خرم شہزاد خرم

اے تغیر زمانہ یہ عجیب دل لگی ہے۔
نہ وقار دوستی ہےنہ مجال دشمنی ہے

یہی ظلمتیں چھنیں جو ترے سرخ آنچلوں سے
انہی ظلمتوں سے شاید مرے گھر میں روشنی ہے

مرے ساتھ تم بھی چلنا مرے ساتھ تم بھی آنا
ذرا غم کے راستوں میں بڑی تیز تیرگی ہے۔

یہ مشاہدہ نہیں ہے مرے درد کی صدا ہے
مرے داغ دل لٹے ہیں تری بزم جب سجی ہے۔

غم زندگی! کہاں ہے،ابھی وحشتوں سے فرصت
ترے ناز اٹھاہی لیں گے ابھی زندگی پڑی ہے۔

جسے اپنا یار کہنا اسے چھوڑ نا بھنور میں
یہ حدیث دلبراں ہے،یہ کمال دلبری ہے

وہ گزر گیا ہے ساغرکوءی قافلہ چمن سے
کہیں آگ جل رہی ہے کہیں راکھ سو گءی ہے۔

__________________

محمدعدنان

بہت اچھے خرم بھائی
بہت اچھی شاعری ہے