The Great

روح پہ اب افتاد کوئی آئے تو گبھرا جاتی ہے
رہ رہ کر جب یاد کوئی آئے تو گبھرا جاتی ہے

آنکھ نے اتنے شہر اجڑتے دیکھے ہیں کہ رستے میں
اب بستی آباد کوئی آئے تو گبھرا جاتی ہے

وہ لڑکی جو دشمن کا ہر حملہ ہنس کر سہتی ہے
اپنوں کی امداد کوئی آئے تو گبھرا جاتی ہے

اس کو ویرانوں سے گھور اندھیروں سے کچھ خوف نہیں
لیکن آدم زاد کوئی آئے تو گبھرا جاتی ہے

دل میں اتنی گہری چپ ہے انتا گم سناٹا ہے
بھولی بھٹکی یاد کوئی آئے تو گبھرا جاتی ہے

دل اس شہر میں جیسے اک پر ٹوٹی تن تنہا چڑیا
جنگل میں صیاد کوئی آئے تو گبھرا جاتی ہے


(فرحت عباس شاہ)
اقتباس کے ساتھ جواب دیں