محمدعدنان

گلہائے دھنک رنگ سے خوش پوش تھے ہم بھی

پرواز میں اس شوخ کے ہم دوش تھے ہم بھی



لمحے تھے مقید ترے لہجے کے اثر میں

اس رات سراپا ہمہ تن گوش تھے ہم بھی



الفاظ کا کیا کام جب آنکھیں ہوں سخنور

یہ سوچ کے لب بستہ و خاموش تھے ہم بھی



جذبوں کے تلک کے موافق تھی فضا کچھ

اظہار کی خاطر بڑے پُر جوش تھے ہم بھی



اس زیست کے عفریتوں کے ہاتھوں میں نہ پہنچیں

سینے میں ترے اس لئے روپوش تھے ہم بھی



کچھ وہ بھی بھلا بیٹھا تھا پیمانِ محبت

کچھ یہ کہ بہت زود فراموش تھے ہم بھی

__________________