التجا

غم بھی ہوتا ہے تو ایسا کہ رلا دیتا ہے
بھو لی بسری ہوی یادوں کو ہوا دیتا ہے

جس قدر بھی کرے انسان پے تو رحم وکرم
اس کی فطرت ہے کہ سب کچھ وہ بھلا دیتا ہے

یاد خوشیوں میں تو کرتا نہیں کوئی تجھ کو
ہاں مصیبت میں ہر ایک تجھ کو صدا دیتا ہے

اس کی قسمت میں فقط غم ہے فقط غم یارو
مقصد زیست جو یکسر ہی بھلا دیتا ہے

غم بھی دیتا ہے اگر کوئی مجھے ناحق
یہ مرا دل ہے جو اس کو بھی دعا دیتا ہے

تیری یادوں کا جو ایک دیپ جلا رکھا ہے
غم کا طوفان کہ آتا ہے بجھا دیتا ہے

آج جا کر ہمیں معلوم ہوا یہ نادر
دیر ہوتی ہے تو اچھا ہی صلہ دیتا ہے