محمدعمر

تو نے جس وقت یہ انسان بنایا یا رب
اس گھڑی مجھ کو تو اک آنکھ نہ بھایا یارب

اسی لئے میں نے سر اپنا نہ جھکایا یا رب
لیکن اب پلٹی ہے کچھ ایسی یہ کایا یا رب

عقلمندی ہے اسی میں*کہ میں توبہ کرلوں
سوچتا ہوں کہ اب انسان کو سجدہ کرلوں

ابتدا تھی بہت نرم طبیعت اس کی
قلب و جاں پاک تھے ، شفاف تھی طینت اس کی

پھر بتدریج بدلنے لگی خصلت اس کی
اب تو خود مجھ پہ مسلط ہے شرارت اس کی

اس سے پہلے کہ میں اپنا ہی تماشا کرلوں
سوچتا ہوں کہ اب انسان کو سجدہ کرلوں

بھر دیا تو نے بھلا کونسا فتنہ اس میں
پکتا رہتا ہے ہمیشہ کوئی لاوا اس میں

ایک اک سانس ہے اب صورت شعلہ اس میں
آگ موجود تھی کیا مجھ سے بھی زیادہ اس میں

اپنا آتشکدہ ذات ہی ٹھنڈا کرلوں؟
سوچتا ہوں*کہ اب انسان کو سجدہ کرلوں

اب تو یہ خون کے بھی رشتوں سے اکڑ* جاتا ہے
باپ سے ، بھائی سے ، بیٹے سے بھی لڑ جاتا ہے

جب کبھی طیش میں ہتھے سے اکھڑ جاتا ہے
خود مرے شر کا توازن بھی بگڑ جاتا ہے

اب تو لازم ہے کہ میں خود کو ہی سیدھا کرلوں
سوچتا ہوں کہ اب انسان کو سجدہ کرلوں

کچھ جھجکتا ہے ، نہ ڈرتا ہے ، نہ شرماتا ہے
نت نئی فتنہ گری روز یہ دکھلاتا ہے

اب یہ ظالم مرے بہکاوے میں کب آتا ہے
میں برا سوچتا رہ جاتا، یہ کر جاتا ہے

کیا اب اس کی مریدی کا ارادہ کرلوں ؟
سوچتا ہوں* کہ انسان کو سجدہ کرلوں

کچھ نہ سمجھا تھا ترے علم کا میں نے مطلب
کچھ نہ سمجھا تھا "انسان" کا اصلی مطلب

پناہ مانگتا ہوں تیری میں اس کے شر سے
تھا میں صرف گھمنڈی، یہ اصل شیطاں ہے

دے ہدایت مجھے، بچا انساں کے شر سے
دے مجھے ہمت کہ انسان کو سجدہ کرلوں

__________________
ناراضگی ظاہر کرنا دل میں برائی رکھنے سے بہتر ہے۔

طارق راحیل

لعنت اللہ
ابلیس پر 1000000 بار لعنت