عبداللہ آدم

کفن باندھے ہوئے یہ سارا شہر جا رہا ہے کیوں
سوئے مقتل ہی ہر رستہ ہمارا جا رہا ہے کیوں

مسلسل قتل ہونے میں بھی اک وقفہ ضروری ہے
سر مقتل ہمیں کو پھر پکارا جا رہا ہے کیوں

ہمیں آسودہ غم دیکھنا بھی شاک ہے اس پر
تہہ گرداب غم سے پھر ابھارا جا رہا ہے کیوں

یہ منشور ستم،لیکن اسے ہم مانتے کب ہیں
صحیفے کی طرح ہم پر اتار جا رہا ہے کیوں

یہاں تو شہر دل میں ہر طرف لاشے ہی لاشے ہیں
اب ایسے میں‌یہاں شب خون مارا جا رہا ہے کیوں

سرگرداب رہ کر ڈوب جانا ہی مناسب تھا
کہ اب ساحل پہ ھاتھوں سے کنارا جا رہا ہے کیوں

میرے قاتل خبر لے اپنے لشکر کی کہ اس رن میں
یہ استبداد کا لشکر بھی ہارا جا رہا ہے کیوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔

""""""جاری ہے"""""