سیپ

السلام علیکم ورحمتہ اللہ و بر کاتہ

سائنس دانوں نے کہا ہے کہ انہوں نے خلیوں میں پائی جانے والی اس خامی کا پتہ لگا لیا ہے جس کی وجہ سے لوگوں میں نیند میں چلنے کی شکایت پائی جاتی ہے۔ ماہرین نے ایک ایسے خاندان کی چار نسلوں پر تحقیق کی جن کو نیند میں چلنے کی شکایت تھی، جس کے بعد وہ پتہ چلانے میں کامیاب ہوئے کہ یہ شکایت کروموسم 20 میں پائی جانے والی خامی کی وجہ سے ہوتی ہے۔ ماہرین نے جنرل نیورولوجی کو بتایا ہے کہ ڈی این اے میں ناقص خلیے کی صرف ایک کاپی کا پایا جانا بھی نیند میں چلنے کی شکایت پیدا کرنے کے لیے کافی ہے۔ ان کا کہنا ہے کہ اب وہ اس مذکورہ کروموسم میں پائے جانی والی بیماری کا نیاعلاج تلاش کریں گے جس سے تقریبا دس فیصد بچے اور چار فیصد بالغ متاثر ہوتے ہیں۔ ایک جینم کی زبردست چھان بین سے پتہ چلا کہ یہ مسئلہ ایک جینیٹک کوڈ کی وجہ سے پیدا ہوتا ہے جو کروموسم 20 میں رہتا ہے اور یہ جینیٹک کوڈ نسل در نسل منتقل ہوتا رہتا ہے۔ جس کے پاس یہ کوڈ ہے اس کے اسے اپنے بچوں میں منتقل کرنے کے پچاس فیصد امکان ہے۔ اور جس شخص کو یہ ناکارہ ڈی این اے وراثت میں ملے تو اس میں نیند میں چلنے کی شکایت پائی جائیگی۔واشنگٹن یونیورسٹی میں ڈاکٹر کرسٹینا گرینٹ نے اس کے مطالعے کے لیے ایک بڑے خاندان کا انتخاب کیا تھا۔ اس خاندان میں چار نسلوں سے یہ شکایت پائی جاتی ہے۔اس خاندان کی ایک بارہ سالہ بچی میں خاص طور پر نیند میں چلنے کی شکایت تھی جس سے وہ اکثر رات میں گھر سے باہر گھومنے نکل جاتی تھی۔ گزشتہ چار نسلوں کے بائیس افراد میں سے نو افراد میں یہ شکایت پائی جاتی ہے۔ڈاکٹر گرینٹ کا کہنا ہے امکان یہ ہے کہ اس میں بہت سے جینز ملوث ہوں گے۔ ہم نے جو پتہ کیا ہے وہ یہ کہ نیند میں چلنے کے لیے ذمہ دار پہلا جینیٹک کس جگہ ہے۔ ہمیں ابھی یہ نہیں معلوم ہے کہ کرو موسم میں پائے جانے والے جینز میں سے کونسا اس کے لیے ذمہ دار ہے۔ جب تک ہمیں اس جین کا پتہ نہیں چلتا تب تک ہمیں ان خاندانوں یا خاندان کے بہت سے لوگوں کے متعلق معلوم نہیں ہوگا جو نیند میں چلنے کی شکایت سے دوچار ہیں۔ لیکن ان جینز کی دریافت شناخت اور علاج میں مدد گار ثابت ہوسکتے ہیں۔

__________________

ھارون اعظم

کبھی مجھے بھی نیند میں‌ چلنے کی بیماری تھی۔

مون

یہاں‌ تو نیند ہی نہیں آتی ۔ نیند مین چلنا تو دور کی بات ہے ۔۔۔۔۔۔۔۔۔۔

عروج

ھائیں۔۔۔۔۔۔۔۔۔۔۔۔۔۔۔۔۔