سیپ

السلام علیکم ورحمتہ اللہ و برکاتہ
طبی ماہرین نے مشورہ دیا ہے کہ جاڑے کے موسم میں ہونے والے فلو وغیرہ کی شکایات سے بچنے کے لئے حیاتین ڈی (Vitamin D) کا استعمال بہت مفید ہوتا ہے۔ حالیہ تحقیق سے ثابت ہوا ہے کہ اگر جسم میں حیاتین ڈی کی مقدار کم ہوجاتی ہے تو اس سے ذیابطیس ، ذہنی پستی ، دمہ کے علاوہ کینسر جیسی بیماریاں لا حق ہو سکتی ہیں۔ ان ماہرین نے واضع کیا ہے کہ جسم پر جب دھوپ کی کرنیں پڑتی ہیں تو اس سے خون میں حیاتین ڈی شامل ہونے لگتا ہے۔ اس حیاتین کی خوبی یہ ہے کہ یہ جسم کے مدافعتی نظام کو طاقتور بناتا رہتا ہے۔ اس لئے کوشش کی جائے کہ خاص طور پر اس موسم میں حیاتین ڈی رکھنے والی غذائیں کھائی جائیں اور دن میں خصوصاً صبح کے وقت سورج کی روشنی کی کرنوں کو جسم پر پڑنے دیا جائے۔

__________________

محمدعدنان

بہت اچھی شئیرنگ ہے
شکریہ

مرزا عامر

چونکہ سردیوں میں سورج بہت کم نکلتا ہے خصوصاً شمالی یورپ میں تو اس طرح قدرتی وٹامن ڈی کا ذریعہ تقریباً منقطع ہو جاتا ہے ۔ اس لیئے شمالی یورپ میں بچوں کو وٹا من ڈی کی گولیاں کھلائی جاتی ہیں تاکہ ان کے جسم میں کیلشیم صحیح طور پر جذب ہو سکے اور ان کی نشونما میں فرق نہ آئے ۔ یاد رہے کہ وٹامن ڈی کی کمی کے باعث کیلشم ہڈیوں میں جذب نہیں ہوتا ۔

__________________

میں اک دن لَوٹ کے آوں گا