خرم شہزاد خرم

پردۂ خزاں کے آر پار کون ہے؟
گرد اڑا گیا جو شہسوار کون ہے؟
اس طرف تو بس گئے ہیں صرف اس کے رنگ
دیکھتا ہوں آئینے کے پار کون ہے؟
یہ خزاں کے پاؤں کی صدا کے ساتھ ساتھ
گا رہا ہے نغمۂ بہار کون ہے؟
راہ میں بکھر گئے دھنک کے سات رنگ
رنگ جس کے ہیں وہ گُل عذار کون ہے؟
ہر کتاب سے مٹا رہے ہیں ایک نام
کیا چھپاتے ہیں، وہ طرحدار کون ہے
سرخ سرخ نیلے نیلے پیلے پیلے پھول
یہ قبا ہے کس کی، یہ بہار کون ہے؟
میں تو ہوں فصیل کے اِدھر کھڑا عبیدؔ
خوں میں تر یہ پیشِ کوئے یار کون ہے؟

__________________

عروج

خوں میں تر یہ پیشِ کوئے یار کون ھے۔ شکریہ۔

خرم شہزاد خرم

پسند کرنے کا شکریہ