Kamran_Tabasum

ایک سروے کے مطابق ایک فرانسیسی رسالے نے دو کریموں کے بارے میں اشتہار شائع کیا ہے جس کے بیرونی استعمال سے دو سینٹیمیٹر تک رانوں کا موٹاپا کم کیا جا سکتا ہے۔
لیکن شمالی مڈل سیکس ہسپتال کے ماہرِ امراضِ جلد، ڈاکٹر نک مین کا کہنا ہےکہ یہ خبر انتہائی مشکوک ہے۔

ڈاکٹر مین نے بی بی سی نیوز آن لائن کو مزید بتایا کہ ’اس بات کو تصور کرنا بہت ہی مشکل کام ہے کہ یہ کریم صرف بیرونی استعمال سے کس طرح اچھے نتائج کا دعویٰ کر سکتی ہے‘۔

انھوں نے مزید کہا کہ ’یہ بلکل نا ممکن سی بات ہے اور میں اس بات کو سمجھنے سے بلکل قاصر ہوں کہ یہ کریم جِلد کے علاوہ رانوں کے اندرونی ریشوں پر کس طرح اثر انداز ہو سکتی ہے‘۔

یہ تحقیق فرانسیسی رسالے نے تقریباً دو سو بیس خواتین پر کی۔ دس خواتین کے گروہ پر مشتمل گروہ نے مخلتف قسم کی کریمیں استعمال کیں جبکہ باقی بیس خواتین نے تحقیقی کریم استعمال کی۔

اس کے علاوہ خواتین کو ہدایت دی گئیں کہ اِن دو کریموں جن میں ایل اوریل پرفیکٹ سلم L’ Oreal’s PerfectSlim اور ایلنسلڑ کرونو Elancyl’s Chrono-Actif ایکٹف شامل ہیں، دن میں دو بار اپنی رانوں پر ملیں اور یہ سلسلہ دو ہفتے تک جاری رکھیں۔

تاہم اِن ہدایات میں خواتین کو کسی قسم کے غذائی پرہیز یا کسی دوسری قسم کی احتیاطی تدابیر نہیں دی گئیں تھیں۔

پچھلی کسی تحقیق نے اس کریم کے مقابلے میں موثر نتائج فراہم نہیں کیے ہیں۔

اس شمارے کے ایڈیٹر میری جینن ہوسٹ کا کہنا ہے کہ ہم لوگوں کو حیران کر دیں گے جب لوگ خود ہی ہمیں اچھے نتائج سے آگاہ کریں گے۔

اس تحقیق وجہ سے پیرس کے ایک ڈیپارٹمینٹل اسٹور کی زبردست بکری ہوئی ہے اور یہ کریمیں اسٹاک میں کمی کا شکار ہیں۔

لیکن اگر یہ تمام دعوے طبی ماہرین کی طرف سے صحیح ثابت ہو جاتے ہیں تو صنعت کو بھاری نقصان کا اندیشہ ہے۔

مس ہوسٹ کا کہنا ہے کہ اِن کریموں کو دواؤں کے طور پر استعمال نہیں کیا جا سکتا ہے کیونکہ اس میں شامل اجزاء کا ذکر نہیں ہے۔

true_pakistani

mufeed maloomat ka shukria i hope ainda bhi maloomat daity rahain gai

Kamran_Tabasum

je insha Allah jo maloomat mere pass hoon gi i will share duaoon main yaad rukhye ga