خرم شہزاد خرم

رانا سعید دوشی صاحب کی ایک اور غزل آپ کی نذر دوشی صاحب کا بہت کم کلام نیٹ پر موجود ہے بلکے نا ہونے کے برابر ہے اب کی بار پاکستان جاؤں گا تو انشاءاللہ وہ اچھے اچھے شاعر جو خوب لکھتے ہیں لیکن نیٹ پر ان کلام نہیں ملتا وہاں یہاں ارسال کروں گا انشاءاللہ لیکن ابھی دوشی صاحب کی ایک اور خوبصورت غزل



کیوں کرتا ہے کم ظرفوں سے تو تکرار سمندر

جیسے گزرے خاموشی سے وقت گزار سمندر



ایسے دیکھا کرتا تھا میں اس کی جھیل سی آنکھیں

جیسے کوئی دیکھ رہا ہو پہلی بار سمندر



آج نا جانے دوں گا تجھ کو اپنی آنکھ سے باہر

دھاڑیں مار سمندر چاہے ٹھاٹھیں مار سمندر



صحرا پار کیا ہے میں نے کر کچھ سر کا صدقہ

مجھ پر وار سمندر کوئی ٹھنڈا ٹھار سمندر



جتنی آسانی سے میں نے تجھ کو پار کیا ہے

کیا تو ایسے کر سکتا ہے مجھ کو پار سمندر



جنم جنم کی پیاس بھری ہے میری اس مٹی میں

میرے ذرے ذرے کو ہے اب درکار سمندر



اک بحرِ مردار کی صورت اور ایک بحرِ الکاہل

میرے ساتھ کہاں تک چلتے یہ بیمار سمندر



میں سیراب کروں صحراؤ میری آنکھ میں آؤ

پیاس تمہاری ہے ہی کتنی بس دو چار سمندر



رانا سعید دوشی

__________________