ہم نے تنہائی سے پوچھا کہ ملو گی کب تک
اس نے بے چینی سے فوراً ہی کہا شام کے بعد
میں اگر خوش بھی ہوں پھر بھی مرے سینے میں
سوگواری کوئی روتی ہے سدا شام کے بعد

http://voobuzz.com

it's the place where you can talk about things you find interesting, Share updates, photos, videos, and more.

اک خطا ہم ازرہِ سادہ دلی کرتے رہے
ہر تبسم پر قیاسِ دوستی کرتے رہے

ایسے لوگوں سے بھی ہم ملتے رہے دل کھول کر
جو وفا کے نام پہ سوداگری کرتے رہے

خود اندھیروں میں بسر کرتے رہے ہم زندگی
دوسروں کے گھر میں لیکن روشنی کرتے رہے

اپنے ہاتھوں آرزوؤں کا گلا گھونٹا کئے
زندہ رہنے کے لیے ہم خود کشی کرتے رہے

اس طرح اقبال گزری ہے ہماری زندگی
زہرِ غم پیتے رہے اور شاعری کرتے رہے

(پروفیسر اقبال عظیم)

خوشبو بتا رہی ہے کہ وہ راستے میں ہے
موج ہوا کے ہاتھ میں اس کا سراغ ہے

دل پہ ایک طرفہ قیامت کرنا
مسکراتے ہوئے رخصت کرنا
اچھی آنکھیں جو ملی ہیں اس کو
کچھ تو لازم ہوا وحشت کرنا
جرم کس کا تھا سزا کس کو ملی
اب کسی سے نہ محبت کرنا
گھر کا دروازہ کھلا رکھا ہے
وقت مل جائے تو زحمت کرنا

اس کی ہتھیلی پر میرے آنسو
کتنے اچھے لگتے ہیں
جیسے صبح سویرے
کنول پنکھڑیاں
شبنم سے جگمگ کرتی ہوں
موتی جیسی شبنم
پھولوں کی آنکھوں میں جا کر ہیرے کی کنی بن جاتی ہے
قطرہ قطرہ دل کٹتا ہے
خوشبو دھیرے دھیرے تن میں پھیلتی ہے
شبنم پھول کے رنگ میں آخر رنگ جاتی ہے
ننھے چراغوں کی لوبڑھتی ہے تو
اس کا چہرہ پہلے سے بڑھ کر روشن لگنے لگتا ہے
اس کی آنکھوں میں میرے آنسو
کتنے اچھے لگتے ہیں۔

کل رات کے پچھلے پہر
مجھے اِک سپنا آیا
اُس سپنے میں تجھ کو اپنا پایا
مگر۔۔۔!
صبح ہوتے ہی
وہ سپنا ٹوٹ گیا
بکھر گیا۔۔۔۔
اور اُس کی کرچیاں
میری روح میں پیوست ہو گئیں
سو میں نے اب سوچا ہے
کہ اب شب بھر جاگوں گا
تا کہ نہ تیرے خواب آئیں
نہ میری آنکھوں میں سمائیں
اور نہ میری روح کرچی کرچی ہو

اَنا کی جنگ میں ہم جیت تو گئے لیکن
پھر اُس کے بعد بہت دیر تک نڈھال رہے

زلف گرہ گیر جب جھٹکی اس نے
بدل گیا زمانہ زلف کے لہرانے تک

وہ تو کچھ ہو ہی گئی تم سے محبت ورنہ
ہم تو وہ خود سر ہیں کہ اپنی بھی تمنا نہ کریں

شبیر کربلا کی حکومت کا تاجدار
کامل امام، دوشِ نبوت کا شہ سوار
ہے جس کی ٹھوکروں میں خدائی کا اقتدار
جس کے گداگروں میں دنیا کے تاجدار

“پہلے پہل کا عشق یاد ہے فراز“
بہت مار پڑی تھی اسکے بھائی جان سے


اسنے حُسن کا پہلے “سجا“ مارا پھر “کھبہ“
“پھر اسکے بعد چراغوں میں روشنی نہ رہی“

ترا جمال نگاہوں میں لے کے اٹھا ہوں
نکھر گئی ہے فضا تیرے پیرہن کی سی
نسیم تیرے شبستاں سےہو کے آئی ہے
مری سحر میںمہک ہے تیرے بن کی سی

کئی بار اس کا دامن بھر دیا جس دو عالم سے
مگر دل ہےکہ اس کی خانہ ویرانی نہیں جاتی
کئی بار اس کی خاطر ذرے ذرے کا جگر چیرا
مگر یہ چشم حیراں جس کی حیرانی نہیں جاتی
نہیں‌جاتی متاع لعل و گوہر کی گراں یابی
متاع غیرت و ایماں کی ارزانی نہیں‌جاتی
مری چشم تن آساں کو بصیرت مل گئی جب سے
بہت جانی ہوئی صورت بھی پہچانی نہیں جاتی
سرخسرو سے ناز کج کلاہی چھن بھی جاتا ہے
کلاہ خسروی سے بوئے سلطانی نہیں جاتی
بجز دیوانگی داں اور چارہ ہی کہو کیا ہے
جہاں عقل و خرد کی ایک بھی مانی نہیں جاتی

دونوں جہاں تیری محبت میں ہار کے
وہ جا رہا ہے کوئی شب غم گزار کے
ویراں ہےمیکدہ خم و ساغر اداس ہیں
تم کیا گئے کہ روٹھ گئے دن بہار کے
ایک فرصت گناہ ملی ، وہ بھی چار دن
دیکھے ہیں ہم نے حوصلے پروردگار کے
دنیا نے تیری یاد سے بیگانہ کر دیا
تجھ سے بھی دلفریب ہیں غم روزگار کے
بھولے سے مسکرا تو دیے تھے وہ آج فیض
مت پوچھ ولولے دل ناکردہ کار کے

چنگا شاہ بنایا ای رب سائیاں
پولے کھاندیاں وار نہ آوندی اے
مینوں شاہی نئیں چاہیدی رب میرے
میں تےعزت دا ٹکر منگناں ہاں
مینوں تاہنگ نئیں ، محلاں ماڑیاں دی
میںتے جیویں دی نکر منگناں ہاں
میری منیں تے تیریاں میں مناں
تیری سونہہ جے اک وی گل موڑآں
جےایہ مانگ نئیں پجدی تیں ربا
فیر میںجاواں تے رب کوئی ہور لوڑاں