محمدعدنان

مدارِ گردشِ عالم کا جو اشارہ تھی

بدل گئی وہ نظر جو مرا سہارا تھی



وفا مری تھی اسیرِ خلوصِ قلب و نظر

پتہ چلا کہ وہ متروک استعارہ تھی



ملو ہمیں بھی اور ان سے بھی رابطے رکھو

ابھی تلک تو یہ توہین بھی گوارہ تھی



وہ بات کرتا تو ہونٹوں پہ پھول کھلتے تھے

بہار وصل کے امکان کا نظارہ تھی



میں اس کے سائے میں تقدیر پڑھ لیا کرتی

نگاہ اس کی کہ روشن کوئی ستارہ تھی



وہ بحرِ موجِ تلاطم تھا اک محبت کا

میں اس کے جوشِ جنوں خیز کا کنارہ تھی



خوشی نے پھر سے اداسی کی اوڑھنی اوڑھی

گئی وہ رُت کہ جو رنگوں کا استعارہ تھی

__________________

The Great

اچھی شاعری ھے۔۔۔۔۔۔۔۔۔۔۔۔۔۔۔۔۔۔۔