سیپ

السلام علیکم ورحمتہ اللہ وبرکاتہ



جدید طبی تحقیق کے مطابق نیند کے دوران خراٹے لینے کا عمل متعدد بیماریوں کی پیشگی علامت ہوتی ہے۔ خراٹے لینے والے خواتین وحضرات کو مکمل طبی معائینہ کرانا چاہئے۔ امریکن میڈیکل ایسوسی ایشن کے اجلاس میں پیش کی جانے والی اس تحقیق میں خراٹے لینے والے 18 ہزار سے زائد افراد میں مختلف بیماریوں اور قوت مدافعت کو دیکھا گیا تھا۔ رپورٹ کے مطابق نیند میں خراٹے لینے والے افراد کو معدے، پھیپھڑوں ، گلے اورسانس کے امراض کا شدید خطرہ لاحق رہتا ہے اور ان کی نیند بھی پر سکون نہیں ہوتی۔ اس صورتحال کے دوران اگر قبل از وقت طبی اور احتیاطی تدابیر اختیار کر لی جائیں تو بیماریوں کے جال میں پھنسنے کی نوبت سے بچا جا سکتا ہے۔ ماہرین کے مطابق خراٹے لینے کی 12 سے زیادہ مختلف وجوہات ہوتی ہیں اور یہ تمام وجوہات کسی بھی انبار ملٹی سے پیدا ہوتی ہیں

__________________

عروج

ھائیں۔ خراٹے اس قدر خطرناک ھیں۔

عبداللہ آدم

بالکل ٹیک ہے،،،،،،،،،،،،،،،میں خود انہی چیزوں سے دوچار رہتا ہوں/

زارا

السلام علیکم

میں نے تو سنا تھاتھکاوٹ کے باعث خراٹے آتے ہیں ذیادہ۔

مرزا عامر

عمر کے بڑھنے کے ساتھ ساتھ جسم میں مختلف تبدیلیاں رو نما ہوتی ہیں ۔ بڑھتی عمر کے ساتھ ساتھ سانس کی نالی میں ڈھیلا پن شروع ہو جاتا ہے ۔ جن لوگوں کی سانس کی نالی میں ڈھیلا پن زیادہ ہوتا ہے تو سونے کے دوران سانس کی نالی پھول جاتی ہے جس کی وجہ اس کی جگہ تنگ ہو جاتی ہے اور پھیپھڑوں میں ہوا داخل ہوتے وقت آواز پیدا ہوتی ہے۔
اگر سونے سے قبل گرم پانی اور نمک کے غرارے کر لیئے جائیں اور نمک کے پانی کے چند قطرے ناک میں ٹپکا لیئے جائیں تو اس سے گلے کی طرف سانس کی نالی کم پھولتی ہے اور خراٹوں میں کمی واقع ہو جاتی ہے۔ اس کے علاوہ اگر ناک میں چند قطرے زیتون کے تیل کے بھی ڈال لیئے جائیں تو کافی فائدہ ہوتا ہے ۔ خراٹوں کا مسئلہ خواتین کے مقابلے میں مردوں میں کہیں زیادہ ہوتا ہے ۔

