔ ۔لیکن لوگوں نے یہ طے کرلیا ہے کہ اپنا چاہے شربت کے نام پر زہر بانٹتا پھرے کوئی بات نہی بس اپنا ہونا چاہیے۔


اپ کے اس اعتراض پر اعتراض ہے کیونکہ
لفظ شہادت کو سمجھے بغیر یہ ممکن نہی ہے کہ کوئی انگلی اٹھائے اور کہہ دے ۔

لفظ ’شہادت‘ قران پاک میں جن معنوں میں استعمال ہوا ہے وہاں ساتھ ساتھ احادیث میں زیادہ تر دوسرے انداز سے مختلف معنوں میں استعمال ہوا ہے۔

قران میں لفظ شہادت زیادہ تر یا یہ کہیں کہ تمام تر جگہ پر گواہی کے لیے استعمال ہوا ہے
اور احادیث میں لفظ شہادت کا مطلب جہاد میں قتل ہوجانا زیادہ استعمال ہوا ہے

اگر
اس شعر میں شہادت سے مراد گواہی لی جائے تو وہ اعتراض جو اپکو ہے وہ نہی رہے گا۔
کیونکہ اصل مطلوب و مقصود مؤمن اللہ کی گواہی یعنی شہادت دینا ہی ہے۔

شمشاد احمد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔

سیپ

السلام علیکم ورحمتہ اللہ و برکاتہ
اچھی شئرنگ ہے
شکریہ