مجھے کیوں یاد آتی ہو
میری یادوں کے زینے پر
کبھی جو تم
بڑے آرام سے جاناں
گلابی پائوں رکھتی ہو
میرے اس دل کے مندر میں
عجب دیپک سے جلتے ہیں
کوئی مانوس سی خوشبو
میری سانسوں میں گھلتی ہے
تیری یادوں کو تھامے میں
نکل جاتا ہوں سپنوں کے
حسین رستے پہ
ایسے میں
میرے اس دل کے ہاتھوں میں
تیرے غم کی کوئی چوڑی کھنکتی ہے
یہ سپنا ٹوٹ جاتا ہے
جو پھر واپس پلٹتا ہوں
عجب ہلچل سی ہوتی ہے
میری جاں پر کوئی بجلی سی چمکتی ہے
کوئی شعلہ بھڑکتا ہے
میرے آنسو نہیں تھمتے
مجھے تم کیوں ستاتی ہو
مجھے تم یاد آتی ہو