ام طلحہ

جیسا کہ آپ سب کو معلوم ہے کہ مختلف مقابلہ جات کرانا پاک نیٹ کی روایت رہا ہے۔اسی سلسلے میں ہمارے اہل ذوق ممبران کے اصرار پر ایک طرحی مشاعرہ کا انعقاد کیا جارہا ہے۔ نئے مصرع طرح کا اعلان ہر دس دن کے بعد کیا جائے گا۔اس بار جس مصرع کا انتخاب کیا گیا ہے وہ ہے:
سوئے ہوے انساں کو جگا کیوں نہیں دیتے
مکمل شعر ہے
ماحول کی چادر پہ بڑی گرد جمی ہے
سوئے ہوئے انساں کو جگا کیوں نہیں دیتے
امید ہے ہمارے ممبران بڑھ چڑھ کر اس میں حصہ لیں گے۔
مشاعرہ میں شریک ہونے والے ہر ممبر کو میری طرف سے1000 پوائنٹ دئیے جائیں گے۔اگر چہ مشاعرے کی روایت ہے کہ میزبان سب سے پہلے اپنا کلام پیش کرتا ہے تاہم میں سب سے پہلے والی شرط پر مصروفیت کی بنا پر معذرت چاہتی ہوں۔ تاہم جیسے ہی موقع ملا میں ضرور جوائن کر لوں گی۔
تو جناب ارشاد۔آئیے سب سے پہلے کون ہمیں اپنے کلام سے نوازتا ہے۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

ڈاکٹرنور

انشا ء اللہ کل حاضر ہوں گے
کلام کے ساتھ
رب راکھا

رضی

ماحول کی چادر پہ بڑی گرد جمی ہے
سوئے ہوئے انساں کو جگا کیوں نہیں دیتے

کوڑے میں پڑے کاغذ جو ہاتھ چنیں
ان ہاتھوں میں قلم تم تھما کیوں نہیں دیتے

بارود کی بھری جیکٹ سے جو جسم اڑیں
ان جسموں کو فولاد بنا کیوں نہیں دیتے

اعوانوں میں جو ہیں حکمراں بیٹھے
ان کو انکی اوقات یاد کروا کیوں نہیں دیتے


میری طرف سے کی گئی تک بندی اب باقی لوگ حصہ لیں

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

shafresha

اِک چیخ سے دُنیا کو ہلا کیوں نہیں دیتے
سوئے ہوئے انسان کو جگا کیوں نہیں‌دیتے

ہائے میری قسمت کے میں‌تم پہ مِٹا ہوں
تم مجھ کو محبت کی سزا کیوں نہیں‌دیتے

مدت سے منتظر ہے ترے دستِ شفا کا
بیمار محبت کو دوا کیوں نہیں‌دیتے

حالانکہ تمھیں‌حاصل ہے اظہار کی قوت
کیا سچ ہے؟ یہ دُنیا کو بتا کیوں نہیں‌دیتے

اس شب کے گزرنے میں‌بڑی دیر پڑی ہے
اُمید کے اک دیئے کو جلا کیوں نہیں‌دیتے

جس شہر کے حاکم سے بڑی بھول ہوئیں ہوں
اُس شہر کے حاکم کو ہٹا کیوں نہیں‌دیتے

باغی ہمیں‌درپیش ہے یہاں اِذن سفر کا
تم میرِ کارواں ہو صدا کیوں نہیں‌دیتے

marhaba

ڈاکٹرنور

محترم قارئین و حاضرین

آداب
بہن ام طلحہ نے یہ بہت اچھا سلسلہ شروع کیا ہے
آپ سب کی خدمت میں اپنا ٹوٹا پھوٹا کلام پیش کرتا ہوں


تو عرض کیا ہے

دشمن ہوں تو نظروں سے گرا کیوں نہیں دیتے
اپنا ہوں ، تو پھر دل میں جگہ کیوں نہیں دیتے

ہے بات محبت کی ، تو پھر سب سے محبت
ہم دل سے عداوت کو مٹا کیوں نہیں دیتے

ہرموڑ پہ لٹ جا تے ہیں ، کیوں قا فلے والے
راہبر ہی تو راہزن ہیں بتا کیوں نہیں دیتے

