عبداللہ آدم

آتش ہو ، اور معرکہء خیر و شر نہ ہو
پروانگی عبث ہے جو رقصِ شرر نہ ہو

یہ کارِ عشق بھی ہے عجب کارِ ناتمام
سمجھیں کہ ہو رہا ہے مگر عمر بھر نہ ہو

اک لمحہ کمال کہ صدیوں پہ پھیل جائے
اک لحظہِ وصال مگر مختصر نہ ہو

اک دشت۔بے دلی میں لہو بولنے لگے
ایسے میں ایک خواب کہ تو ہو مگر نہ ہو

چہرے پہ سائے میں بھی خراشیں دکھائی دیں
آئینہِ حیات پہ اتنی نظر نہ ہو

اک آستاں کہ جس پہ ابد تک پڑے رہیں
اک گلستاں کہ جس میں صبا کا گذر نہ ہو

مٹی تغارچوں میں پڑی سوکھتی رہے
پیکر تراشنے کے لئے کوزہ گر نہ ہو

اک یاد ۔ خوش جمال جواز حیات ہے
اک محور خیال ہے یہ بھی اگر نہ ہو

اک لفظ جس کی لَو میں دمکتا رہے دماغ
اک شعر جس کی گونج کہیں پیشتر نہ ہو

اک بات کی چڑھائی کہ دَم ٹوٹنے لگیں
کہنے کا شوق ہو مگر اتنا ہنر نہ ہو

ایسا بھی کیا کہ یاد لہو میں گھلی رہے
ایسا بھی کیا کہ عمر۔گذشتہ بسر نہ ہو

یوں خط ۔ ہجر کھینچئے اپنے اور اس کے بیچ
دونوں طرف کی سانس ادھر سے ادھر نہ ہو

دونوں طرف کا شور برابر سنائی دے
دونوں طرف کسی کو کسی کی خبر نہ ہو

اک شام جس میں دل کا سبوچہ بھرا رہے
اک نام جس میں درد تو ہو، اس قدر نہ ہو

شام آئے اور گھر کے لئے دل مچل اٹھے
شام آئے اور دل کے لئے کوئی گھر نہ ہو

اختر عثمان

منقول

عبداللہ آدم

.................................................. ...

زارا

السلامُ علیکم!!

دونوں طرف کا شور برابر سنائی دے
دونوں طرف کسی کو کسی کی خبر نہ ہو

بہت خوب عبداللہ بھائی۔

__________________

Miss Khan

بہت خوبصورت انتخاب ہے۔۔۔۔۔۔۔۔دو تین اشعار تو بہت ہی پسند آئے

حیدر Rehan

بہت خوب شاعری ہے ۔۔۔۔۔۔۔۔۔۔۔۔۔
شیرنگ کا شکریہ

skjatala

واہ!
کیا ذوق پایا ہے۔
نفیس و لاجواب انتخاب ہے آپ کا۔
پتہ نہیں کب شرف ملاقات حاصل ہوگا۔

حیدر

اے بندہ ای فراڈی اے۔ میں تے ایویں ای اینوں بیبا بندہ سمجھدا سی

عبداللہ آدم

میں نے اسی دن فون کیا تھا. . . چچا جی خود تیار نہیں ہیں پاویں پوچھ لو اور مجھ پر چڑھائی نہ کرو. . . ہنہ

راجہ اکرام

حسن انتخاب قابل تحسین ہے

راجہ اکرام

اب تو ملاقات ہو چکی

محمدعدنان

بہت خوبصورت شیئرنگ ہے ۔۔۔۔۔۔۔۔۔