خرم شہزاد خرم

گلے لگ کر مرے وہ جانے ہنستا تھا کہ روتا تھا
نہ کھِل کر دھوپ پھیلی بھی نہ بادل کھُل کے برسا تھا
کبھی دل بھی نہیں، اک زخم ، آنکھوں کی جگہ آنسو
کبھی میں بھی نہ تھا، بس ڈائری میں شعر لکھا تھا
وہ ہر پل ساتھ ہے میرے، کہاں تک اس کو میں دیکھوں
گئے وہ دن کہ اس کے نام پر بھی دل دھڑکتا تھا
یہاں پر کشتئِ جاں پر کئی مانجھی مقرر تھے
ادھر سازش تھی پانی کی، ادھر قضیہ ہَوا کا تھا
چھپا کر لے گیا اپنے دکھوں کو ساری دنیا سے
لگا تھا یوں تو ہم تم سا، وہ جادوگر بلا کا تھا

__________________

عروج

ھاں۔ گئے وہ دن کہ اسکے نام پر بھی دل دھڑکتا تھا۔

عروج

خرم بھائ اپنی نظم میں تخلص بھی استعمال کیا کریں۔

عروج

کسی کی نظم کو ًاقتباس ً لکھ کر شروع کیا کریں۔