سیپ

السلام علیکم ورحمتہ اللہ و برکاتہ
جریدے سائنس ڈیلی میں شائع ہونے والی ایک ریسرچ رپورٹ میں کہا گیا ہے کہ ماہرین کا اندازہ ہے کہ دنیا بھر میں دو کروڑ 40 لاکھ افراد دماغی انحطاط کے مرض میں مبتلا ہیں جن میں سے اکثر کا تعلق ان ملکوں سے ہے جن کاشمار نچلے یا درمیانے درجے کی آمدنی والے ممالک میں کیا جاتا ہے۔ حال ہی میں ماہرین کی توجہ اس پر مرکوز ہورہی ہے کہ آیا خوراک میں اومیگا تھری کی زیادہ مقدار رکھنے والی مچھلی اور گوشت شامل کرنے سے ذہنی انحطاط کے مرض کے پیدا ہونے یا اس کی شدت پر کوئی اثر پڑسکتا ہے۔
کچھ سابقہ جائزوں سے یہ ظاہرہوا تھا کہ خوراک میں چربیلی مچھلیوں کے شامل ہونے اور بڑھاپے میں ذہنی کارکردگی کے درمیان مثبت تعلق موجود ہے۔
اس کے برعکس کچھ جائزوں سے یہ بھی ظاہر ہوا ہے کہ خوراک میں گوشت کی زیادہ مقدار ، ذہنی کارکردگی کے انحطاط سے منسلک ہوسکتی ہے۔
اس بات کا جائزہ لینے کے لیے بین الاقوامی ماہرین کے ایک گروپ نے کم اور متوسط آمدنی رکھنے والے سات ملکوں کے نسبتاً عمررسیدہ افراد پر تحقیق کی۔
چین ، بھارت ، کیوبا ، ڈومینیکن ری پبلک، وینزویلا، میکسیکو اور پرو کے 65 سال یا اس سے زیادہ عمر کے14960 افراد پر کی جانے والی اس ریسرچ میں ان کے انٹرویوز کی مدد سے ان کی کھانے پینے کی عادات اور ان میں ذہنی انحطاط کا جائزہ لیا گیا۔
جائزے میں شامل ہر ملک میں ، ماسوائے بھارت، مچھلی کھانے اور ذہنی انحطاط کی موجودگی کے درمیان منفی تعلق ظاہر ہوا، یعنی مچھلی کھانے والے افراد میں ذہنی انحطاط کا مرض نسبتاً کم تھا۔اس سے پہلے ترقی یافتہ ملکوں میں کیے جانے والے جائزوں سے یہ معلوم ہوا تھا کہ خوراک میں مچھلی کی مقدار میں اضافہ بڑھاپے میں ذہنی انحطاط کے مرض میں کمی سے منسلک ہے، یعنی جن لوگوں کی خوراک میں مچھلی کی مقدار زیادہ رہی تھی ، ان میں بڑھاپے میں ذہنی انحطاط کی شدت نسبتاً کم تھی۔
تاہم ماہرین کا کہنا ہے کہ خوراک میں گوشت کے استعمال اور ذہنی انحطا ط کے مرض کے پیدا ہونے کے درمیان تعلق کی نوعیت ابھی تک واضح نہیں ہے اور اس پر مزید تحقیق کی ضرورت ہے

__________________

مون

شیرنگ کا شکریہ ۔۔۔۔۔۔۔۔۔۔۔۔۔۔