عبداللہ آدم

میرے بہت ہی پیارے دوست رفاقت علی راضی کی ایک غزل پیش خدمت ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
جو مجھے بہت پسند ہے۔۔۔۔۔۔۔۔۔۔۔۔


گزرے جس راہ سے وہ،اس کی نشانی رہ جائے
جیسے دریا نہ رہے راہ روانی رہ جائے

سخت دھوپوں میں بھی کھلتے رہیں چہروں پہ گلاب
دشت دل مین جو کبھی رات کی رانی رہ جائے

اس کے چہرے پہ نئے غم کا فسانہ پڑھ کر
درمیاں روز مرے دل کی کہانی رہ جائے

دھڑکنیں اپنے لیے ساری بلاغت چن لیں
اشک کے واسطے تشبیہ میں پانی رہ جائے

جسم کے ساتھ ہی اوصاف بھی ڈھلتے جائیں
حامل وصف یہ چاہے کہ جوانی رہ جائے

خیر وعدوں کو نبھانا تو ہے کس نے ہے راضی
دل میں ایفاء کی مگر یاد دھانی رہ جائے

عبداللہ آدم

ایک شعر کم ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔یاد نہیں آرہا