آنکھوں سے دور ہو گیا جو جھوٹ بول کے
میں راہ دیکھتی رہی دروازہ کھول کے

اب سوچتی ہوں میں کہ یہی میری بھول تھی
دیکھا نہیں جو اس کو ترازو میں تول کے

وہ جلد باز اس طرح واپس ہوا کہ ہم
مفہوم بھی سمجھ نہ سکے میل جول کے

اس بےوفا کے واسطے خود کو کروں تباہ
پاگل تو میں نہیں کہ پیوں زہر گھول کے

چاروں طرف ہے ایک اندھیرا سا اے انا
اس کے بغیر لگتے ہیں دن تارکول کے

دھواں بنا کے فضا میں اُڑا دیا مجھ کو
میں جل رہا تھا کسی نے بجھا دیا مجھ کو

کھڑا ہوں آج بھی روٹی کے چار حرف لیے
سوال یہ ہے کتابوں نے کیا دیا مجھ کو؟

سفید سنگ کی چادر لپیٹ کر مجھ پر
فصیلِ شہر میں کس نے لگا دیا مجھ کو؟

میں ایک ذرہ بلندی کو چھونے نکلا تھا
ہوا نے دھم سے زمیں پر گِرا دیا مجھ کو

اصل مراسلہ منجانب : ام غزل کیا خوبصورت غزل ہے۔۔۔۔

اصل مراسلہ منجانب : Razi چڑھتے سورج کے پجاری تو ہزاروں ہیں فراز ڈوبتے وقت ہم نے سورج کو بھی تنہا دیکھا

اصل مراسلہ منجانب : rajaikram اگر پوری غزل عنایت ہو جائے تو کمال ہو جائے

میں آئینہ ہوں وہ میرا خیال رکھتی تھی
میں ٹوٹتا تھا تو چُن کر سنبھال رکھتی تھی

ہر ایک مسئلے کا حل نکال رکھتی تھی
ذہین تھی مجھے حیرت میں ڈال رکھتی تھی

میں جب بھی ترکِ تعلق کی بات کرتا تھا
وہ روکتی تھی مجھے کل پہ ٹال رکھتی تھی

وہ میرے درد کو چُنتی تھی اپنی پوروں سے
وہ میرے واسطے خُود کا نِڈھال رکھتی تھی

وہ ڈوبنے نہیں دیتی تھی دُکھ کے دریا میں
میرے وجود کی ناؤ اُچھال رکھتی تھی

دُعائیں اُس کی بَلاؤں کو روک لیتی تھیں
وہ میرے چار سُو ہاتھوں کی ڈھال رکھتی تھی

اِک ایسی دُھن کہ نہیں پھر کبھی سُنی میں نے
وہ مُنفرد سا ہنسی میں کمال رکھتی تھی

اُسے ندامتیں میری کہاں گوارہ تھیں
وہ میرے واسطے آساں سوال رکھتی تھی

بچھڑ کے اُس سے میں دُنیا کی ٹھوکروں میں ہوں
وہ پاس تھی تو مجھے لازاوال رکھتی تھی

وہ مُنتظر مِری رہتی تھی دھوپ میں شاہد
میں لوٹتا تھا تو چھاؤں نکال رکھتی تھی

پریشاں رات ساری ہے، ستارو تم تو سو جاؤ
سکوتِ مرگ طاری ہے، ستارو تم تو سو جاؤ

ہنسو اور ہنستے ہنستے ڈوبتے جاؤ خلاؤں میں
ہمی پر رات بھاری ہے، ستارو تم تو سو جاؤ

ہمیں تو آج کی شب پو پھٹے تک جاگنا ہوگا
یہی قسمت ہماری ہے، ستارو تم تو سو جاؤ

تمہیں کیا! ہم اگر لُوٹے گئے راہِ محبت میں
یہ بازی ہم نے ہاری ہے، ستارو تم تو سو جاؤ

کہے جاتے ہو رو رو کر ہمارا حال دنیا سے
یہ کیسی رازداری ہے، ستارو تم تو سو جاؤ

ہمیں بھی نیند آجائے گی، ہم بھی سو ہی جائیں گے
ابھی کچھ بے قراری ہے، ستارو تم تو سو جاؤ

تعلق توڑتا ہوں تو مکمل توڑ دیتا ہوں
جسے میں چھوڑ دیتا ہوں مکمل چھوڑ دیتا ہوں

محبت ہو کہ نفرت ہو بھرا رہتا ہوں شدت سے
جدھر سے آئے یہ دریا ادھر ہی موڑ دیتا ہوں

یقیں رکھتا نہیں ہوں میں کسی کچے تعلق پر
جو دھاگہ ٹوٹنےوالاہو اس کو توڑ دیتا ہوں

مرے دیکھے ہوئے سپنے کہیں لہریں نہ لے جائیں
گھروندے ریت کے تعمیر کرکے پھوڑ دیتا ہوں

عدیم اب تک وہی بچپن وہی تخریب کاری ھے
قفس کو توڑ دیتا ہوں پرندے چھوڑ دیتا ہوں

اصل مراسلہ منجانب : rajaikram ایک بہت ہی خوبصورت غزل آپ سب کے نام میں آئینہ ہوں وہ میرا خیال رکھتی تھی میں ٹوٹتا تھا تو چُن کر سنبھال رکھتی تھی ہر ایک مسئلے کا حل نکال رکھتی تھی ذہین تھی مجھے حیرت میں ڈال رکھتی تھی میں جب بھی ترکِ تعلق کی بات کرتا تھا وہ روکتی تھی مجھے کل پہ ٹال رکھتی تھی وہ میرے درد کو چُنتی تھی اپنی پوروں سے وہ میرے واسطے خُود کا نِڈھال رکھتی تھی وہ ڈوبنے نہیں دیتی تھی دُکھ کے دریا میں میرے وجود کی ناؤ اُچھال رکھتی تھی دُعائیں اُس کی بَلاؤں کو روک لیتی تھیں وہ میرے چار سُو ہاتھوں کی ڈھال رکھتی تھی اِک ایسی دُھن کہ نہیں پھر کبھی سُنی میں نے وہ مُنفرد سا ہنسی میں کمال رکھتی تھی اُسے ندامتیں میری کہاں گوارہ تھیں وہ میرے واسطے آساں سوال رکھتی تھی بچھڑ کے اُس سے میں دُنیا کی ٹھوکروں میں ہوں وہ پاس تھی تو مجھے لازاوال رکھتی تھی وہ مُنتظر مِری رہتی تھی دھوپ میں شاہد میں لوٹتا تھا تو چھاؤں نکال رکھتی تھی