عبداللہ آدم

زندگی نے جھیلے ہیں سب عذاب دنیا کے
بس رہے ہیں انکھوں میں پھر بھی خواب دنیا کے

دل بجھے تو تا ریکی دور پھر نہیں ہوتی
لاکھ سر پہ آپہنچیں آفتاب دنیا کے

دشت بے نیازی ہے اور میں ہوں اب لوگو
اس جگہ نہیں آتے باریاب دنیا کے

میں نے تو ہواؤں سے داستانِ غم کہہ دی
دیکھتے رہے حیراں سب حجاب دنیا کے

دیکھیں چشم حیراں کیا انتخاب کرتی ہے
میں کتاب تنہائی،تم نصاب دنیا کے

ہم نے دست دنیا پر پھر بھی کی نہیں بیعت
جانتے تھے ہم تیور ہیں خراب دنیا کے
.................................................. .............
.................................................. .............

ہماری طرح کوئی دوسرا ہوا بھی نہیں
وہ درد دل میں رکھا ہے جو لا دوا بھی نہیں

اسی کو دیکھتی رہتی ہے چشم شوق مدام
جو غم ابھی سر شاخِ الم کھلا بھی نہیں

ہمارا درد عجب مرحلے میں ہے کہ جہاں
وہ بے سخن بھی نہیں اور لب کشا بھی نہیں

جنون عشق یہ زنجیر غم سنبھالے رکھ
جو یہ نہیں تو اک اواز اشنا بھی نہیں

زارا

الســلاُ علیکم

اچھی شاعری ہے۔ شیئرنگ کا شُکریہ