جب ظلم بڑھے حد سے تو پھر چپ ہے بڑا ظلم
تم لوگ کوئی حشر اٹھا کیوں نہیں دیتے

مظلوم ہیں ، لاچار ہیں، داہر کے ستائے
یہ پھر کسی بن قاسم کو صدا کیوں نہیں دیتے

معصوم ہے پھانسی پہ ، تو مظلوم کو کوڑے
منصف ہو تو مجرم کو سزا کیوں نہیں دیتے

مہنگا ئی ہے، نا یا بی ہے ہر روز کا مرنا
اک بار ہی پھانسی پہ چڑھا کیوں نہیں دیتے


اغیا ر کے وعدے ہوں ، وعیدیں ہوں کہ معاہدے
سب جھوٹ ہیں، دامن کو چھڑا کیوں نہیں دیتے

اب خواب نہیں ، اٹھو کوئی تعبیر تراشیں
"سوئے ہوئے انساں کو جگا کیوں نہیں دیتے"

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

ام طلحہ

بہت خوب!!
مجھے بیحد خوشی ہے کہ یہ سلسلہ بہت ہی اچھا جا رہا ہے۔ کوشش ہے کہ میں بھی شامل ہو سکوں۔

راجہ اکرام

ماشاء اللہ
تمام احباب نے بہت ہی خوبصورت کلام پیش کیا ہے
ایک سے بڑھ کر ایک ہے
بندہ پریشان ہے کہ کس کو سب سے بہتر کہے
اللہ کرے زور قلم اور زیادہ

__________________
محتاج اصلاح و دعا

Ajmal Anjum

[SIZE="5"] اس نوازشِ خاص کا بہت شکریہ جی ۔۔۔۔۔
ازراہِ کرم " اسرار " کی بھی تصحیح فرما دیں ۔۔۔۔۔ اور " پاک نیٹ کی روایت رہی ہے " ایسے خالص ادبی ماحول میں ایسی غلطیاں ماحول کے حُسن کو گہنا سا دیتی ہیں ۔۔۔۔۔ پیشگی شکریہ جیSIZE]

Ajmal Anjum

ما شا اللہ جی ۔۔۔۔۔ بہت شاندار سلسلہ چل رہا ہے
ہماری تُک بندی ، آپ دوستوں کی نذر

اب چہرے سے پردہ یہ ہٹا کیوں نہیں دیتے
ہو تم بھی شکاری ، یہ بتا کیوں نہیں دیتے

جو سوئے گا ، کھوئے گا ۔۔۔ ازل سے ہے مُسلم
سوئے ہوئے انساں کو جگا کیوں نہیں دیتے

ہیں جان بہ لب تلخی ءِ حالات کے مارے
اے چارہ گرو ! کوئی دوا کیوں نہیں دیتے

ہر چہرے پہ مرقوم ہے " جینا نہیں مُمکن "
یہ حرف ِ غلط ہے تو مٹا کیوں نہیں دیتے

ان گھور اندھیروں میں کرن کوئی تو پُھوٹے
سورج ہو تو تاروں کو ضیا ء کیوں نہیں دیتے

اس دور میں خاموشی بھی اِک ظُلم ہے یارو
اے دیدہ ورو ! تُم یہ صدا کیوں نہیں دیتے

سچ بول کے کر دیتا ہے مسموم فضا کو
اس بزم سے انجم کو اُٹھا کیوں نہیں دیتے

محمد اجمل انجم

ڈاکٹرنور

لوجی
اگر اجمل انجم کو اٹھا دیا
تو وہ ہمیں بیٹھنے دے گا؟

بیٹھے رہو یا ر
بیٹھے رہو

ڈاکٹرنور

راجہ جی
کیہڑا بندہ پریشان نہیں اے؟
بس لمیاں کہانیاں چھوڑو
تے جلدی جلدی اپنا کلام سٹو۔۔
شاباش

ام طلحہ

اسکا بھی شکریہ، کبھی کبھی صرف ایک شفٹ کی غلطی سے ایسا ہو ہی جاتا ہے۔

ڈاکٹرنور

تھوڑی سی ترمیم ۔۔۔
رضی میا ں ناراض نہ ہونا
با قی اشعارمیں دوسرے ساتھی حصہ ڈالیں

راجہ اکرام

اجمل بھائی آپ کا کلام بھی بہت ہی خوبصورت ہے

مزا آیا پڑھ کر
اللہ کرے زور قلم اور زیادہ