اپنی دھن میں رہتا ہوں



اپنی دھن میں رہتا ہوں
میں بھی تیرے جیسا ہوں

او پچھلی رت کے ساتھی
اب کے برس میں تنہا ہوں

تیری گلی میں سارادن
دکھ کر کنکر چنتا ہوں

مجھ سے آنکھ ملائے کون
میں تیرا آئینہ ہوں

میرا دل جلائے کون
میں ترا خالی کمرہ ہوں

تیرے سوا مجھے پہنے کون
میں ترے تن کا کپڑا ہوں

تو جیون کی بھری گلی
میں جنگل کا رستہ ہوں

آتی رت مجھے روئے گی
جاتی رت کا جھونکا ہوں

اپنی لہر ہے اپنا روگ
دریا ہوں اور پیاسا ہوں

----------

اصل مراسلہ منجانب : عدنان بہت شکریہ خرم بھائی اور شعر و شاعری کی پوسٹ میں آپ سے داد ملنا ایک اعزاز ہے میرے لئے جناب

اصل مراسلہ منجانب : فوٹو ٹیک81 نہیں جناب میں تو شاعری کے میدان میں ایک اناڑی ہوں اور یہاں آپ سے ایم اے ساگر صاحب سے عائشہ صاحبہ سے استاد محترم رضی صاحب سے اور اب مژگان صاحبہ سے اور بہت سارو سے بہت کچھ سیکھوں گا انشاءاللہ