ایس اے نقوی

میں شہر بھر میں ایک ہی اذیت پسند ہوں
گر چاہیئے دعا تو میرا دل دکھایئے

( قتیل شفائی )

راجہ اکرام

کھلتا کسی پے کیوں‌ میرے دل کا معاملہ
شعروں کے انتخاب نے رسوا کیا مجھے

ام غزل

بلند رکھنا نگاہ اپنی، خیال اپنا، مزاج اپنا۔۔۔
نہ ڈگمگاسکیں قدم، کچھ ایسا رکھنا وقار اپنا

ایس اے نقوی

اس شخص سے وابستہ خوش فہمی کا یہ عالم ہے فراز
موت کی ہچکی آئی تو میں سمجھا کہ اس نے یاد کیا ہے

ام غزل

جانے دے آتش اگر اہلٍ جہاں تجھ سے پھرے
مرد پیچھا نہ کریں بھاگے ہوئے لشکر کا۔۔۔۔۔

ایس اے نقوی

لوگ پڑھ لیتے ہیں میری آنکھوں سے دل کی حالت فراز
مجھ سے اب تیرے پیار کی حفاظت نہیں ہوتی

ام غزل

ہمیں خبر ہے کہ ہم ہیں چراغٍ آخرٍ شب
ہمارے بعد اندھیرا نہیں اُجالا ہے۔۔۔۔

ایس اے نقوی

یہ میری ضد ہے تجھے تجھ سے مانگنا ورنہ
خدا سے مانگوں جو تجھ کو تو ، تو ابھی مل جائے

مشال خان

گرمی حسرت ناکام سے جل جاتے ہیں،
ہم چراغوں کی طرح شام سے جل جاتے ہیں،

شمع جس آگ میں جلتی ہے نمائش کیلئے
ہم اسی آگ میں گمنام سے جل جاتے ہیں،

جب بھی اتا ہے تیرا نام میرے نام کے ساتھ
جانے کیوں لوگ میرے نام سے جل جاتےہیں۔

ایس اے نقوی

یوں تو غم سب کی زندگی میں ہے
ضبط لیکن کسی کسی میں ہے
اس نے سن کر غزل کہا میری
کتنا دکھ تیری شاعری میں ہے

ایس اے نقوی

تیری گلی کے علاوہ بھی اور قریے ہیں
جو اس دیار سے نکلوں تو اور کچھ سوچوں
تمہارے ہجر کی صدیاں تمہارے وصل کے دن
میں اس شمار سے نکلوں تو اور کچھ سوچوں
رچا ہوا ہے ترا عشق میری پوروں میں
میں اس خمار سے نکلوں تو اور کچھ سوچوں
یہ میرا جسم کہ ماتم سرائے حسرت ہے
میں اس مزار سے نکلوں تو اور کچھ سوچوں
یہ مجھ میں کون میرے رات دن سنھبالتا ہے
اس اختیار سے نکلوں تو اور کچھ سوچوں
تمہارے جسم کی خوسبو نے کر دیا محصور
اس آبشار سے نکلوں تو اور کچھ سوچوں
یہ بے قراری مری روح کا اجالا ہے
میں اس قرار سے نکلوں تو اور کچھ سوچوں
(وصی شاہ)

ایس اے نقوی

--------------------------------------------------------------------------------

اتنا تو ہوتا نہیں کوئی کھنڈر شام کے بعد
جتنا ویران ہوا جاتا ہے گھر شام کے بعد
ٹوٹ پڑتی ہے نئی روز خبر شام کے بعد
وقت ہوتا ہے عزابوں میں بسر شام کے بعد
میری آنکھوں سے برستے ہوئے دریائوں میں
ڈوب جاتی ہے تری راہ گزر شام کے بعد
تیرے بخشے ہوئے اندوہ کی گھبراہٹ کا
اور ہی رنگ سے ہوتا ہے اثر شام کے بعد
تم نہیں ہوتے تو پھر درد زمانے بھر کے
آن ملتے ہیں مجھے خاک بہ سر شام کے بعد
شاہ ہو کوئی،گدا ہو یا ولی ہو سب کا
فکر کے بوجھ سے جھک جاتا ہے سر شام کے بعد
مل کہ اک شہر بھگو دیتے ہیں تنہائی کا
ایک میں ایک میرا دیدہ تر شام کے بعد
گھیر لیتے ہیں مجھے رستے تیری یادوں کے
جب بھی کرتا ہوں ترے بعد سفر شام کے بعد
دن بھی ویراں ہی گزرتا ہے ہمارا لیکن
اور بڑھ جاتا ہے ویرانی کا ڈر شام کے بعد
ہجر کے سائے تو ہر روز ہی آ جاتے ہیں
کیا کبھی ہو گا تمہارا بھی گزر شام کے بعد
ایک بس تم ہی نہیں رات کے گھائل فرحت
خاک اڑتی ہے ہماری بھی ادھر شام کے بعد
( فرحت عباس شاہ)

ایس اے نقوی

دوست بن کر بھی نہیں ساتھ نبھانے والا
وہی انداز ہے ظالم کا زمانے والا
اب اسے لوگ سمجھتے ہیں گرفتار مرا
سخت نادم ہے مجھے دام میں لانے والا
کیا کہیں کتنے مراسم تھے ہمارے اس سے
وہ جو اک شخص ہے منہ پھیر کے جانے والا
تیرے ہوتے ہوئے آ جاتی تھی ساری دنیا
آض تنہا ہوں تو کوئی نہیں آنے والا
منتظر کس کا ہوں ٹوٹی ہوئی دہلیز پہ میں
کون آئے گا یہاں کون ہے آنے والا
تم تکلف کو بھی اخلاص‌سمجھتے ہو فراز
دوست ہوتا نہیں ہر ہاتھ ملانے والا
( احمد فراز )

ایس اے نقوی

ہستی کو محبت میں فنا کون کرے گا
یہ فرض زمانے میں ادا کون کرے گا
ہاتھوں کی لکیروں کو زرا دیکھ نجومی
یہ دیکھ کہ میرے ساتھ وفا کون کرے گا

ایس اے نقوی

(چند الفاظ ہیں مگر غور طلب ہیں)

جو میری آنکھوں سے خواب دیکھو
تو اک شب بھی نہ سو سکو گے