راجہ اکرام

محبت کسے کہتے ہیں؟
اس حوالے سے مختلف لوگوں نے مختلف انداز میں اظہار خیال کیا ہے۔
ایک شاعر محبت کے بارے میں کیا کہتا ہے، ذیل میں ملاحظہ کیجئے

محبت ایسا نغمہ ہے
ذرا بھی جھول ہے لَے میں
تو سُر قائم نہیں ہو تا

محبت ایسا شعلہ ہے
ہوا جیسی بھی چلتی ہو
کبھی مدھم نہیں ہوتا

محبت ایسا رشتہ ہے
کہ جس میں بندھنے والوں کے
دلوں میں غم نہیں ہوتا

محبت ایسا پودا ہے
جو تب بھی سبز رہتا ہے
کہ جب موسم نہیں ہوتا

محبت ایسا دریا ہے
کہ بارش روٹھ بھی جائے
تو پانی کم نہیں ہوتا

(امجد اسلام امجد)

فیصل ناصر

بہت عمدہ !

ایس اے نقوی

آج یوں موسم نے دی جشن محبت کی خبر
پھوٹ کر رونے لگے ہیں میں،محبت اور تم

ہم نے جونہی کر لیا محسوس منزل ہے قریب
راستے کھونے لگے ہیں میں ،محبت اور تم

چاند کی کرنوں نے ہم کو اس طرح بوسہ دیا
دیوتا ہونے لگے ہیں میں ،محبت اور تم

آج پھر محرومیوں کی داستانیں اوڑھ کر
خاک میں سونے لگے ہیں میں ،محبت اور تم


کھو گئے انداز بھی ،آواز بھی،الفاظ بھی
خامشی ڈھونے لگے ہیں میں ،محبت اور تم
(وصی شاہ)