خرم شہزاد خرم

خامشی یوں ڈرا رہی ہے ہمیں
اک ندا ہے بلا رہی ہے ہمیں
بن گئے گیت کس کے سُر سے ہم
زندگی گنگنا رہی ہے ہمیں
ڈوبنے آئے تھے۔ مگر یہ ندی
بہتے رہنا سکھا رہی ہے ہمیں
پہلے جو لوریاں سناتی تھی
یاد اس کی جگا رہی ہے ہمیں
اب تو یہ یاد بھی نہیں ہم کو
یاد یہ کو کی آرہی ہے ہمیں
غمِ یار آ لپٹ کے سو جائیں
رات لوری سنا رہی ہے ہمیں
پھر کوئی شعر اترنے والا ہے
دن میں بھی نیند آرہی ہے ہمیں
ٹھنڈی ٹھنڈی ہوائے صبح عبیدؔ
آکے پھر تھپتھپا رہی ہے ہمیں

__________________