وسیم

بزمِ ہستی میں روشنی کیسی
بجھ گیا دل تو زندگی کیسی

تم نہ تھے جب تو کتنی پھیکی تھی
آج رنگین ہے چاندنی کیسی

میں تمہاری نظر کا طالب ہوں
دوستی کیا ہے، دشمنی کیسی

زندگی نام ہے محبت کا
یہ نہیں ہے تو زندگی کیسی

شمع میں نور ہے نہ دل میں سرور
بزمِ ہستی ، یہ ہو گئی کیسی

جہل بھی نام تمام ہے اب تک
ارے نادان ! آ گہی کیسی

غم کا انجام ہے خوشی راغب
غم نہیں ہے تو پھر خوشی کیسی؟
(راغب مراد آبادی)

راجہ اکرام

بہترین جناب

انتخاب قابل داد ہے