__________________

میں اک دن لَوٹ کے آوں گا

عروج

برداشت بھی تو خواتین کو کرنے پڑتے ھیں

حیدر

میرا ایک بھائی بھی خوب زور و شور سے خراٹے لیتا ہے۔ ایک چچا ہیں ان کو بھی اسی قسم کی عادت ہے۔ جب یہ دونوں چھڑے چھانٹ تھے، تو ایک مرتبہ ان کے ساتھ سونے کا اتفاق ہوا۔ رات کو گپیں لگاتے رہے ، ایک طرف چچا تھے اوردوسرے طرف بھائی، درمیان میں ، میں لحاف میں گھس کر خاندان کے مزے لے رہا تھا۔ خیر پھر ہم لوگ سو گئے۔ کسی وجہ سے رات کو میری آنکھ کھل گئی۔ اب دوبارہ نیند نہ آئے ۔ ایک طرف سے بھائی کی صدا آئے " خڑااں خڑاں خڑااااااں ں ں" ۔ وہ خاموش ہو تو چچا کی بانگیں شروع ہو جائیں " خاؤں خاؤں خڑاں خڑاں خڑاںں ں ں"
اب بدر صاحب کبھی تکیہ سر کے اوپر دیں ، تو کبھی کوئی طریقہ اپنائیں ۔ لیکن خوفناک خراٹوں کی وجہ سے نیند راہ فرار اختیار کر چُکی تھی۔
آخر میرے ذہن میں ایک ترکیب آئی۔ سب سے پہلے میں نے بھائی کو ہلایا اور گھبرائی ہوئی آواز میں کہا 'چوہا چوہا"۔ بھائی ہڑبڑا کر اُٹھا "کدھر ہے؟" میں نے معصومیت سے کہا ابھی تو ادھر تھا۔اوہ شاید مجھے وہم ہوا۔ سو جاؤ" ۔ اُدھر سے نجات ملی تو اب باقی چچا سے نبٹنا رہ گیا تھا۔ میں نے گھما کر کہنی چچا کی پسلیوں میں دے ماری۔ چچا "غاؤں غاؤں کرتے ہوئے بولے۔۔۔ کیوں مار رہے ہو " میں نے معذرت خواہانہ اندا ز میں کہا کہ خواب میں جوڈو کراٹے کھیل رہا تھا۔ تو ہاتھ چل گیا ۔۔آپ سو جائیں"
وہ بھی منہ پھیر کر سو گئے۔ اور مجھے بھی افاقہ ہوا۔

تب مجھے احساس ہوا کہ ان کی بیگمات کتنی مشکل کا شکار ہوں گی،
جب بھائی کی شادی ہو گئی تو میں نے اسی سیاق و سباق میں بھابھی سے حال احوال لیا اور ہمدردی جتائی۔۔۔تو انہوں نے شوہر پرست ہونے کا ثبوت دینے کی کوشش کی اور کہا کہ "نہیں خراٹے لینے سے انسان کی طبعیت ٹھیک رہتی ہے"
مجھے انکی شوہر پرستی ایک آنکھ نہ بھائی اور تُرت جواب دیا " ہاں بھابھی، خراٹے لینے والے کی اپنی طبعیت تو ٹھیک ہوتی ہی ہو گی، لیکن سب کو وہ بیمار کر دیتا ہو گا خراٹے لے لے کر"

اب احساس ہوتا ہے کہ پرانے زمانے کی بیبیاں ہر وقت سر پر دوپٹہ باندھے سر درد کی شکایت کیوں کرتی رہتی ہو ں گی۔ انکو بھی خراٹے دار شوہر نصیب ہوتے ہوں گے

mama_shalla

حيدر ، بپتا كيا سنائى ہے، ادب لطيف كا شہ پاره تحرير كيا ہے، يوسفى اور پطرس كى تحريريں ياد دلا ديں-

حیدر

ہائیں ہائیں ہائیں۔ ۔ ۔ ۔ میری تحریر کی تعریف۔
وہ بھی اتنے سال بعد۔
مجھے لگتا ہے آپ کا بلیک بیری آپ کو کسی اور کی تحریر پڑھوا دیتا ہے

mama_shalla

............................

- - موج كرو

منتظمین

سرورق کے لیے اپلائی کریں۔

مرزا عامر

اگر آپ کسی ایسے شخص کے ساتھ سو رہے ہیں جو کہ خراٹے لے رہا ہے اور اس کی وجہ سے آپ کو نیند نہیں آ رہی تو خراٹے لینے والے شخص کو جگانے کی ضرورت نہیں بلکہ ہلکا سا ہاتھ اس کے ہاتھ پر رکھ دیں یا اس کے ہاتھ کو معمولی سی حرکت دیں ۔ اس طرح خراٹے لینے والا شخص نیند سے بیدار بھی نہیں ہوگا اور اس کے خراٹے بھی بند ہو جائیں گے ۔
یہ آزمودہ ہے ۔ میری بیگم کا ۔

سیپ

السلام علیکم ورحمتہ اللہ و برکاتہ

شکریہ