The Great

ٍفاصلے ایسے بھی ھوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا

وہ کہ خوشبو کی طرح پھیلا تھا میرے چار سو
میں‌اسے محسوس کر سکتا تھا چھو سکتا نہ تھا

یہ سبھی ویرانیاں اس کے جدا ھونے سے تھیں
آنکھ دھندلائی ھوئی تھی شہر دھندلایا نہ تھا

آج اس نے درد بھی اپنے علیحدہ کر لئےَ
آج میں رویا تو میرے ساتھ وہ رویا نہ تھا

یاد کرکے اور بھی تکلیف ھوتی تھی عدیم
بھول جانے کے سوا اب کوئی بھی چارہ نہ تھا