عبداللہ آدم

دیکھ لے خاک ہے کاسے میں کہ زر ہے سائیں
دست دادار بڑا شعبدہ گر ہے سائیں

تو مجھے اس کے خم و پیچ بتاتا کیا ہے
کوئے قاتل تو میری راہ گزر ہے سائیں

شہر و صحرا تو ہیں انسانوں کے رکھے ہوئے نام
گھر وہیں ہے دل دیوانہ جدھر ہے سائیں

پاؤں کی فکر نہ کر، زاد کم و بیش اتار
اصل زنجیر تو سامان سفر ہے سائیں

یہ جہاں کیا ہے بس اک صفحہ بے نقش و نگار
آگے جو کچھ ہے تیرا حسن نظر ہے سائیں

شاعری کون کرامت ہے مگر کیا کیجے
درد ہے دل میں سو لفظوں میں اثر ہے سائیں

عشق میں کہتے ہیں فرہاد نے کاٹا تھا پہاڑ
ہم نے دن کاٹے ہیں یہ بھی ہنر ہے سائیں

عرفان صدیقی

حیدر

عرفان صدیقی شاعر ہو گیا ہے

skjatala

پاؤں کی فکر نہ کر، زاد کم و بیش اتار
اصل زنجیر تو سامان سفر ہے سائیں
انتخاب اچھا ہے سا ئیں ۔۔۔۔۔۔بابا

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

عبداللہ آدم

نہیں جی یہ عرفان صدیقی انڈیا کے ہیں اوربڑے شاعر ہیں.

میں بھی پہلے یہی سمجھتا تھا کہ یہ اپنے والے عرفان صدیقی ہیں

راجہ اکرام

یہ جہاں کیا ہے بس اک صفحہ بے نقش و نگار
آگے جو کچھ ہے تیرا حسن نظر ہے سائیں

__________________
محتاج اصلاح و دعا

نبیل خان

عشق میں کہتے ہیں فرہاد نے کاٹا تھا پہاڑ
ہم نے دن کاٹے ہیں یہ بھی ہنر ہے سائیں
بہت خوب جناب

بنت حوا

عشق میں کہتے ہیں فرہاد نے کاٹا تھا پہاڑ
ہم نے دن کاٹے ہیں یہ بھی ہنر ہے سائیں
بہت خوب جناب