عبداللہ آدم

وہ ہمسفر تھا مگر اس سے ہمنوائی نہ تھی
کہ دھوپ چھاوں کا عالم رہا جدائی نہ تھی

نہ اپنا رنج نہ اپنی دکھ نہ اوروں کا ملال
شب فراق کبھی ہم نے یوں گنوائی نہ تھی

محبتوں کا سفر کچھ اس طرح بھی گزرا تھا
شکستہ دل تھے مسافر شکستہ پائی نہ تھی

عداوتیں تھیں ، تغافل تھا، رنجشیں تھیں بہت
بچھڑنے والے میں سب کچھ تھا ، بے وفائی نہ تھی

بچھڑتے وقت ان آنکھوں میں تھی ہماری غزل
غزل بھی وہ جو کسی کو ابھی سنائی نہ تھی

کبھی یہ حال کہ دونوں میں یکدلی تھی بہت
کبھی یہ مرحلہ جیسے کہ آشنائی نہ تھی

عجیب ہوتی ہے راہ سخن بھی دیکھ نصیر
وہاں بھی آ گیے آخر جہاں رسائی نہ تھی

پیر سید نصیر الدین نصیر

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

راجہ اکرام

عداوتیں تھیں ، تغافل تھا، رنجشیں تھیں بہت
بچھڑنے والے میں سب کچھ تھا ، بے وفائی نہ تھی

راجہ اکرام

نصیر صاحب کافی باذوق انسان تھے، اور اچھے سخنور بھی ۔۔ مزا آتا ہے ان کی محافل سننے کا

احمد بلال

اہل ذوق یہ "تغافل" کا مطلب کیا ہوتا ہے؟؟
کہیں "توجہ کرنا" مطلب تو نہیں اسکا؟؟

راجہ اکرام

بہت ہی آسان الفاظ میں اگر سمجھنا چاہیں تو ۔۔۔۔ توجہ کا الٹ کر لیں تو تغافل بن جائے گا

__________________
محتاج اصلاح و دعا

ننھا بچہ

واہ کیا بات ہے
۔۔۔۔۔۔۔۔۔۔

عبداللہ آدم

دو دن پہلے ایک دوست نے اس غزل کے چند اشعار سنائے تو میں اس شعر پر پھڑک اٹھا جو عنوان لگایا ہے، کل پھر یہ ڈھوند کر شیر فرما دی.

ننھا بچہ

آپ کا پھُڑکنا بجا تھا حجور

سحر

ہمسفر نام سے آج کل ایک ڈرامہ آرہا ہے جس کا تھیم سانگ یہی غزل ہے ۔ اس ڈرامہ کی کہانی اور یہ شاعری اتنی اچھی طرح طرح پیش کی گئی ہے کہ جب بھی سنتی ہوں آنکھوں میں آنسو اجاتے ہیں

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

محمد یاسرعلی

بہت خوب انتخاب ہے آپ کا عبداللہ آدم بھائی

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔

سیفی خان

محبتوں کا سفر کچھ اس طرح بھی گزرا تھا
شکستہ دل تھے مسافر شکستہ پائی نہ تھی

اچھا انتخاب ہے شکریہ

__________________

میرا بلاگ۔ صدائےقلندرhttp://saifikhan011.blogspot.com/

سیفی خان

محبتوں کا سفر کچھ اس طرح بھی گزرا تھا
شکستہ دل تھے مسافر شکستہ پائی نہ تھی

اچھا انتخاب ہے شکریہ